અમોઘપાશહૃદયસૂત્ર · ભાગ 11

આર્યામોઘપાશનામહૃદયસૂત્રમ્*
ઓં નમઃ શ્રીલોકનાથાય । અમોઘપાશાય ભગવતે નમઃ ।
એવં મયા શ્રુતમ્ એકસ્મિન્ સમયે ભગવાન્ પોતલકે પર્વતે વિહરતિ સ્મ । આર્યાવલોકિતેશ્વરસ્ય ભુવને અનેકશાલતાલતમાલચમ્પકાશોકાતિમુક્તકનાનારત્નવૃક્ષસમલઙ્કૃતે મહતા ભિક્ષુસઙ્ઘેન સાર્ધમ્ અષ્ટાદશભિર્ ભિક્ષુસહસ્રૈઃ નવનવતિભિશ્ ચ બોધિસત્ત્વકોટિનિયુતશતસહસ્રૈઃ અનેકૈશ્ ચ શુદ્ધાવાસિકાયિકૈર્ દેવપુત્રકોટિનિયુતશતસહસ્રૈઃ પરિવૃતઃ પુરસ્કૃત ઈશ્વરો મહેશ્વરબ્રહ્મકાયિકદેવપુત્રાન્ અધિકૃત્ય ધર્મં દેશયતિ સ્મ ।
અથ ખલુ આર્યાવલોકિતેશ્વરો બોધિસત્ત્વો મહાસત્ત્વ ઉત્થાયાસનાદ્ એકાંસમ્ ઉત્તરાસંગં કૃત્વા દક્ષિણજાનુમણ્ડલં પૃથિવ્યાં પ્રતિષ્ઠાપ્ય યેન ભગવાંસ્ તેનાઞ્જલિં કૃત્વા પ્રણમ્ય પ્રહસિતવદનો ભૂત્વા ભગવન્તમ્ એતદ્ અવોચત્* । અસ્તિ મમ ભગવન્ અમોઘપાશરાજં નામ હૃદયં યન્ મયા પૂર્વમ્ એકનવતિકલ્પવિલોકિતાયાં લોકધાતૌ લોકેન્દ્રરાજતથાગતસ્ય અર્હત્સમ્યક્સંબુદ્ધસ્ય સકાશાદ્ ઉદ્ગ્રહીતં યેન ભગવાન્ ( અફ્સૂ 160 ) ઈશ્વરો મહેશ્વરદેવપુત્રપ્રમુખાનિ બહૂનિ શુદ્ધાવાસિકાયિકદેવપુત્રપ્રમુખાન્ય્ અનેકદેવપુત્રશતસહસ્રાણિ સમાદાપિતાન્ય્ અનુત્તરાયાં સમ્યક્સમ્બોધૌ । અસંમોહજ્ઞાનવ્યૂહપ્રમુખાનિ ચ મયા દશસમાધિશતસહસ્રાણિ પ્રતિલબ્ધાનિ । યસ્મિંશ્ ચ પુનર્ ભગવન્ પૃથિવીપ્રદેશે ઇદમ્ અમોઘપાશહૃદયં પ્રચરેત્* । વેદિતવ્યં ભગવન્ તસ્મિન્ પૃથિવીપ્રદેશે ઈશ્વરમહેશ્વરબ્રહ્મકાયિકપ્રમુખાનિ દ્વાદશદેવપુત્રશતસહસ્રાણિ રક્ષાવરણગુપ્તયે સ્થાસ્યન્તિ । ચૈત્યસંમતો ભગવન્ પૃથિવીપ્રદેશો ભવિષ્યતિ યત્રેદમ્ અમોઘપાશહૃદયં પ્રચરિષ્યતિ । અનેકબુદ્ધકોટિનિયુતશતસહસ્રાવરોપિતકુશલમૂલાસ્ તે ભગવન્ સત્ત્વા ભવિષ્યન્તિ । ય ઇદં અમોઘપાશહૃદયં શ્રોષ્યન્તિ । યઃ કશ્ચિદ્ ભગવન્ કિલ્વિષકારી સ્યાત્ સર્વપાપાસ્પદઃ પાપધર્મસમાચારી આર્યાપવાદકઃ સદ્ધર્મપ્રતિક્ષેપકઃ અવીચિપરાયણઃ સર્વબુદ્ધબોધિસત્ત્વાર્યશ્રાવકપ્રત્યેકબુદ્ધપ્રતિક્ષેપકઃ સચેદ્ વિપ્રતિસારં ગચ્છેદ્ આયત્યં સંવરમ્ આપદ્યતે ।
