અથર્વવેદ · અધ્યાય 19.36

શતવારો અનીનશદ્યક્ષ્માન્ રક્ષાંસિ તેજસા ।
આરોહન્ વર્ચસા સહ મણિર્દુર્ણામચાતનઃ

શૃઙ્ગાભ્યાં રક્ષો નુદતે મૂલેન યાતુધાન્યઃ ।
મધ્યેન યક્ષ્મં બાધતે નૈનં પાપ્માતિ તત્રતિ

યે યક્ષ્માસો અર્ભકા મહાન્તો યે ચ શબ્દિનઃ ।
સર્વાં દુર્ણામહા મણિઃ શતવારો અનીનશત્

શતં વીરાન્ અજનયચ્છતં યક્ષ્માન્ અપાવપત્।
દુર્ણામ્નઃ સર્વાન્ હત્વાવ રક્ષાંસિ ધૂનુતે

હિરણ્યશૃઙ્ગ ઋષભઃ શાતવારો અયં મણિઃ ।
દુર્ણામ્નઃ સર્વાંસ્તૃધ્વાવ રક્ષાંસ્યક્રમીત્

શતમહં દુર્ણામ્નીનાં ગન્ધર્વાપ્સરસાં શતમ્ ।
શતં શશ્વન્વતીનાં શતવારેણ વારયે