અપરિમિતાયુઃસૂત્ર · અધ્યાય 1

અપરિમિતાયુઃ સૂત્ર
એવં મયા શ્રુતમ્ । એકસ્મિન્ સમયે ભગવાન્ શ્રાવસ્ત્યાં વિહરતિસ્મ જેતવને અનાથપિણ્ડદસ્યારામે મહતા ભિક્ષુસઙ્ઘેન સાર્ધમ્ અર્ધત્રયોદશર્ભિભિક્ષુશતૈઃ સમ્બહુલૈશ્ચ બોધિસત્ત્વૈર્મહાસત્ત્વૈઃ

તત્ર ખલુ ભગવાન્ મઞ્જુશ્રીયાં કુમારભૂતામ્ આમન્ત્રયતે સ્મ । અસ્તિ મઞ્જુશ્રીરૂપરિષ્ટાયામ્ અપરિમિતાગુણસઞ્ચયો નામ લોકધાતુસ્તત્રાપરિમિતાયુર્જ્ઞાનસુવિનિશ્ચિતતેજોરાજ નામ તથાગતો ઽર્હન્ સમ્યક્સમ્બુદ્ધ એવ હિ તિષ્ઠતિ ધ્રિયતે યાપયતિ સત્ત્વાનાં ચ ધર્મં દેશયતિ

શૃણુ મઞ્જુશ્રીઃ કુમારભૂતા, ઇમે જમ્બુદ્વિપકા મનુષ્યા અલ્પાયુષ્કા વર્ષશતાયુષસ્, તેષાં બહુન્યાકાલમરનાનિ નિર્દિષ્ટાનિ । યે ખલુ મઞ્જુશ્રીઃ સત્ત્વસ્તસ્યાપરિમિતાયુષઃ તથાગતસ્ય ગુણવર્ણપરિકીર્તન નામ ધર્મપર્યાયં લિખિષ્યન્તિ લિખાપયિષ્યન્તિ નામધેયમાત્રમ્ અપિ શ્રોષ્યન્તિ યાવત્ પુસ્તકગતામ્ અપિ કૃત્વા ગૃહે ધારયિષ્યન્તિ વાચયિષ્યન્તિ પુષ્પધૂપગન્ધમાલ્યવિલેપનચૂર્ણચીવરછત્રધ્વજઘણ્ટાપતાકાભિશ્ચ સમન્તાત્ પૂજાભિઃ પૂજાયિષ્યન્તિ તે પરિક્ષિણાયુષઃ પુનરૈવ વર્ષશતાયુષો ભવિષ્યન્તિ । યે ખલુ પુનર્મઞ્જુશ્રીઃ સત્ત્વસ્તસ્યાપરિમિતાયુર્જ્ઞાનસુવિનિશ્ચિત તેજોરાજસ્ય તથાગતસ્ય નામોષ્ટોત્તરશતં શ્રોષ્યન્તિ ધારયિષ્યન્તિ વાચયિષ્યન્તિ, તેષામ્ આયુર્વધયિષ્યન્તિ, યે પરિક્ષિણાયુષઃ સત્ત્વા નામધેયં શ્રોષ્યન્તિ ધારયિષ્યન્તિ વાચયિષ્યન્તિ તેષામ્ અપ્યાયુર્વિવર્ધયિષ્યતિ

તસ્માત્તર્હિ મઞ્જુશ્રીદિર્ઘાયુષ્કત્વં પ્રાર્થયિતુકામઃ કુલપુત્રા વા કુલદુહિતરો વા તસ્યાપરિમિતાયુષસ્તથાગતસ્ય નામાષ્ટોત્તરશતં શ્રોષ્યન્તિ લિખિષ્યન્તિ તેષામ્ ઇમે ગુણાનુસંસા ભવિષ્યન્તિ

ઓમ્ નમો ભગવતે અપરિમિતાયુર્જ્ઞાનસુવિનિશ્ચિતતેજોરાજાય તથાગતાયાર્હતે સમ્યક્સમ્બુદ્ધાય, તદ્યથા, ઓમ્ પુણ્યમહાપુણ્ય અપરિમિતાપુણ્ય અપરિમિતાયુપુણ્ય જ્ઞાનસમ્ભારોપચિતે, ઓમ્ સર્વસંસ્કાર પરિશુદ્ધધર્મતે ગગણસમુદ્ગતે સ્વભાવપરિશુદ્ધે મહાનયાપરિવારે સ્વાહા

ઇમાં મઞ્જુશ્રીસ્તથાગતસ્ય નામોષ્ટોત્તરશતં યે કેચિલ્ લિખિષ્યન્તિ લિખાપયિષ્યન્તિ પુસ્તકગતામ્ અપિ કૃત્વા ગૃહે ધારયિષ્યન્તિ વાચયિષ્યન્તિ, તે પરિક્ષીણાયુષઃ પુનરૈવ વર્ષશતાયુષો ભવિષ્યન્તિ, ઇતશ્ચુત્વા અપરિમિતાયુષસ્તથાગતસ્ય બુદ્ધક્ષેત્રે ઉપપદ્યન્તે, અપરિમિતાયુષશ્ચ ભવિષ્યન્તિ અપરિમિતાગુણસઞ્ચયે લોકધાતૌ

ઓમ્ નમો ભગવતે । તેન ખલુ પુનઃ સમયેન નવનવતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન ચતુરશીતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન સપ્તસપ્તતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન પઞ્ચષષ્ટીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન પઞ્ચપઞ્ચશતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન પઞ્ચચત્વારિશતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન ષટ્ત્રિંશતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન પઞ્ચવિંશતીનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । તેન ખલુ પુનઃ સમયેન ગઙ્ગાનદીવાલુકોપમાનાં બુદ્ધકોટીનામ્ એકમતેનૈકસ્વરેણ ઇદમ્ અપરિમિતાયુઃ સૂત્રં ભાષિતમ્

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ સ ન કદાચિન્નરકેષૂપપદ્યતે ન તીર્યગ્યોનૌ ન યમલોકે ન અક્ષણેષુ ચ કદાચિદ્ અપિ ઉપપસ્યતે । યત્ર યત્ર જન્મન્યુપપદ્યતે, તત્ર તત્ર સર્વત્ર જાતૌ જાતૌ જાતિસ્મરો ભવિષ્યન્તિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ તેન ચતુરશીતિધર્મસ્કન્ધસહસ્રાણિ લિખાપિતાનિ ભવિષ્યન્તિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ તેન ચતુરશીતિધર્મરાજિકાસહસ્રાણિ કારાપિતાનિ પ્રતિષ્ઠાપિતાનિ ભવિષ્યન્તિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ તસ્ય પઞ્ચાનન્તર્યાણિ કર્માવરણાનિ પરિક્ષયં ગચ્છન્તિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ, તસ્ય ન મારો ન મારકાયિકા ન યક્ષ ન રાક્ષસા નાકાલમૃત્યુરેવતારં લપ્સ્યન્તે

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ, તસ્ય મરણકાલસમયે નવનવતયો બુદ્ધકોટ્યઃ સમ્મુખં દર્શનં દાસ્યન્તિ, બુદ્ધસહસ્રં હસ્તેન હસ્તં તસ્યોપનામયન્તિ, બુદ્ધક્ષેત્રાદ્બુદ્ધક્ષેત્રં સઙ્ક્રામતિ, નાત્ર કાઙ્ક્ષા ન વિચિકિત્સા ન વિમાતિરુત્પાદયિતવ્યા

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ, તસ્ય ચત્વારો મહારાજાનઃ પૃષ્ઠતઃ પૃષ્ઠતઃ સમનુબદ્ધ રક્ષાવરણગુપ્તિં કરિષ્યન્તિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ સ સુખાવત્યાં લોકધાતૌ અમિતાભસ્ય તથાગતસ્ય બુદ્ધક્ષેત્રે ઉપપદ્યતે

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ, સ પૃથિવીપ્રદેશઃ ચૈત્યભૂતો વન્દનીયશ્ચ ભવિષ્યતિ । યેષાં તિર્યગ્યોનિગતાનાં મૃગપક્ષીનાં કર્ણપુટે નિપતિષ્યતિ તે સર્વે અનુત્તરાયાં સમ્યક્ સમ્બોધૌ અભિસમ્બોધિમ્ અભિસમ્ભોત્સ્યન્તે

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ તસ્ય સ્ત્રીભાવો ન કદાચિદ્ અપિ ભવિષ્યતિ

