આર્યાપઞ્ચદશીસ્તોત્રમ્ · અધ્યાય 1

આર્યાપઞ્ચદશીસ્તોત્રમ્
..
કરકલિતચાપબાણાં કલ્હારાઙ્ઘ્રિં નમામિ કલ્યાણીમ્ .
કંદર્પદર્પજનનીં કલુષહરાં કામિતાર્થફલદાત્રીમ્ .. ૧ ..
એષા સ્તોતુમ્ વાણી નૈવ સમર્થા તવેશિ મહિમાનમ્ .
શેષોઽપ્યબ્દસહસ્રૈઃ શેષં કૃતવાન્ મહેશિ તવ ચરિતમ્ .. ૨ ..
ઈશિત્વાદિસુપૂજ્યામિન્દિન્દિરકેશાભારસૂલ્લસિતામ્ .
ઇન્દીવરદલનયનામીપ્સિતદાત્રીં નમામિ શર્વાણીમ્ .. ૩ ..
લસદરુણભાનુકોટિદ્યુતિનિધિમમ્બાં સુરેન્દ્રલક્ષ્યપદામ્ .
લલિતાં નમામિ બાલે લલિતશિવહૃદયકમલકલહંસીમ્ .. ૪ ..
હ્રીંકારબીજરૂપે હિમગિરિકન્યે હરીન્દ્રભવવન્દ્યે .
હિમકરધવલચ્છત્રે હિતાય ભવ નઃ સદા મહારાજ્ઞિ .. ૫ ..
હર્ષોત્કરજનયિત્રી હસિતજ્યોત્સ્ના તવેયમનવદ્યે .
હરગલહાલાહલમપિ હરતિ ત્રૈલોક્યમોહતિમિરં તે .. ૬ ..
સકલમનોરથદાને સત્યપિ ચરણે નતસ્ય તવ નિપુણે .
સંસેવ્યતે સુરતરુઃ સદાજ્ઞલોકૈર્નુ કૃચ્છ્રફલદાતા .. ૭ ..
કનકરુચે ચટુલગતે કઠિનસ્તનભારનમ્રકૃશમધ્યે .
કાન્તે કઙ્કણહસ્તે કમ્બુગ્રીવે નમોઽસ્તુ તે કરુણે .. ૮ ..
હરનયનાનન્દકરે હરાઙ્કસંસ્થે હરિપ્રમુખવન્દ્યે .
હરનટનસાક્ષિભૂતે હરાર્ધદેહે નમોઽસ્તુ તે સુકૃપે .. ૯ ..
લક્ષ્મીપ્રદકરુણા યા લક્ષ્મીપતિમલ્પમમ્બ કર્તુમલમ્ .
લક્ષ્યમ્ કુરુ માં તસ્યા લાવણ્યામૃતતરઙ્ગમાલે ત્વમ્ .. ૧૦ ..
હ્રીંકારરત્નગર્ભે હેમાચલમન્દરસ્તનોલ્લસિતે .
હેરમ્બપ્રિયજનનિ હે વસુધે દેહિ મે ક્ષમાં નિત્યમ્ .. ૧૧ ..
સત્સંપ્રદાયવિદિતે સકલાગમનિગમસારતત્ત્વમયિ .
સાવિત્ર્યર્પય વદને સકલરસાશ્રયસુવાક્સુધાધારામ્ .. ૧૨ ..
કરકઙ્કણમણિદિનમણિકરવિકસિતચરણકમલમકરન્દમ્ .
કરુણાપયોનિધે મે કામાક્ષિ સ્વાન્તષટ્પદઃ પિબતુ .. ૧૩ ..
લસદિક્ષુચાપસુમશરલક્ષિતદોર્વલ્લિવીર્યમભયેન .
લક્ષાધિકદૈત્યકુલં લવુપટવાસં કૃતં કથં ચિત્રમ્ .. ૧૪ ..
હ્રીંકારકેલિભવને હિમકરમૌલ્યઙ્કમઞ્જુપર્યઙ્કે .
હૃદયસરોજે મે વસ હૃદયાનન્દપ્રબોધપરહંસિ .. ૧૫ ..
આર્યાપઞ્ચદશીં તામાર્યાં યો ભજતિ શુદ્ધધીર્નિત્યમ્ .
ભાર્યે લક્ષ્મીવાણ્યૌ પર્યાતાત્ તસ્ય સાદરં ભવતઃ .. ૧૬ ..
ઇત્યાનન્દનાથપાદપદ્મોપજીવિના કાશ્યપગોત્રોત્પન્નેનાન્ધ્રેણ
ત્યાગરાજનામ્ના વિરચિતમાર્યાપઞ્ચદશીસ્તોત્રં સંપૂર્ણમ્