અથર્વવેદ · અધ્યાય 2

સૂક્તમ્ ૧
સૂક્તમ્ ૨
સૂક્તમ્ ૩
સૂક્તમ્ ૪
સૂક્તમ્ ૫
સૂક્તમ્ ૬
સૂક્તમ્ ૭
સૂક્તમ્ ૮
સૂક્તમ્ ૯
સૂક્તમ્ ૧૦
સૂક્તમ્ ૧૧
સૂક્તમ્ ૧૨
સૂક્તમ્ ૧૩
સૂક્તમ્ ૧૪
સૂક્તમ્ ૧૫
સૂક્તમ્ ૧૬
સૂક્તમ્ ૧૭
સૂક્તમ્ ૧૮
સૂક્તમ્ ૧૯
સૂક્તમ્ ૨૦
સૂક્તમ્ ૨૧
સૂક્તમ્ ૨૨
સૂક્તમ્ ૨૩
સૂક્તમ્ ૨૪
સૂક્તમ્ ૨૫
સૂક્તમ્ ૨૬
સૂક્તમ્ ૨૭
સૂક્તમ્ ૨૮
સૂક્તમ્ ૨૯
સૂક્તમ્ ૩૦
સૂક્તમ્ ૩૧
સૂક્તમ્ ૩૨
સૂક્તમ્ ૩૩
સૂક્તમ્ ૩૪
સૂક્તમ્ ૩૫
સૂક્તમ્ ૩૬
દ્વિતીયકાણ્ડસ્ય એકલસઞ્ચિકા
2.1
વેનસ્તત્પશ્યત્પરમં ગુહા યદ્યત્ર વિશ્વં ભવત્યેકરૂપમ્ ।
ઇદં પૃશ્નિરદુહજ્જાયમાનાઃ સ્વર્વિદો અભ્યનૂષત વ્રાઃ

પ્ર તદ્વોચેદમૃતસ્ય વિદ્વાન્ ગન્ધર્વો ધામ પરમં ગુહા યત્।
ત્રીણિ પદાનિ નિહિતા ગુહાસ્ય યસ્તાનિ વેદ સ પિતુષ્પિતાસત્

સ નઃ પિતા જનિતા સ ઉત બન્ધુર્ધામાનિ વેદ ભુવનાનિ વિશ્વા ।
યો દેવાનાં નામધ એક એવ તં સંપ્રશ્નં ભુવના યન્તિ સર્વા

પરિ દ્યાવાપૃથિવી સદ્ય આયમુપાતિષ્ઠે પ્રથમજામૃતસ્ય ।
વાચમિવ વક્તરિ ભુવનેષ્ઠા ધાસ્યુરેષ નન્વેષો અગ્નિઃ

પરિ વિશ્વા ભુવનાન્યાયમૃતસ્ય તન્તું વિતતં દૃશે કમ્ ।
યત્ર દેવા અમૃતમાનશાનાઃ સમાને યોનાવધ્યૈરયન્ત

2.2
દિવ્યો ગન્ધર્વો ભુવનસ્ય યસ્પતિરેક એવ નમસ્યો વિક્ષ્વીડ્યઃ ।
તં ત્વા યૌમિ બ્રહ્મણા દિવ્ય દેવ નમસ્તે અસ્તુ દિવિ તે સધસ્થમ્

દિવિ સ્પૃષ્ટો યજતઃ સૂર્યત્વગવયાતા હરસો દૈવ્યસ્ય ।
મૃડાત્ગન્ધર્વો ભુવનસ્ય યસ્પતિરેક એવ નમસ્યઃ સુશેવાઃ

અનવદ્યાભિઃ સમુ જગ્મ આભિરપ્સરાસ્વપિ ગન્ધર્વ આસીત્।
સમુદ્ર આસાં સદનં મ આહુર્યતઃ સદ્ય આ ચ પરા ચ યન્તિ

અભ્રિયે દિદ્યુન્ નક્ષત્રિયે યા વિશ્વાવસું ગન્ધર્વં સચધ્વે ।
તાભ્યો વો દેવીર્નમ ઇત્કૃણોમિ

યાઃ ક્લન્દાસ્તમિષીચયોઽક્ષકામા મનોમુહઃ ।
તાભ્યો ગન્ધર્વભ્યોઽપ્સરાભ્યોઽકરં નમઃ

2.3
અદો યદવધાવત્યવત્કમધિ પર્વતાત્।
તત્તે કૃણોમિ ભેષજં સુભેષજં યથાસસિ

આદઙ્ગા કુવિદઙ્ગ શતં યા ભેષજાનિ તે ।
તેષામસિ ત્વમુત્તમમનાસ્રાવમરોગણમ્

નીચૈઃ ખનન્ત્યસુરા અરુસ્રાણમિદં મહત્।
તદાસ્રાવસ્ય ભેષજં તદુ રોગમનીનશત્

ઉપજીકા ઉદ્ભરન્તિ સમુદ્રાદધિ ભેષજમ્ ।
તદાસ્રાવસ્ય ભેષજં તદુ રોગમશીશમત્

અરુસ્રાણમિદં મહત્પૃથિવ્યા અધ્યુદ્ભૃતમ્ ।
તદાસ્રાવસ્ય ભેષજં તદુ રોગમનીનશત્

શં નો ભવન્ત્વપ ઓષધયઃ શિવાઃ ।
ઇન્દ્રસ્ય વજ્રો અપ હન્તુ રક્ષસ આરાદ્વિસૃષ્ટા ઇષવઃ પતન્તુ રક્ષસામ્

2.4
દીર્ઘાયુત્વાય બૃહતે રણાયારિષ્યન્તો દક્ષમાણાઃ સદૈવ ।
મણિં વિષ્કન્ધદૂષણં જઙ્ગિડં બિભૃમો વયમ્

જઙ્ગિડો જમ્ભાદ્વિશરાદ્વિષ્કન્ધાદભિશોચનાત્।
મણિઃ સહસ્રવીર્યઃ પરિ ણઃ પાતુ વિશ્વતઃ

અયં વિષ્કન્ધં સહતેઽયં બાધતે અત્ત્રિણઃ ।
અયં નો વિશ્વભેષજો જઙ્ગિડઃ પાત્વંહસઃ

દેવૈર્દત્તેન મણિના જઙ્ગિડેન મયોભુવા ।
વિષ્કન્ધં સર્વા રક્ષાંસિ વ્યાયામે સહામહે

શણશ્ચ મા જઙ્ગિડશ્ચ વિષ્કન્ધાદભિ રક્ષતામ્ ।
અરણ્યાદન્ય આભૃતઃ કૃષ્યા અન્યો રસેભ્યઃ

કૃત્યાદૂષિરયં મણિરથો અરાતિદૂષિઃ ।
અથો સહસ્વાન્ જઙ્ગિડઃ પ્ર ણ આયુંષિ તારિષત્

2.5
ઇન્દ્ર જુષસ્વ પ્ર વહા યાહિ શૂર હરિભ્યામ્ ।
પિબા સુતસ્ય મતેરિહ મધોશ્ચકાનશ્ચારુર્મદાય

ઇન્દ્ર જઠરં નવ્યો ન પૃણસ્વ મધોર્દિવો ન ।
અસ્ય સુતસ્ય સ્વર્ણોપ ત્વા મદાઃ સુવાચો અગુઃ

ઇન્દ્રસ્તુરાષાણ્મિત્રો વૃત્રં યો જઘાન યતીર્ન ।
બિભેદ વલં ભૃગુર્ન સસહે શત્રૂન્ મદે સોમસ્ય

આ ત્વા વિશન્તુ સુતાસ ઇન્દ્ર પૃણસ્વ કુક્ષી વિડ્ઢિ શક્ર ધિયેહ્યા નઃ ।
શ્રુધી હવં ગિરો મે જુષસ્વેન્દ્ર સ્વયુગ્ભિર્મત્સ્વેહ મહે રણાય

ઇન્દ્રસ્ય નુ પ્ર વોચં વીર્યાણિ યાનિ ચકાર પ્રથમાનિ વજ્રી ।
અહન્ન્ અહિમનુ અપસ્તતર્દ પ્ર વક્ષણા અભિનત્પર્વતાનામ્

અહન્ન્ અહિં પર્વતે શિશ્રિયાણં ત્વષ્ટાસ્મૈ વજ્રં સ્વર્યં તતક્ષ ।
વાશ્રા ઇવ ધેનવઃ સ્યન્દમાના અઞ્જઃ સમુદ્રમવ જગ્મુરાપઃ

વૃષાયમાણો અવૃણીત સોમં ત્રિકદ્રુકેષુ અપિબત્સુતસ્ય ।
આ સાયકં મઘવાદત્ત વજ્રમહન્ન્ એનં પ્રથમજામહીનામ્

2.6
સમાસ્ત્વાગ્ન ઋતવો વર્ધયન્તુ સંવત્સરા ઋષયો યાનિ સત્યા ।
સં દિવ્યેન દીદિહિ રોચનેન વિશ્વા આ ભાહિ પ્રદિશશ્ચતસ્રઃ

સં ચેધ્યસ્વાગ્ને પ્ર ચ વર્ધયેમમુચ્ચ તિષ્ઠ મહતે સૌભગાય ।
મા તે રિષન્ન્ ઉપસત્તારો અગ્ને બ્રહ્માણસ્તે યશસઃ સન્તુ માન્યે

ત્વામગ્ને વૃણતે બ્રાહ્મણા ઇમે શિવો અગ્ને સંવરણે ભવા નઃ ।
સપત્નહાગ્ને અભિમાતિજિદ્ભવ સ્વે ગયે જાગૃહ્યપ્રયુચ્છન્

ક્ષત્રેણાગ્ને સ્વેન સં રભસ્વ મિત્રેણાગ્ને મિત્રધા યતસ્વ ।
સજાતાનાં મધ્યમેષ્ઠા રાજ્ઞામગ્ને વિહવ્યો દીદિહીહ

અતિ નિહો અતિ સૃધોઽત્યચિત્તીરતિ દ્વિષઃ ।
વિશ્વા હ્યગ્ને દુરિતા તર ત્વમથાસ્મભ્યં સહવીરં રયિં દાઃ

2.7
અઘદ્વિષ્ટા દેવજાતા વીરુચ્છપથયોપની ।
આપો મલમિવ પ્રાણૈક્ષીત્સર્વાન્ મચ્છપથામધિ

યશ્ચ સાપત્નઃ શપથો જામ્યાઃ શપથશ્ચ યઃ ।
બ્રહ્મા યન્ મન્યુતઃ શપાત્સર્વં તન્ નો અધસ્પદમ્

દિવો મૂલમવતતં પૃથિવ્યા અધ્યુત્તતમ્ ।
તેન સહસ્રકાણ્ડેન પરિ ણઃ પાહિ વિશ્વતઃ

પરિ માં પરિ મે પ્રજાં પરિ ણઃ પાહિ યદ્ધનમ્ ।
અરાતિર્નો મા તારીન્ મા નસ્તારિશુરભિમાતયઃ

શપ્તારમેતુ શપથો યઃ સુહાર્ત્તેન નઃ સહ ।
ચક્ષુર્મન્ત્રસ્ય દુર્હાર્દઃ પૃષ્ટીરપિ શૃણીમસિ

2.8
ઉદગાતાં ભગવતી વિચૃતૌ નામ તારકે ।
વિ ક્ષેત્રિયસ્ય મુઞ્ચતામધમં પાશમુત્તમમ્

અપેયં રાત્ર્યુચ્છત્વપોચ્છન્ત્વભિકૃત્વરીઃ ।
વીરુત્ક્ષેત્રિયનાશન્યપ ક્ષેત્રિયમુચ્છતુ

