અથર્વવેદ · અધ્યાય 19.44

19.44
આયુષોઽસિ પ્રતરણં વિપ્રં ભેષજમુચ્યસે ।
તદાઞ્જન ત્વં શંતાતે શમાપો અભયં કૃતમ્

યો હરિમા જાયાન્યોઽઙ્ગભેદો વિસલ્પકઃ ।
સર્વં તે યક્ષ્મમઙ્ગેભ્યો બહિર્નિર્હન્ત્વાઞ્જનમ્

આઞ્જનં પૃથિવ્યાં જાતં ભદ્રં પુરુષજીવનમ્ ।
કૃણોત્વપ્રમાયુકં રથજૂતિમનાગસમ્

પ્રાણ પ્રાણં ત્રાયસ્વાસો અસવે મૃડ ।
નિરૃતે નિરૃત્યા નઃ પાશેભ્યો મુઞ્ચ

સિન્ધોર્ગર્ભોઽસિ વિદ્યુતાં પુષ્પમ્ ।
વાતઃ પ્રાણઃ સૂર્યશ્ચક્ષુર્દિવસ્પયઃ

દેવાઞ્જન ત્રૈકકુદ પરિ મા પાહિ વિશ્વતઃ ।
ન ત્વા તરન્ત્યોષધયો બાહ્યાઃ પર્વતીયા ઉત

વીદં મધ્યમવાસૃપદ્રક્ષોહામીવચાતનઃ ।
અમીવાઃ સર્વાશ્ચાતયન્ નાશયદભિભા ઇતઃ

બહ્વિદં રાજન્ વરુણાનૃતમાહ પૂરુષઃ ।
તસ્માત્સહસ્રવીર્ય મુઞ્ચ નઃ પર્યંહસઃ

યદાપો અઘ્ન્યા ઇતિ વરુણેતિ યદૂચિમ ।
તસ્માત્સહસ્રવીર્ય મુઞ્ચ નઃ પર્યંહસઃ

મિત્રશ્ચ ત્વા વરુણશ્ચાનુપ્રેયતુરાઞ્જન ।
તૌ ત્વાનુગત્ય દૂરં ભોગાય પુનરોહતુઃ