અઞ્જનશૈલનાથસ્તોત્રમ્ · અધ્યાય 1

॥ અઞ્જનશૈલનાથસ્તોત્રમ્ ॥
પુલકિનિ ભુજમધ્યે પૂજયન્તં પુરન્ધ્રીં
ભુવનનયનપુણ્યં પૂરિતાશેષકામમ્ ।
પુનરપિ વૃષશૈલે ફુલ્લનીલોત્પલાભં
પુરુષમનુભવેયં પુણ્ડરીકાયતાક્ષમ્

આજાનસૌહૃદમપારકૃપામૃતાબ્ધિં
અવ્યાજવત્સલમવેલસુશીલમાદ્યમ્ ।
આનન્દરાશિમનુરાગમયાવરોધં
આરાધયામિ હરિમઞ્જનશૈલનાથમ્

આતામ્રપાદમવદાતસુવર્ણચેલં
આપીનબાહુશિખરોજ્જ્વલશઙ્ખચક્રમ્ ।
આવિસ્સ્મિતાનનમમન્દદયાકટાક્ષં
આરાધયામિ હરિમઞ્જનશૈલનાથમ્

અપ્રાકૃતાવયવસંહિતસંનિવેશં
આરૂઢયૌવનમહીનકુમારભાવમ્ ।
અમ્લાનકાન્તિમતિવાઙ્મનસાનુભાવં
આરાધયામિ હરિમઞ્જનશૈલનાથમ્

આશાવકાશસમુદિત્વરસર્વગન્ધં
આસ્વાદયત્સુગમસર્વરસસ્વભાવમ્ ।
આશ્લેષગમ્યસુખસંસ્પૃશનાતિરેકં
આરાધયામિ હરિમઞ્જનશૈલનાથમ્

આદર્શયન્તમતિસંકુચિતાક્ષિશક્તિં
આશ્રાવયન્તમખિલાન્ બધિરાન્ પ્રકૃત્યા ।
આભાષયન્તમભિતો નતમૂકવર્ગં
આરાધયામિ હરિમઞ્જનશૈલનાથમ્

આધાવયન્તમતિમારુતમેવ પઙ્ગૂન્
આજાનુલમ્બિભુજયન્તમહો કુબાહૂન્ ।
અન્યાંશ્ચ કૃતશિરસઃ પ્રતિજીવયન્તં
આરાધયામિ હરિમઞ્જનશૈલનાથમ્

આજન્મનિર્ધનજનાનલકેશયન્તં
અજ્ઞાનપિ ત્રિદશદેશિકદેશ્યયન્તમ્ ।
અહ્નાય વન્ધ્યમપિ મર્ત્યમવન્ધ્યયન્તં
આરાધયામિ હરિમઞ્જનશૈલનાથમ્

આબદ્ધકઙ્કણમશેષશરણ્યતાયાં
આપત્સહાયમપરાધસહં નતાનામ્ ।
આસન્નસામગસુખાલસસૂરિવર્ગં
આરાધયામિ હરિમઞ્જનશૈલનાથમ્

અધ્યાસિતાસનસરોજસનૂપુરાઙ્ ઘ્રિં
આમુક્તવીરકટકાયતવૃત્તજઙ્ઘમ્ ।
આશ્ચર્યજાનુયુગમપ્રતિમોરુકાણ્ડં
આરાધયામિ હરિમઞ્જનશૈલનાથમ્

આવર્તિનિમ્નનિખિલાણ્ડનિદાનનાભિં
આયામિદોર્વિવરકેલિગૃહાવરોધમ્ ।
આબદ્ધરત્નમયભૂષભુજાચતુષ્કં
આરાધયામિ હરિમઞ્જનશૈલનાથમ્

અંસાવલમ્બિમણિકુણ્ડલકાન્તગણ્ડં
આવિસ્સ્મિતાંશુમધુરાધરબન્ધુજીવમ્ ।
આસ્યાબ્જસૌરભસમુત્સુકદીર્ઘનાસં
આરાધયામિ હરિમઞ્જનશૈલનાથમ્

અર્ધેન્દુભાસ્વદલિકોલ્લસદૂર્ધ્વપુણ્ડ્રં
આલોલનીલકુટિલાલકચારુવક્ત્રમ્ ।
આવિર્મયૂખમણિચૂડમહાકિરીટં
આરાધયામિ હરિમઞ્જનશૈલનાથમ્

વાદિભીતિકરાર્યેણ રચિતા ભાવબન્ધ તઃ
શોભતે વેઙ્કટાદ્રીશવિષયા સ્તુતિરદ્ભુતા ॥
॥ ઇતિ અઞ્જનશૈલનાથસ્તોત્રં સંપૂર્ણમ્ ॥