અષ્ટાવક્ર ગીતા · અધ્યાય 7

મય્ય્ અનન્તમહામ્ભોધૌ વિશ્વપોત ઇતસ્તતઃ
ભ્રમતિ સ્વાન્તવાતેન ન મમાસ્ત્ય્ અસહિષ્ણુતા ॥

મય્ય્ અનન્તમહામ્ભોધૌ જગદ્વીચિઃ સ્વભાવતઃ
ઉદેતુ વસ્તમ્ આયાતુ ન મે વૃદ્ધિર્ ન ચ ક્ષતિઃ ॥

મય્ય્ અનન્તમહામ્ભોધૌ વિશ્વં નામ વિકલ્પના
અતિશાન્તો નિરાકાર એતદ્ એવાહમ્ આસ્થિતઃ ॥

નાત્મા ભાવેષુ નો ભાવસ્ તત્રાનન્તે નિરન્જને
ઇત્ય્ અસક્તો ઽસ્પૃહઃ શાન્ત એતદ્ એવાહમ્ આસ્તિતઃ ॥

અહો ચિન્માત્રમ્ એવાહમ્ ઇન્દ્રજાલોપમં જગત્
અતો મમ કથં કુત્ર હેયોપાદેયકલ્પના ॥