108 Buddhist stotras · અધ્યાય 34

શ્રીમાનાદ્યઃ સ્વયમ્ભૂરમિતરુચિરમોઘાભિઘો ઽક્ષોભ્યબુદ્ધઃ શ્રીમાન્ વૈરોચનાખ્યો મણિભવમુનિરાડ્ વજ્રસત્ત્વઃ સુસત્ત્વઃ ।
શ્રીપ્રજા વજ્રધાત્વી સકલશુભકરી આર્યતારાદિકાસ્તાઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

દેવી સમ્પત્પ્રસાદા ગણપતિહૃદયા વજ્રવિદ્રાવિણો સા ઉષ્ણીષાપર્ણદેવી કિટિવરવદના માતૃકા ખેચરાણામ્ ।
કોટોલક્ષાક્ષદેવો સ્વગણપરિવૃતા પઞ્ચરક્ષા સુરક્ષા કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

રત્ને દીપઙ્કરાખ્યો મણિકુસુમજિનઃ શ્રીવિપશ્યી શિખી ચ વિશ્વમ્ભુઃ શ્રીકકુત્સઃ સ ચ કનકમુનિઃ કાશ્યપઃ શાક્યસિંહઃ ।
પ્રત્યુત્પન્નાભ્યભૂતઃ સકલદશબલો પારમાહાત્મ્યસિન્ધુઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

શ્રીમાનાર્યાવલોકેશ્વરજિનજવરો મૈત્રેયાનન્તગઞ્જો બુદ્ધઃ સામન્તભદ્રઃ કુલિશવરધરો મઞ્જુનાથો મહેશઃ ।
સર્વાઘોરી ક્ષિતિજ ખગર્ભાભિધાનૌ મહાન્તૌ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

બુદ્ધાધિષ્ઠાનકન્દોદ્ભવવરકમલો નાગદાસાભિધાનઃ સત્યાં તાં યૌવનાથો નિજવરભુવનાજ્જ્યોતિરેકં સસર્જ ।
એકાંશં પઞ્ચ ભૂત્વા વિહરતિ સતતં પઞ્ચબુદ્ધાત્મકો ઽસૌ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

યા પ્રજ્ઞા ગુહ્યરૂપા ત્રિદલકમલજા સન્તુ દેવપ્રસાદા નૈરાત્મા પીઠરૂપા બહુવિહિતહિતા બ્રહ્મવિષ્ણ્વીશવન્દ્યા ।
દુર્ગાયાં માર્ગકૃત્સ્ને કૃતનતિવરદા પ્રાદુરાસીદગાધૈઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

મૈત્રીયાંશાદભૂદ્ યો વનમહદુપરે રત્નચૂડાસ્યરત્નં જ્યોતિઃ સંગમ્ય ભવ્યં ભવજલધિતરી રત્નલિઙ્ગેશ્વરાખ્યઃ ।
શ્રીવત્સો વીતરાગાષ્ટકકૃતમહિમા વ્યક્તરૂપાઃ(પઃ)સ્વયમ્ભૂઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

ત્રાતું ગોકર્ણદુષ્ટં જપસિ ધૃતમતિં લોકનાથાજ્ઞયા ઽભૂત્ પદ્માકારં ખગઞ્જાભિધજિનતનયો વાગ્મતીપૂરતીરે ।
શ્રીગોકર્ણેશ્વરઃ સ પિતૃજનહતકૃદ્ વાગ્મતીસંગમે ઽસ્મિન્ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

ક્રુદ્ધં નાગાધિરાજં કુલિકસમવિધં ત્રાસયન્ કીલવદ્ યો લોકાનાં ભદ્રહેતોઃ ગમનવદુપરિ શ્રીગિરૌ વીતરાગઃ ।
શ્રી સામન્તાદ્યભદ્રો ધ્વજકૃતિરભવત્ કાલિનામા મહેશઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

