અથર્વવેદ · અધ્યાય 17

17.1
વિષાસહિં સહમાનં સાસહાનં સહીયાંસમ્ ।
સહમાનં સહોજિતં સ્વર્જિતં ગોજિતં સંધનાજિતમ્ ।
ઈડ્યં નામ હ્વ ઇન્દ્રમાયુષ્માન્ ભૂયાસમ્

વિષાસહિં સહમાનં સાસહાનં સહીયાંસમ્ ।
સહમાનં સહોજિતં સ્વર્જિતં ગોજિતં સંધનાજિતમ્ ।
ઈડ્યં નામ હ્વ ઇન્દ્રં પ્રિયો દેવાનાં ભૂયાસમ્

વિષાસહિં સહમાનં સાસહાનં સહીયાંસમ્ ।
સહમાનં સહોજિતં સ્વર્જિતં ગોજિતં સંધનાજિતમ્ ।
ઈડ્યં નામ હ્વ ઇન્દ્રં પ્રિયઃ પ્રજાનાં ભૂયાસમ્

વિષાસહિં સહમાનં સાસહાનં સહીયાંસમ્ ।
સહમાનં સહોજિતં સ્વર્જિતં ગોજિતં સંધનાજિતમ્ ।
ઈડ્યં નામ હ્વ ઇન્દ્રં પ્રિયઃ પશૂનાં ભૂયાસમ્

વિષાસહિં સહમાનં સાસહાનં સહીયાંસમ્ ।
સહમાનં સહોજિતં સ્વર્જિતં ગોજિતં સંધનાજિતમ્ ।
ઈડ્યં નામ હ્વ ઇન્દ્રં પ્રિયઃ સમાનાનાં ભૂયાસમ્

ઉદિહ્યુદિહિ સૂર્ય વર્ચસા માભ્યુદિહિ ।
દ્વિષંશ્ચ મહ્યં રધ્યતુ મા ચાહં દ્વિષતે રધં તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ઉદિહ્યુદિહિ સૂર્ય વર્ચસા માભ્યુદિહિ ।
આંશ્ચ પશ્યામિ યાંશ્ચ ન તેષુ મા સુમતિં કૃધિ તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

મા ત્વા દભન્ત્સલિલે અપ્સ્વન્તર્યે પાશિન ઉપતિષ્ઠન્ત્યત્ર ।
હિત્વાશસ્તિં દિવમારુક્ષ એતાં સ નો મૃડ સુમતૌ તે સ્યામ તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વં ન ઇન્દ્ર મહતે સૌભગાયાદબ્ધેભિઃ પરિ પાહ્યક્તુભિસ્તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વં ન ઇન્દ્રોતિભિઃ શિવાભિઃ શંતમો ભવ ।
આરોહંસ્ત્રિદિવં દિવો ગૃણાનઃ સોમપીતયે પ્રિયધામા સ્વસ્તયે તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વમિન્દ્રાસિ વિશ્વજિત્સર્વવિત્પુરુહૂતસ્ત્વમિન્દ્ર ।
ત્વમિન્દ્રેમં સુહવં સ્તોમમેરયસ્વ સ નો મૃડ સુમતૌ તે સ્યામ તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

અદબ્ધો દિવિ પૃથિવ્યામુતાસિ ન ત આપુર્મહિમાનમન્તરિક્ષે ।
અદબ્ધેન બ્રહ્મણા વાવૃધાનઃ સ ત્વં ન ઇન્દ્ર દિવિ ષં છર્મ યચ્છ તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

યા ત ઇન્દ્ર તનૂરપ્સુ યા પૃથિવ્યાં યાન્તરગ્નૌ યા તે ઇન્દ્ર પવમાને સ્વર્વિદિ ।
યયેન્દ્ર તન્વાઽન્તરિક્ષં વ્યાપિથ તયા ન ઇન્દ્ર તન્વા શર્મ યચ્છ તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વામિન્દ્ર બ્રહ્મણા વર્ધયન્તઃ સત્ત્રં નિ ષેદુરૃષયો નાધમાનાસ્તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વં તૃતં ત્વં પર્યેષ્યુત્સં સહસ્રધારં વિદથં સ્વર્વિદં તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વં રક્ષસે પ્રદિશશ્ચતસ્રસ્ત્વં શોચિષા નભસી વિ ભાસિ ।
ત્વમિમા વિશ્વા ભુવનાનુ તિષ્ઠસ ઋતસ્ય પન્થામન્વેષિ વિદ્વાંસ્તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

