અથર્વવેદ · અધ્યાય 13.3

૧૩.૩
ય ઇમે દ્યાવાપૃથિવી જજાન યો દ્રાપિં કૃત્વા ભુવનાનિ વસ્તે ।
યસ્મિન્ ક્ષિયન્તિ પ્રદિશઃ ષડુર્વીર્યાઃ પતઙ્ગો અનુ વિચાકશીતિ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
યસ્માદ્વાતા ઋતુથા પવન્તે યસ્માત્સમુદ્રા અધિ વિક્ષરન્તિ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યો મારયતિ પ્રાણયતિ યસ્માત્પ્રાણન્તિ ભુવનાનિ વિશ્વા ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યઃ પ્રાણેન દ્યાવાપૃથિવી તર્પયત્યપાનેન સમુદ્રસ્ય જઠરં યઃ પિપર્તિ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યસ્મિન્ વિરાટ્પરમેષ્ઠી પ્રજાપતિરગ્નિર્વૈશ્વાનરઃ સહ પઙ્ક્ત્યા શ્રિતઃ ।
યઃ પરસ્ય પ્રાણં પરમસ્ય તેજ આદદે ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યસ્મિન્ ષડુર્વીઃ પઞ્ચ દિશો અધિશ્રિતાશ્ચતસ્ર આપો યજ્ઞસ્ય ત્રયોઽક્ષરાઃ ।
યો અન્તરા રોદસી ક્રુદ્ધશ્ચક્ષુષૈક્ષત ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યો અન્નાદો અન્નપતિર્બભૂવ બ્રહ્મણસ્પતિરુત યઃ ।
ભૂતો ભવિષ્યત્ભુવનસ્ય યસ્પતિઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

અહોરાત્રૈર્વિમિતં ત્રિંશદઙ્ગં ત્રયોદશં માસં યો નિર્મિમીતે ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

કૃસ્ણં નિયાનં હરયઃ સુપર્ણા અપો વસાના દિવમુત્પતન્તિ ।
ત આવવૃત્રન્ત્સદનાદૃતસ્ય ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યત્તે ચન્દ્રં કશ્યપ રોચનાવદ્યત્સંહિતં પુષ્કલં ચિત્રભાનુ યસ્મિન્ત્સૂર્યા આર્પિતાઃ સપ્ત સાકમ્ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

બૃહદેનમનુ વસ્તે પુરસ્તાદ્રથંતરં પ્રતિ ગૃહ્ણાતિ પશ્ચાત્।
જ્યોતિર્વસાને સદમપ્રમાદમ્।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

બૃહદન્યતઃ પક્ષ આસીદ્રથંતરમન્યતઃ સબલે સધ્રીચી ।
યદ્રોહિતમજનયન્ત દેવાઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

સ વરુણઃ સાયમગ્નિર્ભવતિ સ મિત્રો ભવતિ પ્રાતરુદ્યન્ ।
સ સવિતા ભૂત્વાન્તરિક્ષેણ યાતિ સ ઇન્દ્રો ભૂત્વા તપતિ મધ્યતો દિવમ્ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

સહસ્રાહ્ણ્યં વિયતાવસ્ય પક્ષૌ હરેર્હંસસ્ય પતતઃ સ્વર્ગમ્ ।
સ દેવાન્ત્સર્વાન્ ઉરસ્યુપદદ્ય સંપશ્યન્ યાતિ ભુવનાનિ વિશ્વા ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

અયં સ દેવો અપ્સ્વન્તઃ સહસ્રમૂલઃ પરુશાકો અત્ત્રિઃ ।
ય ઇદં વિશ્વં ભુવનં જજાન ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

શુક્રં વહન્તિ હરયો રઘુષ્યદો દેવં દિવિ વર્ચસા ભ્રાજમાનમ્ ।
યસ્યોર્ધ્વા દિવં તન્વસ્તપન્ત્યર્વાઙ્સુવર્ણૈઃ પટરૈર્વિ ભાતિ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

યેનાદિત્યાન્ હરિતઃ સમ્વહન્તિ યેન યજ્ઞેન બહવો યન્તિ પ્રજાનન્તઃ ।
યદેકં જ્યોતિર્બહુધા વિભાતિ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

સપ્ત યુઞ્જન્તિ રથમેકચક્રમેકો અશ્વો વહતિ સપ્તનામા ।
ત્રિનાભિ ચક્રમજરમનર્વં યત્રેમા વિશ્વા ભુવનાધિ તસ્થુઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

અષ્ટધા યુક્તો વહતિ વહ્નિરુગ્રઃ પિતા દેવાનાં જનિતા મતીનામ્ ।
ઋતસ્ય તન્તું મનસા મિમાનઃ સર્વા દિશઃ પવતે માતરિશ્વા ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

સમ્યઞ્ચં તન્તું પ્રદિશોઽનુ સર્વા અન્તર્ગાયત્ર્યામમૃતસ્ય ગર્ભે ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

નિમ્રુચસ્તિસ્રો વ્યુષો હ તિસ્રસ્ત્રીણિ રજાંસિ દિવો અઙ્ગ તિસ્રઃ ।
વિદ્મા તે અગ્ને ત્રેધા જનિત્રં ત્રેધા દેવાનાં જનિમાનિ વિદ્મ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

વિ ય ઔર્ણોત્પૃથિવીં જાયમાન આ સમુદ્રમદધાતન્તરિક્ષે ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

ત્વમગ્ને ક્રતુભિઃ કેતુભિર્હિતોઽર્કઃ સમિદ્ધ ઉદરોચથા દિવિ ।
કિમભ્યાર્ચન્ મરુતઃ પૃશ્નિમાતરો યદ્રોહિતમજનયન્ત દેવાઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

ય આત્મદા બલદા યસ્ય વિશ્વ ઉપાસતે પ્રશિષં યસ્ય દેવાઃ ।
યોઽસ્યેશે દ્વિપદો યશ્ચતુષ્પદઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

એકપાદ્દ્વિપદો ભૂયો વિ ચક્રમે દ્વિપાત્ત્રિપાદમભ્યેતિ પશ્ચાત્।
ચતુષ્પાચ્ચક્રે દ્વિપદામભિસ્વરે સંપશ્યન્ પઙ્ક્તિમુપતિષ્ઠમાનઃ ।
તસ્ય દેવસ્ય ક્રુદ્ધસ્યૈતદાગો ય એવં વિદ્વાંસં બ્રાહ્મણં જિનાતિ ।
ઉદ્વેપય રોહિત પ્ર ક્ષિણીહિ બ્રહ્મજ્યસ્ય પ્રતિ મુઞ્ચ પાશાન્

કૃષ્ણાયાઃ પુત્રો અર્જુનો રાત્ર્યા વત્સોઽજાયત ।
સ હ દ્યામધિ રોહતિ રુહો રુરોહ રોહિતઃ