બભ્રોરર્જુનકાણ્ડસ્ય યવસ્ય તે પલાલ્યા તિલસ્ય તિલપિઞ્જ્યા ।
વીરુત્ક્ષેત્રિયનાશન્યપ ક્ષેત્રિયમુચ્છતુ

નમસ્તે લાઙ્ગલેભ્યો નમ ઈષાયુગેભ્યઃ ।
વીરુત્ક્ષેત્રિયનાશન્યપ ક્ષેત્રિયમુચ્છતુ

નમઃ સનિસ્રસાક્ષેભ્યો નમઃ સંદેશ્યેભ્યઃ ।
નમઃ ક્ષેત્રસ્ય પતયે વીરુત્ક્ષેત્રિયનાશન્યપ ક્ષેત્રિયમુચ્છતુ

2.9
દશવૃક્ષ મુઞ્ચેમં રક્ષસો ગ્રાહ્યા અધિ યૈનં જગ્રાહ પર્વસુ ।
અથો એનં વનસ્પતે જીવાનાં લોકમુન્ નય

આગાદુદગાદયં જીવાનાં વ્રાતમપ્યગાત્।
અભૂદુ પુત્રાણાં પિતા નૃણાં ચ ભગવત્તમઃ

અધીતીરધ્યગાદયમધિ જીવપુરા અગાન્ ।
શતં હ્યસ્ય ભિષજઃ સહસ્રમુત વીરુધઃ

દેવાસ્તે ચીતિમવિદન્ બ્રહ્માણ ઉત વીરુધઃ ।
ચીતિં તે વિશ્વે દેવા અવિદન્ ભૂમ્યામધિ

યશ્ચકાર સ નિષ્કરત્સ એવ સુભિષક્તમઃ ।
સ એવ તુભ્યં ભેષજાનિ કૃણવદ્ભિષજા શુચિઃ

2.10
ક્ષેત્રિયાત્ત્વા નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

શં તે અગ્નિઃ સહાદ્ભિરસ્તુ શં સોમઃ સહૌષધીભિઃ ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

શં તે વાતો અન્તરિક્ષે વયો ધાચ્છં તે ભવન્તુ પ્રદિશશ્ચતસ્રઃ ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

ઇમા યા દેવીઃ પ્રદિશશ્ચતસ્રો વાતપત્નીરભિ સૂર્યો વિચષ્ટે ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃનોમિ શિવે તે દ્યાવાપૃથિવી ઉભે સ્તામ્

તાસુ ત્વાન્તર્જરસ્યા દધામિ પ્ર યક્ષ્મ એતુ નિરૃતિઃ પરાચૈઃ ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

અમુક્થા યક્ષ્માદ્દુરિતાદવદ્યાદ્દ્રુહઃ પાશાદ્ગ્રાહ્યાશ્ચોદમુક્થાઃ ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

અહા અરાતિમવિદઃ સ્યોનમપ્યભૂર્ભદ્રે સુકૃતસ્ય લોકે ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

સૂર્યમૃતં તમસો ગ્રાહ્યા અધિ દેવા મુઞ્ચન્તો અસૃજન્ નિરેનસઃ ।
એવાહં ત્વાં ક્ષેત્રિયાન્ નિરૃત્યા જામિશંસાદ્દ્રુહો મુઞ્ચામિ વરુણસ્ય પાશાત્।
અનાગસં બ્રહ્મણા ત્વા કૃણોમિ શિવે તે દ્યાવાપૃથિવી ઉભે સ્તામ્

2.11
દૂષ્યા દૂષિરસિ હેત્યા હેતિરસિ મેન્યા મેનિરસિ ।
આપ્નુહિ શ્રેયાંસમતિ સમં ક્રામ

સ્રક્ત્યોઽસિ પ્રતિસરોઽસિ પ્રત્યભિચરણોઽસિ ।
આપ્નુહિ શ્રેયાંસમતિ સમં ક્રામ

પ્રતિ તમભિ ચર યોઽસ્માન્ દ્વેષ્ટિ યં વયં દ્વિષ્મઃ ।
આપ્નુહિ શ્રેયાંસમતિ સમં ક્રામ

સૂરિરસિ વર્ચોધા અસિ તનૂપાનોઽસિ ।
આપ્નુહિ શ્રેયાંસમતિ સમં ક્રામ

શુક્રોઽસિ ભ્રાજોઽસિ સ્વરસિ જ્યોતિરસિ ।
આપ્નુહિ શ્રેયાંસમતિ સમં ક્રામ

2.12
દ્યાવાપૃથિવી ઉર્વન્તરિક્ષં ક્ષેત્રસ્ય પત્ન્યુરુગાયોઽદ્ભુતઃ ।
ઉતાન્તરિક્ષમુરુ વાતગોપં ત ઇહ તપ્યન્તાં મયિ તપ્યમાને

ઇદં દેવાઃ શૃણુત યે યજ્ઞિયા સ્થ ભરદ્વાજો મહ્યમુક્થાનિ શંસતિ ।
પાશે સ બદ્ધો દુરિતે નિ યુજ્યતાં યો અસ્માકં મન ઇદં હિનસ્તિ

ઇદમિન્દ્ર શૃણુહિ સોમપ યત્ત્વા હૃદા શોચતા જોહવીમિ ।
વૃશ્ચામિ તં કુલિશેનેવ વૃક્ષં યો અસ્માકં મન ઇદં હિનસ્તિ

અશીતિભિસ્તિસૃભિઃ સામગેભિરાદિત્યેભિર્વસુભિરઙ્ગિરોભિઃ ।
ઇષ્ટાપૂર્તમવતુ નઃ પિતૄણામામું દદે હરસા દૈવ્યેન

દ્યાવાપૃથિવી અનુ મા દીધીથાં વિશ્વે દેવાસો અનુ મા રભધ્વમ્ ।
અઙ્ગિરસઃ પિતરઃ સોમ્યાસઃ પાપમાર્છત્વપકામસ્ય કર્તા

