આપસ્તમ્બગૃહ્યસૂત્ર (ટીકા સહિત) · અધ્યાય 63

ઇતિ શ્રીસુદર્શનાચાર્યવિરચિતે ગૃહ્યતાત્પર્યદર્શને વિંશઃ ખણ્ડઃ ॥
સમાપ્તસ્સપ્તમશ્ચ પટલઃ ॥
====================================================================================
અથાષ્ટમઃ પટલઃ ॥
એકવિંશઃ ખણ્ડઃ ।
પુનરપિ પાકયજ્ઞાન્તરં પુરુષત્રયસમ્પ્રદાનકં તાદૃશાનામષ્ટકાદીનાં પ્રકૃતિભૂતં માસિશ્રાદ્ધસંજ્ઞિકં પિત્ર્યં કર્મોપદિશ્યતે--
22 માસિશ્રાદ્ધપ્રકરણમ્ -
1 માસિ શ્રાદ્ધકાલઃ ।
માસિ શ્રાદ્ધસ્યાપરપક્ષે યથોપદેશં કાલાઃ ॥ આ
(પ.8.ખં.,21-1)
ચોમ્મેન્તરિએસ્:
આપ્ગ્સ્-અના_21.1:
માસિશ્રાદ્ધં નામ પિત્ર્યં કર્મ માસિ માસિ કર્તવ્યમ્ ।
તત્ર યે ઽપરપક્ષે કાલવિશેષાઃ સામયાચારિકેષૂપષ્ટાઃ"પ્રથમે ઽહનિક્રિયમાણે (આપ.ધ.2-16-8) ઇત્યાદયઃ અપરપક્ષસ્યાપરાહ્ણઃ શ્રેયા"(આપ.શ્રૌ.2-16-4)નિતિ ચ તે સર્વે યથોપદેશં યથા તત્રોપદિષ્ટાઃ તથૈવ માસિ માસિ પ્રત્યેતવ્યાઃ ।
યદ્યપિ તે વિશેષાઃ તસ્માદેવ વચનાત્ સિદ્ધાઃ તથાપિ તસ્ય કર્મણઃ પ્રયોગવિધાનમિત ઉત્તરં ક્રિયત ઇતિ જ્ઞાપનાર્થમિદં વચનમ્ ।
અન્યથા જ્ઞાપયેત શુચીન્ મન્ત્રવતઃ ઇત્યાદિ કસ્મિન્ કર્મણિ વિધીયત ઇતિ ।
એવં તર્હિ માસિશ્રાદ્ધસ્યૈતદેવાધિકારાર્થમસ્તુ ।
તસ્માદિદમસ્ય પ્રયોજનમ્-માસપરિમાણમનપેક્ષ્યાપરપક્ષવશએન પર્વકાલા યથેપદેશં યથા સ્યુરિતિ ।
તેન પૂર્વસ્મિન્ પક્ષે પઞ્ચદશ્યામકૃતશ્રાદ્ધસ્યાપરસ્મિન્ પક્ષે પ્રથમાદિષુ સર્વાસુ તિથિષુ ક્રિયાભવતિ તત્તત્કા-મસ્ય