તસ્યૈવ તાવદ્ ભગવન્ ઉપવાસજાપેન ઇહૈવ જન્મનિ તત્ કર્મ વિશુધ્યતિ પરિક્ષયં ગચ્છતિ નિવર્તિતં ભવતિ । એકાહિકેન જ્વરેણ દ્વ્યાહિકેન ત્ર્યાહિકેન વા ચાતુર્થિકેન વા જ્વરેણ એવં સપ્તાહિકેન વા જ્વરેણ । અક્ષિશૂલેન વા દન્તશૂલેન વા કર્ણશૂલેન વા નાસાશૂલેન વા દન્તોષ્ઠશૂલેન વા જિવ્હાશૂલેન વા તાલુશૂલેન વા હૃદયશૂલેન વા ઉદરશૂલેન વા પાર્શ્વશૂલેન વા કટિશૂલેન વા અઙ્ગશૂલેન વા પ્રત્યઙ્ગશૂલેન વા અર્શગ્રહણીશૂલેન વા અતિસારેણ વા હસ્તપાદવેદનયા વા શિરોરુજા વા બલાહકચિત્રકુષ્ઠવિચર્ચિકાકિટિભભગન્દરલોહલિઙ્ગગલગ્રહવિસ્ફોટકાપસ્મારકાખોર્દાખ્યૈર્ વા કૃતાપકૃત્યૈર્ મારણબન્ધનતાડનતર્જનભૂતાખ્યાનૈર્ ( અફ્સૂ 161 ) વા । સંક્ષેપતો ભગવન્ કાયપીડયા વા ચિત્તપીડયા વા દુસ્વપ્નદર્શનેન વા તત્ કર્મ પરિક્ષયં ગચ્છતિ । પર્યવદાનં ગચ્છતિ । પ્રાગ્ એવ શુદ્ધસત્ત્વાનાં શ્રદ્ધાધિમુક્તિકાનાં યદિ ભગવન્ ચતસ્રઃ પર્ષદશ્ ચત્વારો વર્ણઃ માયા ઇમધ્યનાપિ ય ઇદં મદીયમ્ અમોઘપાશહૃદયં શ્રોષ્યતિ ઉદ્ગ્રહીષ્યતિ ધારયિષ્યતિ વાચયિષ્યતિ લિખિષ્યતિ લિખાપયિષ્યતિ પર્યવાપ્સ્યતિ અન્યેષાં ચ સત્ત્વાનાં શ્રાવયિષ્યતિ અન્તસ્ તિર્યગ્યોનિગતાનાં વા સત્ત્વાનાં કર્ણપૂટે સ્થિત્વા કર્ણજાપં દાસ્યતિ । ઇમાનિ ચ મન્ત્રપદાનિ ચિન્તયિષ્યતિ । અપ્રતિક્ષેપતઃ અરૂપતઃ અવિકલ્પતઃ અસંપ્રભવતઃ અચિરમ્ અગમતઃ અકરણતઃ નિઃક્લેશતઃ સમચિત્તનિક્ષેપતઃ વિરહિતપઞ્ચસ્કન્ધઃ । અનેન યોગેન બુદ્ધાનુસ્મૃતિર્ ભાવયિતવ્યા । તદ્ એષાં દશભ્યો દિગ્ભ્યો બુદ્ધસહસ્રં સંમુખં દર્શનં કરિષ્યન્તિ । અત્યયદેશનાં ચ કરિષ્યતિ । પેયાલમ્* । યાવત્ પુસ્તકલિખિતં કૃત્વા ગૃહે સ્થાપયિષ્યતિ । કિં બહુના ભગવન્ન્ અન્યોન્યસ્પર્ધયા વા શ્રોષ્યતિ । સ્વામિભયેન વા પરાનુવૃત્ત્યા વા ઉચ્ચગ્ઘનહેતુના વા શ્રોષ્યન્તિ । જ્ઞાતવ્યં ભગવન્ પણ્ડિતેનાર્યાવલોકિતેશ્વરસ્યાનુભાવેન તેષાં કર્ણપુટે સ્થિત્વા સ શબ્દો નિપતિષ્યતિ ।
તદ્યથાપિ નામ ભગવન્ કશ્ચિદ્ એવ પુરુષશ્ ચન્દનં વા કર્પૂરં વા કેસરં વા કસ્તૂરિકાં વા આકૃષ્ય પરિભાષ્ય શિલાયાં વા ભૂમૌ વા પિષ્ટ્વા આત્માનં લેપયેત્* । ન ચ તસ્ય ચન્દનસ્ય કર્પૂરસ્ય કેસરસ્ય કસ્તૂરિકાયાશ્ ચૈવં ભવતિ અનેનાહમ્ આકૃષ્ટઃ પરિભાષિતો વા ગન્ધેનાતિક્રમિષ્યામીતિ । અપિ ચ સુગન્ધ એવ સઃ । એવમ્ એવ ભગવન્ન્ ઇદં મદીયમ્ અમોઘપાશહૃદયં યઃ કશ્ચિદ્ ઉચ્ચઘન વા ઉલ્લાપ્ય । પેયાલમ્* । ( અફ્સૂ 162 ) યાવત્* માયાશબ્દેનાપાથેયેનાપિ પૂજયેત્* । તેષાં ભગવન્ ખટુકાં સત્ત્વાનાં સ એવ કુશલહેતુર્ ભવિષ્યતિ । યત્ર યત્રોપપત્સ્યન્તે તત્ર તત્ર અવિરહિતાશ્ ચ ભવિષ્યન્તિ શીલસમાધિપ્રજ્ઞાપુણ્યસંભારગન્ધેન । શીલસૌગન્ધિકમ્ એવ કરોતિ । યઃ કશ્ચિદ્ ભગવન્ કુલપુત્રો વા કુલદુહિતા વા ભિક્ષુર્ વા ભિક્ષુણી વા ઉપાશકો વા ઉપાશિકા વા તદન્યો વા કશ્ચિત્ સત્ત્વઃ અમોઘપાશહૃદયમ્ ઉદ્દિષ્ય શુક્લાષ્ટમ્યામ્ ઉપવાસં કુર્યાત્* । સપ્તવારાન્ અમોઘપાશહૃદયમ્ અનાલાપતઃ આવર્તયેત્* તસ્ય ભગવન્ દૃષ્ટ એવ ધર્મા વિંશતિર્ અનુશંસાઃ પ્રતિકાંક્ષિતવ્યાઃ । કતમે વિંશતિ? યદુત રોગાશ્ ચાસ્ય કાયે નોત્પત્સ્યન્તે । ઉત્પન્નાશ્ ચાસ્ય રોગાઃ કર્મવશેન શીઘ્રં પ્રસમં યાસ્યન્તિ । સ્નિગ્ધમનોજ્ઞશ્લક્ષ્ણગાત્રશ્ ચ ભવિષ્યતિ । બહુજનપ્રિયશ્ ચ ભવિષ્યતિ । ગુહ્યાર્થપ્રતિલમ્ભશ્ ચાસ્ય ભવિષ્યન્તિ । ઉત્પન્નાશ્ ચાસ્યાર્થં ન ચૌરા પ્રતિમોચયન્તિ । અગ્નિના દહ્યતે । નોદકેન હ્રીયતે । ન રાજા શક્નોતિ મનસાપહર્તુમ્* । કર્માન્તાશ્ ચાસ્ય સ્ફીતા ભવિષ્યન્તિ । નાશનિનોદકભયં ભવિષ્યતિ । ન વાતવૃષ્ટિભયં ભવિષ્યતિ । સપ્તવારાન્ અમોઘપાશહૃદયેન ભસ્મોદકં વા પરિજપ્ય દિગ્વિદિગ્ અધ ઊર્ધ્વશ્ ચ ક્ષેત્રસ્ય બન્ધો દાતવ્યઃ । સર્વોપદ્રવોપશમિષ્યતિ । ન ચૌજોહારા ઓજો ઽપહર્તું શક્નુવન્તિ । સર્વસત્ત્વાનાં ચ પ્રિયો ભવિષ્યતિ મન-આપશ્ ચ ભવિષ્યતિ । ન ચાસ્ય શત્રુભયં ભવિષ્યતિ । ઉત્પન્નશ્ ચાસ્ય શત્રુભયં શીઘ્રં પ્રશમં યાસ્યતિ । ન ચાસ્ય મનુષ્યભયં ભવિષ્યતિ । ન ચ કાખોર્દભયં ન ચ ડાકિનીભયં ન ચ તીવ્રાઃ ક્લેશોપક્લેશા ભવિષ્યન્તિ । નાગ્નિના ન વિષેણ ન શસ્ત્રેણ કાલં કરિષ્યન્તિ । યત્ર યત્રોપપત્સ્યન્તે તત્ર તત્રાવિરહિતાશ્ ચ ભવિષ્યન્તિ મૈત્રીકરુણામુદિતોપેક્ષયા । ઇમે વિંશતિર્ અનુશંસાઃ પ્રતિકાંક્ષિતવ્યાઃ ।