અતીવ યો મરુતો મન્યતે નો બ્રહ્મ વા યો નિન્દિષત્ક્રિયમાણમ્ ।
તપૂંષિ તસ્મૈ વૃજિનાનિ સન્તુ બ્રહ્મદ્વિષં દ્યૌરભિસંતપાતિ

સપ્ત પ્રાણાન્ અષ્ટૌ મન્યસ્તાંસ્તે વૃશ્ચામિ બ્રહ્મણા ।
અયા યમસ્ય સાદનમગ્નિદૂતો અરંકૃતઃ

આ દધામિ તે પદં સમિદ્ધે જાતવેદસિ ।
અગ્નિઃ શરીરં વેવેષ્ટ્વસું વાગપિ ગચ્છતુ

2.13
આયુર્દા અગ્ને જરસં વૃણાનો ઘૃતપ્રતીકો ઘૃતપૃષ્ઠો અગ્ને ।
ઘૃતં પીત્વા મધુ ચારુ ગવ્યં પિતેવ પુત્રાન્ અભિ રક્ષતાદિમમ્

પરિ ધત્ત ધત્ત નો વર્ચસેમં જરામૃત્યું કૃણુત દીર્ઘમાયુઃ ।
બૃહસ્પતિઃ પ્રાયચ્છદ્વાસ એતત્સોમાય રાજ્ઞે પરિધાતવા ઉ

પરીદં વાસો અધિથાઃ સ્વસ્તયેઽભૂર્ગૃષ્ટીનામભિશસ્તિપા ઉ ।
શતં ચ જીવ શરદઃ પુરૂચી રાયશ્ચ પોષમુપસંવ્યયસ્વ

એહ્યશ્માનમા તિષ્ઠાશ્મા ભવતુ તે તનૂઃ ।
કૃણ્વન્તુ વિશ્વે દેવા આયુષ્ટે શરદઃ શતમ્

યસ્ય તે વાસઃ પ્રથમવાસ્યં હરામસ્તં ત્વા વિશ્વેઽવન્તુ દેવાઃ ।
તં ત્વા ભ્રાતરઃ સુવૃધા વર્ધમાનમનુ જાયન્તાં બહવઃ સુજાતમ્

2.14
નિઃસાલાં ધૃષ્ણું ધિષણમેકવાદ્યાં જિઘત્સ્વમ્ ।
સર્વાશ્ચણ્ડસ્ય નપ્ત્યો નાશયામઃ સદાન્વાઃ

નિર્વો ગોષ્ઠાદજામસિ નિરક્ષાન્ નિરુપાનશાત્।
નિર્વો મગુન્દ્યા દુહિતરો ગૃહેભ્યશ્ચાતયામહે

અસૌ યો અધરાદ્ગૃહસ્તત્ર સન્ત્વરાય્યઃ ।
તત્ર સેદિર્ન્યુચ્યતુ સર્વાશ્ચ યાતુધાન્યઃ

ભૂતપતિર્નિરજત્વિન્દ્રશ્ચેતઃ સદાન્વાઃ ।
ગૃહસ્ય બુધ્ન આસીનાસ્તા ઇન્દ્રો વજ્રેણાધિ તિષ્ઠતુ

યદિ સ્થ ક્ષેત્રિયાણાં યદિ વા પુરુષેષિતાઃ ।
યદિ સ્થ દસ્યુભ્યો જાતા નશ્યતેતઃ સદાન્વાઃ