ઓમ્ નમો ભગવતે । ય ઇદમ્ અપરિમિતાયુઃ સૂત્રં ધર્મપર્યાયમ્ ઉદ્દિશ્ય એકમ્ અપિ કાર્ષાપણં દાનં દાસ્યતિ, તેન ત્રિસાહસ્રમહાસાહસ્રલોકધાતું સપ્તરત્નપરિપૂર્ણં કૃત્વા દાનં દત્તં ભવતિ

ઓમ્ નમો ભગવતે । ય ઇદમ્ ધર્મભાણકં પૂજયિષ્યતિ, તેન સકલસમાપ્તઃ સદ્ધર્મઃ પૂજિતો ભવતિ

ઓમ્ નમો ભગવતે । યથા વિપશ્વિશિખિવિશ્વભુક્રકુચ્છન્દકનકમુનિકાશ્યપશાક્યમુનિપ્રભૃતીનાં તથાગતાનાં સપ્તરત્નમયઃ પૂજાઃ કૃત્વા તસ્ય પુણ્યસ્કન્ધસ્ય પ્રમાણં શક્યં ગણયિતું, ન ત્વાપરિમિતાયુઃ સૂત્રસ્ય પુણ્યસ્કન્ધસ્ય પ્રમાણં શક્યં ગણયિતુમ્

ઓમ્ નમો ભગવતે । યથા સુમેરોઃ પર્વતરાજસ્ય સમાનાં રત્નરાશિં કૃત્વા દાનં દદ્યાત્, તસ્ય પુણ્યસ્કન્ધસ્ય પ્રમાણં શક્યં ગણયિતું, ન ત્વાપરિમિતાયુઃ સૂત્રસ્ય પુણ્યસ્કન્ધસ્ય પ્રમાણં શક્યં ગણયિતુમ્

ઓમ્ નમો ભગવતે । યથા ચત્વારો મહાસમુદ્રા ઉદકપરિપૂણ્ણા ભવેયુઃ, તત્ર એકૈકવિન્દું શક્યં ગણયિતું, ન ત્વાપરિમિતાયુઃ સૂત્રસ્ય પુણ્યસ્કન્ધસ્ય પ્રમાણં શક્યં ગણયિતુમ્

ઓમ્ નમો ભગવતે । ય ઇદમ્ અપરિમિતાયુઃ સૂત્રં લિખિષ્યતિ લિખાપયિષ્યતિ સંસ્કૃત્ય પૂજયિષ્યતિ તેન દશસુ દિક્ષુ સર્વબુદ્ધક્ષેત્રેષુ સર્વતથાગતા વન્દિતાઃ પૂજિતાશ્ચ ભવિષ્યન્તિ

ઓમ્ નમો ભગવતે ।
દાનબલેન સમુદ્ગત બુદ્ધો દાનબલાધિગતા નરસિંહઃ ।
દાનબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

શીલબલેન સમુદ્ગત બુદ્ધો શીલબલાધિગતા નરસિંહઃ ।
શીલબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

ક્ષાન્તિબલેન સમુદ્ગત બુદ્ધો ક્ષાન્તિબલાધિગતા નરસિંહઃ ।
ક્ષાન્તિબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

વીર્યબલેન સમુદ્ગત બુદ્ધો વીર્યાબલાધિગતા નરસિંહઃ ।
વીર્યબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

ધ્યાનબલેન સમુદ્ગત બુદ્ધો ધ્યાનબલાધિગતા નરસિંહઃ ।
ધ્યાનબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

પ્રજ્ઞાબલેન સમુદ્ગત બુદ્ધો પ્રજ્ઞાબલાધિગતા નરસિંહઃ ।
પ્રજ્ઞાબલસ્ય ચ શ્રૂયતિ શબ્દ કારુણિકસ્ય પુરે પ્રવિશન્તં

ઓમ્ નમો ભગવતે । ઇદમ્ વોચદ્ભગવાન્ આત્તમનસ્તે ચ ભિક્ષવસ્તે ચ બોધિસત્ત્વ મહાસત્ત્વઃ સા ચ સર્વાવતી પર્ષત્ સદેવમાનુષાસુરગન્ધર્વશ્ચ લોકો ભગવતો ભાષિતમભ્યનન્દનમ્ ઇતિ