108 Buddhist stotras · અધ્યાય 75

અમિતરુચિશિરઃસ્થં પદ્મપત્રાયતાક્ષં દુરિતકૃતવિનાશં મોહમાયા ઽહિતાક્ષમ્ ।
કરધૃતકનકાબ્જં લોકપાલૈકદક્ષં પ્રણમિતશિરસા ઽહં નૌમિ તં લોકનાથમ્ ॥

અરુણવરુણશોભાબોધિવિજ્ઞાનહેતું મણિમયમુકુટં સંસારકામ્ભોધિસેતુમ્ ।
કૃતમનસિજનાશં બોધિસત્ત્વાદિકેતું પ્રણમિતશિરસા ઽહં નૌમિ તં લોકનાથમ્ ॥

સરસિજકૃતવાસં દૂરકન્દર્પપાશં સુરનરદનુજાશં પૂર્ણચન્દ્રપ્રકાશમ્ ।
સુકૃતજનવિલાસં કોટિસૂર્યાવભાસં પ્રણમિતશિરસા ઽહં નૌમિ તં લોકનાથમ્ ॥

ઉરસિ વિહિતનાગં મોચિતાશેષરાગં ભવજલધિવિભાગં મોક્ષસૌખ્યૈકમાર્ગમ્ ।
પ્રતપિતકનકાઙ્ગં બોધિબોધૈકરાગં પ્રણમિતશિરસા ઽહં નૌમિ તં લોકનાથમ્ ॥

જિનવરસુતરાજં મુક્તિમાલાવિરાજં સુલલિતફણિરાજં કીર્ણિતાચાભિરાજમ્ ।
પ્રમુદિતવલિરાજં પાલિતામર્ત્યરાજં પ્રણમિતશિરસા ઽહં નૌમિ તં લોકનાથમ્ ॥

ધૃતમધુકરરૂપં ક્ષુપ્તિપાસાન્તકૂપં સુચરિતહયરૂપં સિંહલાદન્તભૂપમ્ ।
અગુરુસુરભિધૂપં ધારિતાશેષરૂપં પ્રણમિતશિરસા ઽહં નૌમિ તં લોકનાથમ્ ॥

ત્રિવિધવિધૃતપાપં મે હરન્તં ત્રિતાપં પ્રતિદિનમિતિજાપં દેવચક્રે વિલાપમ્ ।
નિરયભયકલાપં ભેદકાજ્ઞાનચાપં પ્રણમિતશિરસા ઽહં નૌમિ તં લોકનાથમ્ ॥

વિહિતશુભજનાનાં મુક્તિતાપોદ્યતાનાં વિગલિતકલુષાણાં ભક્તિપૂજારતાનામ્ ।
વરકુશલસમૂહં સંપ્રપેદે સ્વભક્ત્યા પ્રણમિતશિરસા ઽહં નૌમિ તં લોકનાથમ્ ॥

દશબલકૃતસિદ્ધિં સંવધે બુદ્ધબોધિં જનનમરણભીતં મારપાશાભિનીતમ્ ।
મનસિ મલિનવૃત્તે પૂરિતાજ્ઞાનવિત્તે પ્રણમિતશિરસા ઽહં નૌમિ તં લોકનાથમ્ ॥

પ્રવરસુગતરત્નં ધર્મકાયં સંસંઘં ક્ષરણમિહ પ્રયામિ કારિતાનઙ્ગભઙ્ગમ્ ।
પ્રમુદિતમનસાપ્તં બોધિલાભૈકયત્નં પ્રણમિતશિરસા ઽહં નૌમિ તં લોકનાથમ્ ॥

શ્રીલોકનાથચરણામ્બુજભક્તિપદ્મ પીયૂષનન્દરચિતાનતિવિસ્તરાઢ્યમ્ ।
યત્સપ્તધાર્ચનયુતં સરસાતિહૃદ્યં સૌખ્યાવતીગમનમાર્ગકરં તુ સદ્યઃ ॥

સ્તુત્વા લોકગુરું મુનીશ્વરમિમં સર્વાર્થસિદ્ધિપ્રદં યત્પુણ્યં સમુપાર્જિતં વ્રજતુ તત્પુણ્યેન સૌખ્યાવતીમ્ ।
શ્રીલોકેશ્વરપાદપઙ્કજરસોલ્લાસૈકહર્ષોદિતં લોકક્લેશહરં સુદુર્જયવરં જિત્વા પ્રમુક્તામલમ્ ॥