પઞ્ચભિઃ પરાઙ્તપસ્યેકયાર્વાઙશસ્તિમેષિ સુદિને બાધમાનસ્તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

ત્વમિન્દ્રસ્ત્વં મહેન્દ્રસ્ત્વં લોકસ્ત્વં પ્રજાપતિઃ ।
તુભ્યં યજ્ઞો વિ તાયતે તુભ્યં જુહ્વતિ જુહ્વતસ્તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

અસતિ સત્પ્રતિષ્ઠિતં સતિ ભૂતં પ્રતિષ્ઠિતમ્ ।
ભૂતં હ ભવ્ય આહિતં ભવ્યં ભૂતે પ્રતિષ્ઠિતં તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

શુક્રોઽસિ ભ્રાજોઽસિ ।
સ યથા ત્વં ભ્રાજતા ભ્રાજોઽસ્યેવાહં ભ્રાજતા ભ્રાજ્યાસમ્

રુચિરસિ રોચોઽસિ ।
સ યથા ત્વં રુચ્યા રોચોઽસ્યેવાહં પશુભિશ્ચ બ્રાહ્મણવર્ચસેન ચ રુચિષીય

ઉદ્યતે નમ ઉદાયતે નમ ઉદિતાય નમઃ ।
વિરાજે નમઃ સ્વરાજે નમઃ સમ્રાજે નમઃ

અસ્તંયતે નમોઽસ્તમેષ્યતે નમોઽસ્તમિતાય નમઃ ।
વિરાજે નમઃ સ્વરાજે નમઃ સમ્રાજે નમઃ

ઉદગાદયમાદિત્યો વિશ્વેન તપસા સહ ।
સપત્નાન્ મહ્યં રન્ધયન્ મા ચાહં દ્વિષતે રધં તવેદ્વિષ્ણો બહુધા વીર્યાણિ ।
ત્વં નઃ પૃણીહિ પશુભિર્વિશ્વરૂપૈઃ સુધાયાં મા ધેહિ પરમે વ્યોમન્

આદિત્ય નાવમારુક્ષઃ શતારિત્રાં સ્વસ્તયે ।
અહર્માત્યપીપરો રાત્રિં સત્રાતિ પારય

સૂર્ય નાવમારુક્ષઃ શતારિત્રાં સ્વસ્તયે ।
રાત્રિં માત્યપીપરોઽહઃ સત્રાતિ પારય

પ્રજાપતેરાવૃતો બ્રહ્મણા વર્મણાહં કશ્યપસ્ય જ્યોતિષા વર્ચસા ચ ।
જરદષ્ટિઃ કૃતવીર્યો વિહાયાઃ સહસ્રાયુઃ સુકૃતશ્ચરેયમ્

પરિવૃતો બ્રહ્મણા વર્મણાહં કશ્યપસ્ય જ્યોતિષા વર્ચસા ચ ।
મા મા પ્રાપન્ન્ ઇષવો દૈવ્યા યા મા માનુષીરવસૃષ્ટાઃ વધાય

ઋતેન ગુપ્ત ઋતુભિશ્ચ સર્વૈર્ભૂતેન ગુપ્તો ભવ્યેન ચાહમ્ ।
મા મા પ્રાપત્પાપ્મા મોત મૃત્યુરન્તર્દધેઽહં સલિલેન વાચઃ

અગ્નિર્મા ગોપ્તા પરિ પાતુ વિશ્વતઃ ઉદ્યન્ત્સૂર્યો નુદતાં મૃત્યુપાશાન્ ।
વ્યુચ્છન્તીરુષસઃ પર્વતા ધ્રુવાઃ સહસ્રં પ્રાણા મય્યા યતન્તામ્