અથર્વવેદ · અધ્યાય 19.7

ચિત્રાણિ સાકં દિવિ રોચનાનિ સરીસૃપાણિ ભુવને જવાનિ ।
તુર્મિશં સુમતિમિચ્છમાનો અહાનિ ગીર્ભિઃ સપર્યામિ નાકમ્

સુહવમગ્ને કૃત્તિકા રોહિણી ચાસ્તુ ભદ્રં મૃગશિરઃ શમાર્દ્રા ।
પુનર્વસૂ સૂનૃતા ચારુ પુષ્યો ભાનુરાશ્લેષા અયનં મઘા મે

પુણ્યં પૂર્વા ફલ્ગુન્યૌ ચાત્ર હસ્તશ્ચિત્રા શિવા સ્વાતિ સુખો મે અસ્તુ ।
રાધે વિશાખે સુહવાનુરાધા જ્યેષ્ઠા સુનક્ષત્રમરિષ્ટ મૂલમ્

અન્નં પૂર્વા રાસતાં મે અષાઢા ઊર્જં દેવ્યુત્તરા આ વહન્તુ ।
અભિજિન્ મે રાસતાં પુણ્યમેવ શ્રવણઃ શ્રવિષ્ઠાઃ કુર્વતાં સુપુષ્ટિમ્

આ મે મહચ્છતભિષગ્વરીય આ મે દ્વયા પ્રોષ્ઠપદા સુશર્મ ।
આ રેવતી ચાશ્વયુજૌ ભગં મ આ મે રયિં ભરણ્ય આ વહન્તુ