પરિ ધામાન્યાસામાશુર્ગાષ્ઠામિવાસરમ્ ।
અજૈષં સર્વાન્ આજીન્ વો નશ્યતેતઃ સદાન્વાઃ

2.15
યથા દ્યૌશ્ચ પૃથિવી ચ ન બિભીતો ન રિષ્યતઃ ।
એવા મે પ્રાણ મા બિભેઃ

યથાહશ્ચ રાત્રી ચ ન બિભીતો ન રિષ્યતઃ ।
એવા મે પ્રાણ મા બિભેઃ

યથા સૂર્યશ્ચ ચન્દ્રશ્ચ ન બિભીતો ન રિષ્યતઃ ।
એવા મે પ્રાણ મા બિભેઃ

યથા બ્રહ્મ ચ ક્ષત્રં ચ ન બિભીતો ન રિષ્યતઃ ।
એવા મે પ્રાણ મા બિભેઃ

યથા સત્યં ચાનૃતં ચ ન બિભીતો ન રિષ્યતઃ ।
એવા મે પ્રાણ મા બિભેઃ

યથા ભૂતં ચ ભવ્યં ચ ન બિભીતો ન રિષ્યતઃ ।
એવા મે પ્રાણ મા બિભેઃ

2.16
પ્રાણાપાનૌ મૃત્યોર્મા પાતં સ્વાહા

દ્યાવાપૃથિવી ઉપશ્રુત્યા મા પાતં સ્વાહા

સૂર્ય ચક્ષુષા મા પાહિ સ્વાહા

અગ્ને વૈશ્વાનર વિશ્વૈર્મા દેવૈઃ પાહિ સ્વાહા

વિશ્વમ્ભર વિશ્વેન મા ભરસા પાહિ સ્વાહા

2.17
ઓજોઽસ્યોજો મે દાઃ સ્વાહા ।૧॥
સહોઽસિ સહો મે દાઃ સ્વાહા

બલમસિ બલં દાઃ સ્વાહા

આયુરસ્યાયુર્મે દાઃ સ્વાહ

શ્રોત્રમસિ શ્રોત્રં મે દાઃ સ્વાહ

ચક્ષુરસિ ચક્ષુર્મે દાઃ સ્વાહ

પરિપાણમસિ પરિપાણં મે દાઃ સ્વાહ

2.18
ભ્રાતૃવ્યક્ષયણમસિ ભ્રાતૃવ્યચાતનં મે દાઃ સ્વાહ

સપત્નક્ષયણમસિ સપત્નચાતનં મે દાઃ સ્વાહ

અરાયક્ષયણમસ્યરાયચાતનં મે દાઃ સ્વાહ

પિશાચક્ષયણમસિ પિશાચચાતનં મે દાઃ સ્વાહ

સદાન્વાક્ષયણમસિ સદાન્વાચાતનં મે દાઃ સ્વાહ

2.19
અગ્ને યત્તે તપસ્તેન તં પ્રતિ તપ યોઽસ્માન્ દ્વેષ્ટિ યં વયં દ્વિષ્મઃ

અગ્ને યત્તે હરસ્તેન તં પ્રતિ હર યોઽસ્માન્ દ્વેષ્ટિ યં વયં દ્વિષ્મઃ

અગ્ને યત્તેઽર્ચિસ્તેન તં પ્રત્યર્ચ યોઽસ્માન્ દ્વેષ્ટિ યં વયં દ્વિષ્મઃ

અગ્ને યત્તે શોચિસ્તેન તં પ્રતિ શોચ યોઽસ્માન્ દ્વેષ્ટિ યં વયં દ્વિષ્મઃ

અગ્ને યત્તે તેજસ્તેન તમતેજસં કૃણુ યોઽસ્માન્ દ્વેષ્ટિ યં વયં દ્વિષ્મઃ

2.20
વાયો યત્તે તપસ્તેન તં પ્રતિ તપ યોઽસ્માન્ દ્વેષ્ટિ યં વયં દ્વિષ્મઃ

વાયો યત્તે હરસ્તેન તં પ્રતિ હર યોઽસ્માન્ દ્વેષ્ટિ યં વયં દ્વિષ્મઃ

વાયો યત્તેઽર્ચિસ્તેન તં પ્રત્યર્ચ યોઽસ્માન્ દ્વેષ્ટિ યં વયં દ્વિષ્મઃ

વાયો યત્તે શોચિસ્તેન તં પ્રતિ શોચ યોઽસ્માન્ દ્વેષ્ટિ યં વયં દ્વિષ્મઃ

વાયો યત્તે તેજસ્તેન તમતેજસં કૃણુ યોઽસ્માન્ દ્વેષ્ટિ યં વયં દ્વિષ્મઃ

2.21
સૂર્ય યત્તે તપસ્તેન તં પ્રતિ તપ યોઽસ્માન્ દ્વેષ્ટિ યં વયં દ્વિષ્મઃ

સૂર્ય યત્તે હરસ્તેન તં પ્રતિ હર યોઽસ્માન્ દ્વેષ્ટિ યં વયં દ્વિષ્મઃ

સૂર્ય યત્તેઽર્ચિસ્તેન તં પ્રત્યર્ચ યોઽસ્માન્ દ્વેષ્ટિ યં વયં દ્વિષ્મઃ

સૂર્ય યત્તે શોચિસ્તેન તં પ્રતિ શોચ યોઽસ્માન્ દ્વેષ્ટિ યં વયં દ્વિષ્મઃ

સૂર્ય યત્તે તેજસ્તેન તમતેજસં કૃણુ યોઽસ્માન્ દ્વેષ્ટિ યં વયં દ્વિષ્મઃ

2.22
ચન્દ્ર યત્તે તપસ્તેન તં પ્રતિ તપ યોઽસ્માન્ દ્વેષ્ટિ યં વયં દ્વિષ્મઃ

ચન્દ્ર યત્તે હરસ્તેન તં પ્રતિ હર યોઽસ્માન્ દ્વેષ્ટિ યં વયં દ્વિષ્મઃ

ચન્દ્ર યત્તેઽર્ચિસ્તેન તં પ્રત્યર્ચ યોઽસ્માન્ દ્વેષ્ટિ યં વયં દ્વિષ્મઃ

ચન્દ્ર યત્તે શોચિસ્તેન તં પ્રતિ શોચ યોઽસ્માન્ દ્વેષ્ટિ યં વયં દ્વિષ્મઃ

ચન્દ્ર યત્તે તેજસ્તેન તમતેજસં કૃણુ યોઽસ્માન્ દ્વેષ્ટિ યં વયં દ્વિષ્મઃ

2.23
આપો યદ્વસ્તપસ્તેન તં પ્રતિ તપત યોઽસ્માન્ દ્વેષ્ટિ યં વયં દ્વિષ્મઃ

આપો યદ્વસ્હરસ્તેન તં પ્રતિ હરત યોઽસ્માન્ દ્વેષ્ટિ યં વયં દ્વિષ્મઃ

આપો યદ્વસ્ઽર્ચિસ્તેન તં પ્રતિ અર્ચત યોઽસ્માન્ દ્વેષ્ટિ યં વયં દ્વિષ્મઃ

આપો યદ્વસ્શોચિસ્તેન તં પ્રતિ શોચત યોઽસ્માન્ દ્વેષ્ટિ યં વયં દ્વિષ્મઃ

આપો યદ્વસ્તેજસ્તેન તમતેજસં કૃણુત યોઽસ્માન્ દ્વેષ્ટિ યં વયં દ્વિષ્મઃ

2.24
શેરભક શેરભ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

શેવૃધક શેવૃધ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

મ્રોકાનુમ્રોક પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

સર્પાનુસર્પ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

જૂર્ણિ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

ઉપબ્દે પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

અર્જુનિ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

ભરૂજિ પુનર્વો યન્તુ યાતવઃ પુનર્હેતિઃ કિમીદિનઃ ।
યસ્ય સ્થ તમત્ત યો વો પ્રાહૈત્તમત્ત સ્વા માંસાન્યત્ત

2.25
શં નો દેવી પૃશ્નિપર્ણ્યશં નિરૃત્યા અકઃ ।
ઉગ્રા હિ કણ્વજમ્ભની તામભક્ષિ સહસ્વતીમ્

