અથર્વવેદ · શ્લોક 19.54-2

કાલાદાપઃ સમભવન્ કાલાદ્બ્રહ્મ તપો દિશઃ ।
કાલેનોદેતિ સૂર્યઃ કાલે નિ વિશતે પુનઃ

કાલેન વાતઃ પવતે કાલેન પૃથિવી મહી ।
દ્યૌર્મહી કાલ આહિતા

કાલો હ ભૂતં ભવ્યં ચ પુત્રો અજનયત્પુરા ।
કાલાદૃચઃ સમભવન્ યજુઃ કાલાદજાયત

કાલો યજ્ઞં સમૈરયદ્દેવેભ્યો ભાગમક્ષિતમ્ ।
કાલે ગન્ધર્વાપ્સરસઃ કાલે લોકાઃ પ્રતિષ્ઠિતાઃ

કાલેઽયમઙ્ગિરા દેવોઽથર્વા ચાધિ તિષ્ઠતઃ ।
ઇમં ચ લોકં પરમં ચ લોકં પુણ્યાંશ્ચ લોકાન્ વિધૃતીશ્ચ પુણ્યાઃ ।
સર્વાંલ્લોકાન્ અભિજિત્ય બ્રહ્મણા કાલઃ સ ઈયતે પરમો નુ દેવઃ