આપત્તિદેશનાવિધિ · ભાગ 11

આપત્તિદેશનાવિધિઃ
નમો બુદ્ધાય
"ગુરવો મહાવજ્રધરાદજઃ, દશદિગવસ્થિતાશ્ચ સર્વબુદ્ધબોધિસત્ત્વાઃ મામ્ સમન્વાહરન્તુ । ભદન્તો માં સમન્વાહરતુ । અહમેવંનામા અનાદિસંસારાત્ પ્રભૃતિપ્રત્યુત્પન્નપર્યન્તં રાગ-દ્વેષ-મોહવશાત્ કાયવાઙ્મનસા દશાકુશલાનિ કૃતવાન્, પઞ્ચાનન્તર્યાણિ, પઞ્ચ તત્સભાગાનિ, પ્રાતિમોક્ષસંવરવિરોધઃ, બોધિસત્ત્વશિક્ષાવિરોધઃ, ગુહ્યમન્ત્ર-સમયાદિ-વિરોધઃ, સમાસતો ઽભ્યુદય-નિઃશ્રેયસવિઘ્નભૂતાઃ, સંસારાપાયહેતુભૂતાશ્ચ યે કે ઽપિ આપત્તિદોષરાશયઃ (સન્તિ) તાન્ સર્વાન્ ગુરુવજ્રધરાદીનાં, દશદિગવસ્થિતાનાં સર્વબુદ્ધબોધિસત્ત્વાનાં, ભદન્તસ્ય ચ અગ્રતો દેશયામિ, આવિષ્કરોમિ, ન પ્રતિચ્છાદયામિ । આવિષ્કૃતેન મમ સ્પર્શવિહારો ભવતિ,અનાવિષ્કૃતેન એવન્ન ભવતી તિ ત્રિર્વદેત્ ।
તતો દર્શન-સંવર-પૃચ્છાનન્તરમ્ "ઉપાયં", "સાધુ" ચેતિ વદેત્ ।
પ્રથમસંયોજનવિધિઃ- એવન્નામાહં અનાદિસંસારાત્ પ્રભૃતિ ક્લેશબાહુલ્યાત્ પ્રમાદાદિવશાદ્ વા દોષાપત્તિરાશિબહુલઃ, તાન્ સંઘસ્ય અગ્રતઃ પ્રતિદેષ્ટુકામઃ, અતો ઽનુગૃહ્યતામ્ ઇતિ । અન્તે આપત્તિત ઉદ્ધૃતો ઽસ્મીત્યતીવ કૃતજ્ઞો ઽસ્મીતિ ધર્માનુરુપકાર્યમ્ અનુમોદયે ઇતિ વદેત્ ।
"આપત્તિદેશનાવિધિઃ આચાર્યદીપઙ્કરશ્રીજ્ઞાનવિરચિતઃ સમાપ્તઃ ।
તેનૈવ ભારતીયોપાધ્યાયેન ભોટીયલોકચક્ષુષા ભિક્ષુ-જયશીલેન ચ અનૂદ્ય નિર્ણીતઃ ।