અપરાન્ અષ્ટૌ ધર્માન્ પ્રતિલપ્સ્યન્તે । કતમાન્ અષ્ટૌ? મરણકાલે આર્યાવલોકિતેશ્વરો ભિક્ષુરૂપેણ સંમુખં દર્શનં દાસ્યતિ । સુખેન કાલં કરિષ્યતિ । ન ભ્રાન્તદૃષ્ટિર્ ( અફ્સૂ 163 ) ભવિષ્યતિ । ન હસ્તવિક્ષેપં કરિષ્યતિ । ન પાદવિક્ષેપં નોચ્ચારં ન પ્રસ્રાવં ન ચારૂઢઃ કાલં કરિષ્યતિ । સુપ્રતિષ્ઠિતસ્મૃતિર્ ભવિષ્યતિ । નાધોમુખઃ કાલં કરિષ્યતિ । મરણકાલે ઽક્ષયપ્રતિભાનં ચાસ્ય ભવિષ્યતિ । યત્ર યત્ર ચાસ્ય બુદ્ધક્ષેત્રે પ્રણિધિસ્ તત્ર તત્રોપપત્તિર્ ભવિષ્યતિ । અવિરહિતશ્ ચ ભવિષ્યતિ કલ્યાણમિત્રૈઃ । દિને દિને ત્રિકાલં ત્રીણિ વારાન્ આવર્તયિતવ્યમ્* । મદ્યમાંસપલાણ્ડુગુઞ્જનકલશુનશંકારકૃતોચ્છિષ્ટવિશેષાર્થિનો હ્ય્ એતદ્ વર્જ્યઃ । અયં ચામોઘપાશહૃદયં નામ ધર્મપર્યાયઃ સર્વસત્ત્વાનાં બલાબલં જ્ઞાત્વા શ્રોષયિતવ્યઃ । આચાર્યમુષ્ટિર્ ન કર્તવ્યા । યસ્માદ્ ધિ ગતે મલમાત્સર્યેર્ષ્યાપગતો બોધિસત્ત્વા ભવન્તિ । સત્ત્વાનામ્ અર્થકરણેન બોધિઃ પ્રાપ્યતે બોધિસત્ત્વાનાં ગણનાંશ્ ચ ગચ્છન્તિ । બોધિર્ ઇત્ય્ ઉચ્યતે પ્રજ્ઞાસત્ત્વ ઉપાયઃ । એતૌ દ્વૌ ધર્મૌ સત્ત્વાનામ્ અર્થકરણેનૈવ પ્રાપ્યેતે । સચેન્ મે ભગવન્ન્ અનુજાનીયાદ્ યન્ ન્વ્ અહમ્ ઇમં હૃદયં તથાગતસ્ય પુરતઃ કીર્તયે ચતસૃણાં પર્ષદામ્ અર્થાય હિતાય સુખાયાન્યેષાં ચ પાપકારિણામ્* ।
અથ ખલુ ભગવાન્ આર્યાવલોકિતેશ્વરો બોધિસત્ત્વં મહાસત્ત્વમ્ એતદ્ અવોચત્* । ભાષસ્વ શુદ્ધસત્ત્વાય યસ્યેદાનીં કાલં મન્યસે । અનુમોદિતં તથાગતેન પશ્ચિમકાલે પશ્ચિમસમયે બોધિસત્ત્વયાનિકાનાં પિતૃકાર્યં કરિષ્યતિ ।
અથ ખલુ આર્યાવલોકિતેશ્વરો બોધિસત્ત્વો મહાસત્ત્વો ઽનિમિષનયનો ભૂત્વા ભગવન્તમ્ એતદ્ અવોચત્* । શૃણુ મે ભગવન્ સર્વબુદ્ધબોધિસત્ત્વનમસ્કૃતમ્ ઇદં વિમોક્ષમુખમણ્ડલં બહુજનહિતાય બહુજનસુખાય લોકાનુકમ્પાય મહતો જનકાયસ્યાર્થાય હિતાય સુખાય વિમોક્ષાર્થાય । નામસ્ ત્ર્યધ્વાનુગતપ્રતિષ્ઠિતેભ્યઃ સર્વબુદ્ધબોધિસત્ત્વેભ્યઃ । નમઃ પ્રત્યેકબુદ્ધાર્યશ્રાવકસંઘેભ્યો ઽતીતાનાગતપ્રત્યુત્પન્નેભ્યઃ । નમઃ સમ્યગ્ગતાનામ્* । ( અફ્સૂ 164 ) નમઃ સમ્યક્પ્રતિપન્નાનામ્* । નમઃ શારદ્વતીપુત્રાય મહામતયે । નમઃ આર્યમૈત્રેયપ્રમુખેભ્યો મહાબોધિસત્ત્વસંઘેભ્યઃ । નમઃ સુપ્રતિષ્ઠિતશૈલેન્દ્રરાજપ્રમુખેભ્યઃ તથાગતેભ્યો ઽર્હદ્ભ્યઃ સમ્યકસંબુદ્ધેભ્યો ભગવદ્ભ્યઃ । નમઃ સુવર્ણવર્ણસુપ્રતિભાસવિનિવર્તિતેશ્વરરાજાય તથાગતાય । નમઃ સિંહવિક્રીડિતરાજાય તથાગતાય । નમો અમિતાભાય તથાગતાય । નમઃ સુપ્રતિષ્ઠિતમણિકૂટરાજાય તથાગતાય । નમઃ સમન્તરશ્મ્યુદ્ગતશ્રીકૂટરાજાય તથાગતાય । નમો વિપશ્યિને તથાગતાય । નમઃ શિખિને તથાગતાય । નમો વિશ્વભુવે તથાગતાય । નમઃ ક્રકુચ્છન્દાય તથાગતાય । નમઃ કનકમુનયે તથાગતાય । નમઃ કાશ્યપાય તથાગતાયા । નમઃ શાક્યમુનયે તથાગતાયાર્હતે સમ્યક્સમ્બુદ્ધાય । તદ્યથા ō
ઓં મુને મુને મહામુનયે સ્વાહા । ઓં શમે શમે મહાશમે રક્ષ રક્ષ માં સર્વસત્ત્વાંશ્ ચ સર્વપાપં પ્રશમને સ્વાહા । નમઃ સુપરિકીર્તિતનામધેયાય તથાગતાય । નમઃ સમન્તાવભાસવિજિતસંગ્રામશ્રિયે તથાગતાય । નમઃ ઇન્દ્રકેતુધ્વજશ્રિયે તથાગતાય । નમો રત્નપ્રભાસેશ્વરરાજાય તથાગતાય । નમો ઽપ્રતિહતભૈષજ્યરાજાય તથાગતાય । નમો વિક્રાન્તગામિને તથાગતાય । નમો બુદ્ધાય । નમો ધર્માય । નમઃ સંઘાય । નમો ઽતીતાનાગતપ્રત્યુત્પન્નેભ્યો બુદ્ધેભ્યો ભગવદ્ભ્યઃ । તદ્યથા ō
સ્મૃતિવર્દ્ધનિ મતિવર્દ્ધનિ ગતિવર્દ્ધનિ ધૃતિવર્દ્ધનિ પ્રજ્ઞાવર્દ્ધનિ પ્રતિભાનવર્દ્ધનિ ધ્યાનવર્દ્ધનિ સમાધિવર્દ્ધનિ શમથવર્દ્ધનિ વિપશ્યનાવર્દ્ધનિ । સર્વબોધિપક્ષધર્મવર્દ્ધનિ સકલબુદ્ધધર્મપરિપૂર્ણાય સ્વાહા । નમો રત્નત્રયાય । નમ આર્યાવલોકિતેશ્વરાય બોધિસત્ત્વાય મહાસત્ત્વાય મહાકારુણિકાય । નમો મહાસ્થામપ્રાપ્તાય ( અફ્સૂ 165 ) બોધિસત્ત્વાય મહાસત્ત્વાય મહાકારુણિકાય । એભ્યો નમસ્કૃત્વા ઇદમ્ આર્યાવલોકિતેશ્વરમુખોદ્ગીર્ણમ્ અમોઘપાશરાજનામ હૃદયં તથાગતસંમુખં ભાષિતં મહત્પર્ષન્મધ્યે ઽહમ્ ઇદાનીમ્ આવર્તયિષ્યે । સિધ્યન્તુ મે મન્ત્રપદા સર્વકાર્યાણિ સર્વભયેભ્યો મમ સર્વસત્ત્વાનાં ચ રક્ષા ભવતુ । તદ્યથા ō

ઓં ચર ચર ચિરિ ચિરિ ચુરુ ચુરુ મર મર મિરિ મિરિ મુરુ મુરુ મહાકારુણિક । સર સર સિરિ સિરિ સુરુ સુરુ ચુરુ ચુરુ ચિરિ ચિરિ વિરિ વિરિ મિરિ મિરિ મહાપદ્મહસ્ત । કલ કલ કિલિ કિલિ કુલુ કુલુ મહાશુદ્ધસત્ત્વ । બુદ્ધ્ય બુદ્ધ્ય બોધ બોધ બોધિ બોધિ બોધય બોધય કણ કણ કિણિ કિણિ કુણુ કુણુ પરમશુદ્ધસત્ત્વ । કર કર કિરિ કિરિ કુરુ કુરુ મહાસ્થામપ્રાપ્ત । ચલ ચલ સંચલ સંચલ વિચલ વિચલ પ્રચલ પ્રચલ એટટ એટટ ભર ભર ભિરિ ભિરિ ભુરુ ભુરુ તર તર તિરિ તિરિ તુરુ તુરુ એહ્ય્ એહિ મહાકારુણિક । મહાપશુપતિવેશધર । ધર ધર ધિરિ ધિરિ ધુરુ ધુરુ તર તર સર સર ચર ચર પર પર વર વર મર મર લર લર હર હર હાહા હીહી હૂહૂ ઓં કારબ્રહ્મવેશધર । ધર ધર ધિરિ ધિરિ ધુરુ ધુરુ તર તર સર સર ચર ચર નર નર વર વર હર હર રશ્મિશતસહસ્રપ્રતિમણ્ડિતશરીર જ્વલ જ્વલ તપ તપ ભાસ ભાસ ભ્રમ ભ્રમ ( અફ્સૂ 166 ) ભગવન્ સોમાદિત્યયમવરુણકુબેરબ્રહ્મેન્દ્રવાય્વગ્નિધનદ-ઋષિદેવગણાભ્યર્ચિતચરણ । સુરુ સુરુ ચુરુ ચુરુ મુરુ મુરુ ધુરુ ધુરુ સનત્કુમારરુદ્રવાસવવિષ્ણુધનદવાય્વગ્નિ-ઋષિનાયકવિનાયકબહુવિવિધવેશધર । ધર ધર ધિરિ ધિરિ ધુરુ ધુરુ તર તર થર થર ધર ધર પર પર લર લર હર હર યર યર સર સર વર વર વરદાયક । સમન્તાવલોકિતવિલોકિતલોકેશ્વરમહેશ્વરત્રિભુવનેશ્વરસર્વગુણસમલઙ્કૃતાવલોકિતેશ્વર મુહુ મુહુ મુરુ મુરુ મુય મુય મુઞ્ચ મુઞ્ચ રક્ષ રક્ષ માં સર્વસત્ત્વાંશ્ ચ સર્વભયેભ્યઃ સર્વોપદ્રવેભ્યઃ સર્વોપસર્ગેભ્યઃ સર્વગ્રહેભ્યઃ સર્વવ્યાધિભ્યઃ સર્વવિષેભ્યઃ સર્વજ્વરેભ્યઃ । એવં બન્ધ બન્ધ તાડનતર્જનરાજતસ્કરાગ્ન્યુદકવિષશસ્ત્રપરિમોચક । કણ કણ કિણિ કિણિ કુણુ કુણુ ચર ચર ચિરિ ચિરિ ચુરુ ચુરુ ઇન્દ્રિયબલબોધ્યંગચતુરાર્યસત્યસંપ્રકાશક । તપ તપ તમ તમ દમ દમ શમ શમ મસ મસ ધમ ધમ મહાકારુણિક મહાતમોન્ધકારવિધમનષટ્પારમિતાપરિપૂરક । મલ મલ મિલિ મિલિ મુલુ મુલુ ટટ ટટ ઠઠ ઠઠ ટિટિ ટિટિ ઠિઠિ ઠિઠિ ટુટુ ટુટુ ઠુઠુ ઠુઠુ એણેયચર્મકૃતપરિકર એહ્ય્ એહિ મહાકારુણિક । ઈશ્વરમહેશ્વરમહાભૂતગણસંભઞ્જક । કર કર કિરિ કિરિ કુરુ કુરુ પર પર હર હર ( અફ્સૂ 167 ) વર વર સર સર મર મર કર કર કટ કટ કિટિ કિટિ કુટુ કુટુ મટ મટ મહાવિશુદ્ધવિષયનિવાસિન મહાકારુણિક । શ્વેતયજ્ઞોપવીતરત્નમુકુટમાલાધરસર્વજ્ઞશિરસિ કૃતજટામુકુટમહાદ્ભુતકમલાલઙ્કૃતકરતલધ્યાનસમાધિવિમોક્ષાપ્રકમ્પ્ય બહુસત્ત્વસંતતિપરિપાલકમહાકારુણિક સર્વકર્માવરણવિશોધક સર્વજ્ઞજ્ઞાનપરિપૂરક સર્વવ્યાધિવિમોચક સર્વસત્ત્વાશાપરિપૂરકસર્વસત્ત્વસમાશ્વાસનકર નમો ઽસ્તુ તે સ્વાહા । અમોઘાય સ્વાહા । અમોઘપાશાય સ્વાહા । અજિતાય સ્વાહા । અપરાજિતાય