સહમાનેયં પ્રથમા પૃશ્નિપર્ણ્યજાયત ।
તયાહં દુર્ણામ્નાં શિરો વૃશ્ચામિ શકુનેરિવ

અરાયમસૃક્પાવાનં યશ્ચ સ્ફાતિં જિહીર્ષતિ ।
ગર્ભાદં કણ્વં નાશય પૃશ્નિપર્ણિ સહસ્વ ચ

ગિરિમેનામા વેશય કણ્વાન્ જીવિતયોપનાન્ ।
તાંસ્ત્વં દેવિ પૃશ્નિપર્ણ્યગ્નિરિવાનુદહન્ન્ ઇહિ

પરાચ એનાન્ પ્ર ણુદ કણ્વાન્ જીવિતયોપનાન્ ।
તમાંસિ યત્ર ગચ્છન્તિ તત્ક્રવ્યાદો અજીગમમ્

2.26
એહ યન્તુ પશવો યે પરેયુર્વાયુર્યેષાં સહચારં જુજોષ ।
ત્વષ્ટા યેષાં રૂપધેયાનિ વેદાસ્મિન્ તાન્ ગોષ્ઠે સવિતા નિ યચ્છતુ

ઇમં ગોષ્ઠં પશવઃ સં સ્રવન્તુ બૃહસ્પતિરા નયતુ પ્રજાનન્ ।
સિનીવાલી નયત્વાગ્રમેષામાજગ્મુષો અનુમતે નિ યચ્છ

સં સં સ્રવન્તુ પશવઃ સમશ્વાઃ સમુ પૂરુષાઃ ।
સં ધાન્યસ્ય યા સ્ફાતિઃ સંસ્રાવ્યેણ હવિષા જુહોમિ

સં સિઞ્ચામિ ગવાં ક્ષીરં સમાજ્યેન બલં રસમ્ ।
સંસિક્તા અસ્માકં વીરા ધ્રુવા ગાવો મયિ ગોપતૌ

આ હરામિ ગવાં ક્ષીરમાહાર્ષં ધાન્યં રસમ્ ।
આહૃતા અસ્માકં વીરા આ પત્નીરિદમસ્તકમ્

2.27
નેચ્છત્રુઃ પ્રાશં જયાતિ સહમાનાભિભૂરસિ ।
પ્રાશં પ્રતિપ્રાશો જહ્યરસાન્ કૃણ્વોષધે

સુપર્ણસ્ત્વાન્વવિન્દત્સૂકરસ્ત્વાખનન્ નસા ।
પ્રાશં પ્રતિપ્રાશો જહ્યરસાન્ કૃણ્વોષધે

ઇન્દ્રો હ ચક્રે ત્વા બાહાવસુરેભ્ય સ્તરીતવે ।
પ્રાશં પ્રતિપ્રાશો જહ્યરસાન્ કૃણ્વોષધે

પાટામિન્દ્રો વ્યાશ્નાદસુરેભ્ય સ્તરીતવે ।
પ્રાશં પ્રતિપ્રાશો જહ્યરસાન્ કૃણ્વોષધે

તયાહં શત્રૂન્ત્સાક્ષ ઇન્દ્રઃ સાલાવૃકામિવ ।
પ્રાશં પ્રતિપ્રાશો જહ્યરસાન્ કૃણ્વોષધે

રુદ્ર જલાષભેષજ નીલશિખણ્ડ કર્મકૃત્।
પ્રાશં પ્રતિપ્રાશો જહ્યરસાન્ કૃણ્વોષધે

તસ્ય પ્રાશં ત્વં જહિ યો ન ઇન્દ્રાભિદાસતિ ।
અધિ નો બ્રૂહિ શક્તિભિઃ પ્રાશિ મામુત્તરં કૃધિ

2.28
તુભ્યમેવ જરિમન્ વર્ધતામયં મેમમન્યે મૃત્યવો હિંસિષુઃ શતં યે ।
માતેવ પુત્રં પ્રમના ઉપસ્થે મિત્ર એનં મિત્રિયાત્પાત્વંહસઃ

મિત્ર એનં વરુણો વા રિશાદા જરામૃત્યું કૃણુતાં સંવિદાનૌ ।
તદગ્નિર્હોતા વયુનાનિ વિદ્વાન્ વિશ્વા દેવાનાં જનિમા વિવક્તિ

ત્વમીશિષે પશૂનાં પાર્થિવાનાં યે જાતા ઉત વા યે જનિત્રાઃ ।
મેમં પ્રાણો હાસીન્ મો અપાનો મેમં મિત્રા વધિષુર્મો અમિત્રાઃ

દ્યૌષ્ટ્વા પિતા પૃથિવી માતા જરામૃત્યું કૃણુતાં સંવિદાને ।
યથા જીવા અદિતેરુપસ્થે પ્રાણાપાનાભ્યાં ગુપિતઃ શતં હિમાઃ

ઇમમગ્ને આયુષે વર્ચસે નય પ્રિયં રેતો વરુણ મિત્ર રાજન્ ।
માતેવાસ્મા અદિતે શર્મ યચ્છ વિશ્વે દેવા જરદષ્ટિર્યથાસત્

2.29
પાર્થિવસ્ય રસે દેવા ભગસ્ય તન્વો બલે ।
આયુષ્યમસ્મા અગ્નિઃ સૂર્યો વર્ચ આ ધાદ્બૃહસ્પતિઃ

આયુરસ્મૈ ધેહિ જાતવેદઃ પ્રજાં ત્વષ્ટરધિનિધેહિ અસ્મૈ ।
રાયસ્પોષં સવિતરા સુવાસ્મૈ શતં જીવાતિ શરદસ્તવાયમ્

આશીર્ણ ઊર્જમુત સૌપ્રજાસ્ત્વં દક્ષં ધત્તં દ્રવિણં સચેતસૌ ।
જયં ક્ષેત્રાણિ સહસાયમિન્દ્ર કૃણ્વાનો અન્યાન્ અધરાન્ત્સપત્નાન્

