અથર્વવેદ · અધ્યાય 19.31

ઔદુમ્બરેણ મણિના પુષ્ટિકામાય વેધસા ।
પશૂનાં સર્વેષાં સ્ફાતિં ગોષ્ઠે મે સવિતા કરત્

યો નો અગ્નિર્ગાર્હપત્યઃ પશૂનામધિપા અસત્।
ઔદુમ્બરો વૃષા મણિઃ સં મા સૃજતુ પુષ્ટ્યા

કરીષિણીં ફલવતીં સ્વધામિરાં ચ નો ગૃહે ।
ઔદુમ્બરસ્ય તેજસા ધાતા પુષ્ટિં દધાતુ મે

યદ્દ્વિપાચ્ચ ચતુષ્પાચ્ચ યાન્યન્નાનિ યે રસાઃ ।
ગૃહ્ણેઽહં ત્વેષાં ભૂમાનં બિભ્રદૌદુમ્બરં મણિમ્

પુષ્ટિં પશૂનાં પરિ જગ્રભાહં ચતુષ્પદાં દ્વિપદાં યચ્ચ ધાન્યમ્ ।
પયઃ પશૂનાં રસમોષધીનાં બૃહસ્પતિઃ સવિતા મે નિ યચ્છાત્

અહં પશૂનામધિપા અસાનિ મયિ પુષ્ટં પુષ્ટપતિર્દધાતુ ।
મહ્યમૌદુમ્બરો મણિર્દ્રવિણાનિ નિ યચ્છતુ

ઉપ મૌદુમ્બરો મણિઃ પ્રજયા ચ ધનેન ચ ।
ઇન્દ્રેણ જિન્વિતો મણિરા માગન્ત્સહ વર્ચસા

દેવો મણિઃ સપત્નહા ધનસા ધનસાતયે ।
પશોરન્નસ્ય ભૂમાનં ગવાં સ્ફાતિં નિ યચ્છતુ

યથાગ્રે ત્વં વનસ્પતે પુષ્ટ્યા સહ જજ્ઞિષે ।
એવા ધનસ્ય મે સ્ફાતિમા દધાતુ સરસ્વતી

આ મે ધનં સરસ્વતી પયસ્ફાતિં ચ ધાન્યમ્ ।
સિનીવાલ્યુપા વહાદયં ચૌદુમ્બરો મણિઃ

ત્વં મણીણામધિપા વૃષાસિ ત્વયિ પુષ્ટં પુષ્ટપતિર્જજાન ।
ત્વયીમે વાજા દ્રવિણાનિ સર્વૌદુમ્બરઃ સ ત્વમસ્મત્સહસ્વારાદારાદરાતિમમતિં ક્ષુધં ચ

ગ્રામણીરસિ ગ્રામણીરુત્થાય અભિષિક્તોઽભિ મા સિઞ્ચ વર્ચસા ।
તેજોઽસિ તેજો મયિ ધારયાધિ રયિરસિ રયિં મે ધેહિ

પુષ્ટિરસિ પુષ્ટ્યા મા સમઙ્ગ્ધિ ગૃહમેધી ગૃહપતિં મા કૃણુ ।
ઔદુમ્બરઃ સ ત્વમસ્માસુ ધેહિ રયિં ચ નઃ સર્વવીરં નિ યચ્છ રાયસ્પોષાય પ્રતિ મુઞ્ચે અહં ત્વામ્

અયમૌદુમ્બરો મણિર્વીરો વીરાય બધ્યતે ।
સ નઃ સનિં મધુમતીં કૃણોતુ રયિં ચ નઃ સર્વવીરં નિ યચ્છાત્