સ્વાહા । અમિતાભાય સ્વાહા । અમિતાભસુતાય સ્વાહા । મારસૈન્યપ્રમર્દનાય સ્વાહા । અભયાય અભયપ્રદાય સ્વાહા । જયાય સ્વાહા । વિજયાય સ્વાહા । જયવિજયાય સ્વાહા । વરદાય સ્વાહા । વરપ્રદાય સ્વાહા । અકાલમૃત્યુપ્રશમનાય સ્વાહા । ઇદં ચ મે કર્મ કુરુ નમો ઽસ્તુ તે સ્વાહા । ઓં રણ રણ હૂં ફટ્* સ્વાહા । ઓં જય હૂં ફટ્* સ્વહા । ઓં જ્ર જિં જું ફટ્* સ્વાહ । ઓં હૂં જય સ્વાહા । ઓં હ્રીઃ ત્રૈલોક્યવિજયામોઘપાશાપ્રતિહત હ્રીઃ હઃ હૂં ફટ્* સ્વાહા । ઓં વસુમતિ સ્વાહા । ઓં આરોલીક્* સ્વાહા । ઓં બહુલે બહુલે સ્વાહા । ઓં આરોલિક્* હ્રીઃ હ્રીઃ હૂં ફટ્* સ્વાહા । નિયતાનિયતવેદનીયાશુભસ્ય મે ભગવન્ કર્મણો ઽશેષતઃ પરિક્ષયં કુરુ સ્વાહા । પદ્મહસ્તાય સ્વાહા । ઓં બુદ્ધધર્મસંઘાય સ્વાહા । પઠિતસિદ્ધસ્યાસ્ય મન્ત્રસ્ય કર્માણિ ભવન્તિ । ( અફ્સૂ 168 ) ત્રિકાલજાપેન પઞ્ચાનન્તર્યાણિ શોધયતિ । સર્વકર્માવરણાનિ વિશુદ્ધિં ચ કરોતિ । અગરુધૂપેન સીમાબન્ધઃ ભસ્મોદકેન સર્ષપખદિરકીલકાદ્યૈઃ સર્વજ્વરેષુ સૂત્રકં બન્ધયિતવ્યમ્* । સર્વવ્યાધિષુ ઘૃતતૈલમુદકં વા પરિજપ્ય દાતવ્યમ્* । કાખોર્દચ્છેદનં શસ્ત્રેણ રક્ષાસૂત્રકં ચ । ઉદરશૂલેન લવણોદકં વિષનાશનં મૃત્તિકયા ઉદકેન વા । ચક્ષુરોગેણ શ્વેતસૂત્રકં કર્ણે બન્ધયિતવ્યમ્* । દન્તશૂલેન કરવીરદન્તકાષ્ઠકમ્* । સીમાબન્ધં પઞ્ચરઙ્ગિકસૂત્રમ્ એકવિંશતિવારાન્ પરિજપ્ય ચતુર્ષુ ખદિરકીલકેષુ બદ્ધ્વા ચતુર્દિશં નિખાતવ્યં સીમાબન્ધો ભવિષ્યતિ । સર્વરક્ષાસૂત્રકેનોદકેન ભસ્મેન વા । સર્વગ્રહેષુ પઞ્ચરઙ્ગિકસૂત્રકમ્* । સર્વજ્વરેષુ શ્વેતસૂત્રકં સર્પકીટાઃ લૂતલોહલિંગગલગ્રહેષુ મધુપિપ્પલીયુતમ્* । ચક્ષુરોગે ગન્ધોદકપલાશોદકં મધુયષ્ટ્યુદકં વા સર્વકલિકલહવિવાદેભ્યઃ અભ્યાખ્યાનેષૂદકં પરિજપ્ય મુખં પ્રક્ષાલયિતવ્યમ્* । પરવિષયરાજ્યોપદ્રવરાષ્ટ્રકેષુ પૂર્ણકલશં સ્થાપયિત્વા શુચિના શુચિવસ્ત્રપ્રાવૃતેન મહતીં પૂજાં કૃત્વા વાચયિતવ્યં મહાશાન્તિર્ ભવતિ । તેન ચોદકેન સેક્તવ્યં સર્વસત્ત્વાનાં રક્ષા કૃતા ભવતિ । સર્વેત્ય્ ઉપદ્રવોપસર્ગાઃ પ્રશામ્યન્તિ । મુદ્રિતાં ચન્દનતિલકં હૃદયે એકવિંશતિવારાન્ પરિજપ્ય કર્તવ્યં