ઇન્દ્રેણ દત્તો વરુણેન શિષ્ટો મરુદ્ભિરુગ્રઃ પ્રહિતો નો આગન્ ।
એષ વાં દ્યાવાપૃથિવી ઉપસ્થે મા ક્ષુધન્ મા તૃષત્

ઊર્જમસ્મા ઊર્જસ્વતી ધત્તં પયો અસ્મૈ પયસ્વતી ધત્તમ્ ।
ઊર્જમસ્મૈ દ્યાવપૃથિવી અધાતાં વિશ્વે દેવા મરુત ઊર્જમાપઃ

શિવાભિષ્ટે હૃદયં તર્પયામ્યનમીવો મોદિષીષ્ઠાઃ સુવર્ચાઃ ।
સવાસિનૌ પિબતાં મન્થમેતમશ્વિનો રૂપં પરિધાય માયામ્

ઇન્દ્ર એતાં સસૃજે વિદ્ધો અગ્ર ઊર્જાં સ્વધામજરાં સા ત એષા ।
તયા ત્વં જીવ શરદઃ સુવર્ચા મા ત આ સુસ્રોદ્ભિષજસ્તે અક્રન્

2.30
યથેદં ભૂમ્યા અધિ તૃણં વાતો મથાયતિ ।
એવા મથ્નામિ તે મનો યથા માં કામિન્યસો યથા મન્ નાપગા અસઃ

સં ચેન્ નયાથો અશ્વિના કામિના સં ચ વક્ષથઃ ।
સં વાં ભગાસો અગ્મત સં ચિત્તાનિ સમુ વ્રતા

યત્સુપર્ણા વિવક્ષવો અનમીવા વિવક્ષવઃ ।
તત્ર મે ગચ્છતાદ્ધવં શલ્ય ઇવ કુલ્મલં યથા

યદન્તરં તદ્બાહ્યં યદ્બાહ્યં તદન્તરમ્ ।
કન્યાનાં વિશ્વરૂપાણાં મનો ગૃભાયૌષધે

એયમગન્ પતિકામા જનિકામોઽહમાગમમ્ ।
અશ્વઃ કનિક્રદદ્યથા ભગેનાહં સહાગમમ્

2.31
ઇન્દ્રસ્ય યા મહી દૃષત્ક્રિમેર્વિશ્વસ્ય તર્હણી ।
તયા પિનષ્મિ સં ક્રિમીન્ દૃષદા ખલ્વામિવ

દૃષ્ટમદૃષ્ટમતૃહમથો કુરૂરુમતૃહમ્ ।
અલ્ગણ્ડૂન્ત્સર્વાન્ છલુનાન્ ક્રિમીન્ વચસા જમ્ભયામસિ

અલ્ગણ્ડૂન્ હન્મિ મહતા વધેન દૂના અદૂના અરસા અભૂવન્ ।
શિષ્ટાન્ અશિષ્ટાન્ નિ તિરામિ વાચા યથા ક્રિમીણાં નકિરુછિષાતૈ

અન્વાન્ત્ર્યં શીર્ષણ્યમથો પાર્ષ્ટેયં ક્રિમીન્ ।
અવસ્કવં વ્યધ્વરં ક્રિમીન્ વચસા જમ્ભયામસિ

યે ક્રિમયઃ પર્વતેશુ વનેષ્વોષધીષુ પશુષ્વપ્સ્વન્તઃ ।
યે અસ્માકં તન્વમાવિવિશુઃ સર્વં તદ્ધન્મિ જનિમ ક્રિમીણામ્

2.32
ઉદ્યન્ન્ આદિત્યઃ ક્રિમીન્ હન્તુ નિમ્રોચન્ હન્તુ રશ્મિભિઃ ।
યે અન્તઃ ક્રિમયો ગવિ

વિશ્વરૂપં ચતુરક્ષં ક્રિમિં સારઙ્ગમર્જુનમ્ ।
શૃણામ્યસ્ય પૃષ્ટીરપિ વૃશ્ચામિ યચ્છિરઃ

અત્રિવદ્વઃ ક્રિમયો હન્મિ કણ્વવજ્જમદગ્નિવત્।
અગસ્ત્યસ્ય બ્રહ્મણા સં પિનષ્મ્યહં ક્રિમીન્

હતો રાજા ક્રિમીણામુતૈષાં સ્થપતિર્હતઃ ।
હતો હતમાતા ક્રિમિર્હતભ્રાતા હતસ્વસા

હતાસો અસ્ય વેશસો હતાસઃ પરિવેશસઃ ।
અથો યે ક્ષુલ્લકા ઇવ સર્વે તે ક્રિમયો હતાઃ

પ્ર તે શૃણામિ શૃઙ્ગે યાભ્યાં વિતુદાયસિ ।
ભિનાદ્મિ તે કુષુમ્ભં યસ્તે વિષધાનઃ

2.33
અક્ષીભ્યાં તે નાસિકાભ્યાં કર્ણાભ્યાં છુબુકાદધિ ।
યક્ષ્મં શીર્ષણ્યં મસ્તિષ્કાજ્જિહ્વાયા વિ વૃહામિ તે

ગ્રીવાભ્યસ્ત ઉષ્ણિહાભ્યઃ કીકસાભ્યો અનૂક્યાત્।
યક્ષ્મં દોષણ્યમંસાભ્યાં બાહુભ્યાં વિ વૃહામિ તે

હૃદયાત્તે પરિ ક્લોમ્નો હલીક્ષ્ણાત્પાર્શ્વાભ્યામ્ ।
યક્ષ્મં મતસ્નાભ્યાં પ્લીહ્નો યક્નસ્તે વિ વૃહામસિ

આન્ત્રેભ્યસ્તે ગુદાભ્યો વનિષ્ઠોરુદરાદધિ ।
યક્ષ્મં કુક્ષિભ્યાં પ્લાશેર્નાભ્યા વિ વૃહામિ તે

