આદ્યાસ્તોત્રમ્ · અધ્યાય 1

॥ આદ્યાસ્તોત્રમ્ ॥
ૐ નમ આદ્યાયૈ ।
શૃણુ વત્સ પ્રવક્ષ્યામિ આદ્યા સ્તોત્રં મહાફલમ્ ।
યઃ પઠેત્ સતતં ભક્ત્યા સ એવ વિષ્ણુવલ્લભઃ

મૃત્યુર્વ્યાધિભયં તસ્ય નાસ્તિ કિઞ્ચિત્ કલૌ યુગે ।
અપુત્રા લભતે પુત્રં ત્રિપક્ષં શ્રવણં યદિ

દ્વૌ માસૌ બન્ધનાન્મુક્તિ વિપ્રવક્ત્રાત્ શ્રુતં યદિ ।
મૃતવત્સા જીવવત્સા ષણ્માસં શ્રવણં યદિ

નૌકાયાં સઙ્કટે યુદ્ધે પઠનાજ્જયમાપ્નુયાત્ ।
લિખિત્વા સ્થાપયેદ્ગેહે નાગ્નિચૌરભયં ક્વચિત્

રાજસ્થાને જયી નિત્યં પ્રસન્નાઃ સર્વદેવતા ।
ૐ હ્રીં બ્રહ્માણી બ્રહ્મલોકે ચ વૈકુણ્ઠે સર્વમઙ્ગલા

ઇન્દ્રાણી અમરાવત્યામવિકા વરુણાલયે।
યમાલયે કાલરૂપા કુબેરભવને શુભા

મહાનન્દાગ્નિકોને ચ વાયવ્યાં મૃગવાહિની ।
નૈઋત્યાં રક્તદન્તા ચ ઐશાણ્યાં શૂલધારિણી

પાતાલે વૈષ્ણવીરૂપા સિંહલે દેવમોહિની ।
સુરસા ચ મણીદ્વિપે લઙ્કાયાં ભદ્રકાલિકા

રામેશ્વરી સેતુબન્ધે વિમલા પુરુષોત્તમે ।
વિરજા ઔડ્રદેશે ચ કામાક્ષ્યા નીલપર્વતે

કાલિકા વઙ્ગદેશે ચ અયોધ્યાયાં મહેશ્વરી ।
વારાણસ્યામન્નપૂર્ણા ગયાક્ષેત્રે ગયેશ્વરી

કુરુક્ષેત્રે ભદ્રકાલી વ્રજે કાત્યાયની પરા ।
દ્વારકાયાં મહામાયા મથુરાયાં માહેશ્વરી

ક્ષુધા ત્વં સર્વભૂતાનાં વેલા ત્વં સાગરસ્ય ચ ।
નવમી શુક્લપક્ષસ્ય કૃષ્ણસૈકાદશી પરા

દક્ષસા દુહિતા દેવી દક્ષયજ્ઞ વિનાશિની ।
રામસ્ય જાનકી ત્વં હિ રાવણધ્વંસકારિણી

ચણ્ડમુણ્ડવધે દેવી રક્તબીજવિનાશિની ।
નિશુમ્ભશુમ્ભમથિની મધુકૈટભઘાતિની

વિષ્ણુભક્તિપ્રદા દુર્ગા સુખદા મોક્ષદા સદા ।
આદ્યાસ્તવમિમં પુણ્યં યઃ પઠેત્ સતતં નરઃ

સર્વજ્વરભયં ન સ્યાત્ સર્વવ્યાધિવિનાશનમ્ ।
કોટિતીર્થફલં તસ્ય લભતે નાત્ર સંશયઃ

જયા મે ચાગ્રતઃ પાતુ વિજયા પાતુ પૃષ્ઠતઃ ।
નારાયણી શીર્ષદેશે સર્વાઙ્ગે સિંહવાહિની

શિવદૂતી ઉગ્રચણ્ડા પ્રત્યઙ્ગે પરમેશ્વરી ।
વિશાલાક્ષી મહામાયા કૌમારી સઙ્ખિની શિવા

ચક્રિણી જયધાત્રી ચ રણમત્તા રણપ્રિયા ।
દુર્ગા જયન્તી કાલી ચ ભદ્રકાલી મહોદરી

નારસિંહી ચ વારાહી સિદ્ધિદાત્રી સુખપ્રદા ।
ભયઙ્કરી મહારૌદ્રી મહાભયવિનાશિની

ઇતિ બ્રહ્મયામલે બ્રહ્મનારદસંવાદે આદ્યા સ્તોત્રં સમાપ્તમ્ ॥
॥ ૐ નમ આદ્યાયૈ ૐ નમ આદ્યાયૈ ૐ નમ આદ્યાયૈ ॥