સર્વાનન્તર્યાણિ ક્ષયં યાન્તિ । સતતજાપેન ગૃહરક્ષા । પદ્મહોમેન સર્વસત્ત્વરક્ષા । ચન્દનહોમેન સર્વગ્રહભૂતનક્ષત્રરક્ષા । જયાવિજયા-અપરાજિતા નાકુલી ગન્ધનાકૂલી ધારણી અભયપાણિ ઇન્દ્રિયપાણિગન્ધપ્રિયંગુતગરચક્રા મહાચક્રા વિક્રાન્તાસોમરાજી સુનન્દા ચેતિ । યથા સંભવત અષ્ટોત્તરશતવારાન્ પરિજપ્ય મણિં કૃત્વા શિરસિ બાહૌ વા ધારયિતવ્યમ્* । બાલાનાં ગલે નારીણાં વિલગ્ને સ્વયં પરં સૌભાગ્યકરમ્* । ( અફ્સૂ 169 ) અલક્ષ્મીપ્રશમનં પુત્રદં ચ । એતેન મણિના બદ્ધેન સર્વરક્ષા કૃતા ભવતિ । વિષાગ્નિના ન ક્રમતિ વિષકૃતં નોત્પદ્યતે । ઉત્પન્નાપિ ન પીડાં જનયિષ્યતિ શીઘ્રં પ્રશમયિષ્યન્તિ । ગ્રહાન્ પ્રશમયિષ્યતિ વાતમેઘાશનિસ્તમ્ભનં વારિણા કરવીરલતયા સર્વકર્મકરમ્* । આર્યાવલોકિતેશ્વરહૃદયં પરમસિદ્ધમ્ અસાધિતમ્ એતે તાનિ કર્માણિ કુરુતે । અથ સાધયિતુમ્ ઇચ્છન્ વિધિઃ પટે ઽશેષકૈર્ વર્ણકૈર્ બુદ્ધપ્રતિમાલિખ્યાર્યાવલોકિતેશ્વરો જટામુકુટધારી એણેયચર્મકૃતપરિવાસા પશુપતિવેશધરઃ સર્વાલઙ્કારભૂષિતં કૃત્વા પોષધિકેન ચિત્રકરેણ

ચિત્રાપયિતવ્યઃ । તતઃ સાધકેન તસ્યાગ્રતો ઽપતિતગોમયેન મણ્ડલં કૃત્વા શ્વેતપુષ્પાવકીર્ણમ્ અષ્ટાઉ ગન્ધોદકપૂર્ણકુમ્ભાઃ સ્થાપયિતવ્યાઃ । અષ્ટાવ્ ઉપહારાશ્ ચતુષષ્ટિર્ ઉપકરણાનિ । બલિમાંસરુધિરવર્જિતઃ અગરુધૂપં દહતા વિદ્યાષ્ટસહસ્રજાપયિતવ્યા । અહોરાત્રોષિતેન વા ત્રિરાત્રોષિતેન વા ત્રિશુક્લભોજિતા વા ત્રિકાલસ્નાપયિતા શુચિવસ્ત્રપ્રાવૃતો ભૂત્વા જાપો દાતવ્યઃ । તતઃ પ્રતિમાયા અગ્રતઃ આત્માનં ચ લિખિતં પશ્યતિ તં દૃષ્ટ્વા ચ પ્રહૃષ્યતિ યાવત્ સ્વયમ્ એવાર્યાવલોકિતેશ્વર આગચ્છતિ । સર્વાશા પરિપૂરયતિ । મનઃશિલાઞ્જનં વા પરિજપ્ય અક્ષિણ્ય્ અંજયિત્વા તતો ઽન્તર્હિતો ભવતિ । આકાશે ક્રામતિ । અસંમોહજ્ઞાનવ્યૂહનામ સમાધિં પ્રતિલભતે । યદ્ ઇચ્છતિ તત્ કરોત્ય્ એવ સાધક ઇતિ ।
ઇદમ્ અવોચદ્ ભગવાન્ આત્તમના આર્યાવલોકિતેશ્વરો બોધિસત્ત્વો મહાસત્ત્વસ્ તે ચ ભિક્ષવસ્ તે ચ બોધિસત્ત્વાસ્ તે શુદ્ધાવાસકાયિકા દેવપુત્રાઃ સદેવમાનુષાસુરગન્ધર્વશ્ ચ લોકો ભગવતો ભાષિતમ્ અભ્યનન્દન્ન્ ઇતિ ।
॥ આર્યામોઘપાશનામહૃદયં મહાયાનસૂત્રં સમાપ્તમ્* ॥