ઊરુભ્યાં તે અષ્ઠીવદ્ભ્યાં પાર્ષ્ણિભ્યાં પ્રપદાભ્યામ્ ।
યક્ષ્મં ભસદ્યં શ્રોણિભ્યાં ભાસદં ભંસસો વિ વૃહામિ તે

અસ્થિભ્યસ્તે મજ્જભ્યઃ સ્નાવભ્યો ધમનિભ્યઃ ।
યક્ષ્મં પાણિભ્યામઙ્ગુલિભ્યો નખેભ્યો વિ વૃહામિ તે

અઙ્ગેઅઙ્ગે લોમ્નિલોમ્નિ યસ્તે પર્વણિપર્વણિ ।
યક્ષ્મં ત્વચસ્યં તે વયં કશ્યપસ્ય વીબર્હેણ વિષ્વઞ્ચં વિ વૃહામસિ

2.34
ય ઈશે પશુપતિઃ પશૂનાં ચતુષ્પદામુત યો દ્વિપદામ્ ।
નિષ્ક્રીતઃ સ યજ્ઞિયં ભાગમેતુ રાયસ્પોષા યજમાનં સચન્તામ્

પ્રમુઞ્ચન્તો ભુવનસ્ય રેતો ગાતું ધત્ત યજમાનાય દેવાઃ ।
ઉપાકૃતં શશમાનં યદસ્થાત્પ્રિયં દેવાનામપ્યેતુ પાથઃ

યે બધ્યમાનમનુ દીધ્યાના અન્વૈક્ષન્ત મનસા ચક્ષુષા ચ ।
અગ્નિષ્ટાન્ અગ્રે પ્ર મુમોક્તુ દેવો વિશ્વકર્મા પ્રજયા સંરરાણઃ

યે ગ્રામ્યાઃ પશવો વિશ્વરૂપા વિરૂપાઃ સન્તો બહુધૈકરૂપાઃ ।
વાયુષ્ટાન્ અગ્રે પ્ર મુમોક્તુ દેવઃ પ્રજાપતિઃ પ્રજયા સંરરાણઃ

પ્રજાનન્તઃ પ્રતિ ગૃહ્ણન્તુ પૂર્વે પ્રાણમઙ્ગેભ્યઃ પર્યાચરન્તમ્ ।
દિવં ગચ્છ પ્રતિ તિષ્ઠા શરીરૈઃ સ્વર્ગં યાહિ પથિભિર્દેવયાનૈઃ

2.35
યે ભક્ષયન્તો ન વસૂન્યાનૃધુર્યાન્ અગ્નયો અન્વતપ્યન્ત ધિષ્ણ્યાઃ ।
યા તેષામવયા દુરિષ્ટિઃ સ્વિષ્ટિં નસ્તાં કૃણવદ્વિશ્વકર્મા

યજ્ઞપતિમૃષયઃ એનસાહુર્નિર્ભક્તં પ્રજા અનુતપ્યમાનમ્ ।
મથવ્યાન્ત્સ્તોકાન્ અપ યાન્ રરાધ સં નષ્ટેભિઃ સૃજતુ વિશ્વકર્મા

અદાન્યાન્ત્સોમપાન્ મન્યમાનો યજ્ઞસ્ય વિદ્વાન્ત્સમયે ન ધીરઃ ।
યદેનશ્ચકૃવાન્ બદ્ધ એષ તં વિશ્વકર્મન્ પ્ર મુઞ્ચા સ્વસ્તયે

ઘોરા ઋષયો નમો અસ્ત્વેભ્યશ્ચક્ષુર્યદેષાં મનસશ્ચ સત્યમ્ ।
બૃહસ્પતયે મહિષ દ્યુમન્ન્ નમો વિશ્વકર્મન્ નમસ્તે પાહ્યસ્માન્

યજ્ઞસ્ય ચક્ષુઃ પ્રભૃતિર્મુખં ચ વાચા શ્રોત્રેણ મનસા જુહોમિ ।
ઇમં યજ્ઞં વિતતં વિશ્વકર્મણા દેવા યન્તુ સુમનસ્યમાનાઃ

2.36
આ નો અગ્ને સુમતિં સંભલો ગમેદિમાં કુમારીં સહ નો ભગેન ।
જુષ્ટા વરેષુ સમનેષુ વલ્ગુરોષં પત્યા સૌભગમસ્તુ અસ્યૈ

સોમજુષ્ટં બ્રહ્મજુષ્ટમર્યમ્ના સંભૃતં ભગમ્ ।
ધાતુર્દેવસ્ય સત્યેન કૃણોમિ પતિવેદનમ્

ઇયમગ્ને નારી પતિં વિદેષ્ટ સોમો હિ રાજા સુભગાં કૃણોતિ ।
સુવાના પુત્રાન્ મહિષી ભવાતિ ગત્વા પતિં સુભગા વિ રાજતુ

યથાખરો મઘવંશ્ચારુરેષ પ્રિયો મૃગાણાં સુષદા બભૂવ ।
એવા ભગસ્ય જુષ્ટેયમસ્તુ નારી સંપ્રિયા પત્યાવિરાધયન્તી

ભગસ્ય નાવમા રોહ પૂર્ણામનુપદસ્વતીમ્ ।
તયોપપ્રતારય યો વરઃ પ્રતિકામ્યઃ

આ ક્રન્દય ધનપતે વરમામનસં કૃણુ ।
સર્વં પ્રદક્ષિણં કૃણુ યો વરઃ પ્રતિકામ્યઃ

ઇદં હિરણ્યં ગુલ્ગુલ્વયમૌક્ષો અથો ભગઃ ।
એતે પતિભ્યસ્ત્વામદુઃ પ્રતિકામાય વેત્તવે ॥૭
આ તે નયતુ સવિતા નયતુ પતિર્યઃ પ્રતિકામ્યઃ ।
ત્વમસ્યૈ ધેહ્યોષધે