અથર્વવેદ · અધ્યાય 19.24

યેન દેવં સવિતારં પરિ દેવા અધારયન્ ।
તેનેમં બ્રહ્મણસ્પતે પરિ રાષ્ટ્રાય ધત્તન

પરીમમિન્દ્રમાયુષે મહે ક્ષત્રાય ધત્તન ।
યથૈનં જરસે નયાજ્જ્યોક્ક્ષત્રેઽધિ જાગરત્

પરીમમિન્દ્રમાયુષે મહે શ્રોત્રાય ધત્તન ।
યથૈનં જરસે નયાજ્જ્યોક્શ્રોત્રેઽધિ જાગરત્

પરિ ધત્ત ધત્ત નો વર્ચસેમં જરામૃત્યું કૃણુત દીર્ઘમાયુઃ ।
બૃહસ્પતિઃ પ્રાયચ્છદ્વાસ એતત્સોમાય રાજ્ઞે પરિધાતવા ઉ

જરાં સુ ગચ્છ પરિ ધત્સ્વ વાસો ભવા ગૃષ્ટીનામભિશસ્તિપા ઉ ।
શતં ચ જીવ શરદઃ પુરૂચી રાયશ્ચ પોષમુપસંવ્યયસ્વ

પરીદં વાસો અધિથાઃ સ્વસ્તયેઽભૂર્વાપીનામભિશસ્તિપા ઉ ।
શતં ચ જીવ શરદઃ પુરૂચીર્વસૂનિ ચારુર્વિ ભજાસિ જીવન્

યોગેયોગે તવસ્તરં વાજેવાજે હવામહે ।
સખાય ઇન્દ્રમૂતયે

હિરણ્યવર્ણો અજરઃ સુવીરો જરામૃત્યુઃ પ્રજયા સં વિશસ્વ ।
તદગ્નિરાહ તદુ સોમ આહ બૃહસ્પતિઃ સવિતા તદિન્દ્રઃ