પાતું તં સર્વપાદં કમલધરગિરા વજ્રપાણિર્જિહીતે લોકાનાં રક્ષણાર્થં પુનરપિ કલશાકારતાંશાદભૂત્ સઃ ।
શ્રીમાન્ સર્વેશ્વરાખ્યો જિનવરતનયો દણ્ડશૂલૌ દધાનઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

દુર્બોધં મઞ્જુગર્તવ્યજનસુખરતં કમિનીસુપ્રબોધં કૃત્વા પ્રાજ્ઞં મહાન્તં કવિવરમકરોન્મઞ્જુદેવસ્તતો ઽપિ ।
શ્વાસં સંધાય ભવ્યં સકલગુણપદં પ્રાપ્ય ગર્તેશસંજ્ઞાઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

મત્સ્યાકારાભિરાસીત્ સકલવરણવિષ્કમ્ભિનામા સુસત્ત્વઃ સાલઙ્કારઃ ફણીન્દ્રૈરદદદખિલકાત્ યોડિયાખ્યો યયાસૌ ।
નિષ્કાશ્યાશં ફણીન્દ્રેશ્વર ઇતિ સમભૂદ્ વીતરાગો ઽપ્યરાગઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

સ શ્રીમાનોડિયાને વ્યતતપતપસા સાતપત્રઃ સુતીરે પૃથ્વીગર્ભાખ્યબૌદ્ધો ઝટિતિ તં સ્થાપયામાસ વાસમ્ ।
ગન્ધેશો વીતરાગો ઽભવદખિલસુહૃલ્લોકનાથાગ્રતસ્થઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

શંખં દધ્મૌ સહર્ષઃ સ્મરદમિતસુતં વિક્રમાત્ પ્રાપ્તસિદ્ધિઃ યસ્માલ્લોકેશ્વરાજ્ઞાવિનિહિતહરયઃ પ્રાદુરાસીત્ ખગર્ભઃ ।
યઃ સ્વાશં સ્થાપયિત્વા નિજપુરમગમદ્ વિક્રમેશાભિધાનં કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

નાગસ્તાર્ક્ષ્યેણ યસ્માદલભદનુસુખં પુણ્યનામા સુતીર્થઃ પાર્વત્યા યત્ર તેપે કલહનિવસને શાન્તતીર્થઃ પ્રશાન્તઃ ।
તપ્તં રુદ્રેણ દુર્ગાભિલષિતમનસા શઙ્કરાખ્યસ્ત્રિવેણઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

તીર્થો રાજાભિધાનો યદલભદવનીપાલરાજ્યં વિરૂપો વ્યાધશ્ચૈતશ્ચ યસ્માત્ સુરપતિસદનં પ્રાગમત્ કામતીર્થઃ ।
વજ્રાચાર્યેણ પશ્યં યદભિષવકૃતઃ સંગમો નિર્મલાખ્યઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

દીનૈરાપ્તં નિધાનં યદપચિતિપરૈરાકરાખ્યો હિ તીર્થો જ્ઞૈર્લબ્ધં જ્ઞાનમસ્માદ્ યદુદકમતિભિર્જ્ઞાનસંજ્ઞૈકતીર્થઃ ।
ચિન્તામણ્યાખ્યતીર્થાભિધવદભિષવૈર્યત્ર પ્રાપ્તો ઽભિલાષઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

યત્ર સ્નાતૈર્મુદાપ્તેતિસમભિધમભૂદ્ યશ્ચ પ્રામોદતીર્થઃ પ્રાદાત્ સલ્લક્ષણં યઃ સ્વપયસિ સરતાં તીર્થસલ્લક્ષણાખ્યઃ ।
યત્ર સ્નાત્વા બલાખ્યઃ સુરપતિરજયદ્ દ્વીપમાખ્યંભતીર્થઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠાતાં નૌમ્યહં તાઃ ॥

વિદ્યાધર્યાખ્યદેવી ગગનપથગતા યોગિની વજ્રપૂર્વા હારીતઃ શ્રીહનૂમાન્ સગણપતિમહાકાલચૂડાખ્યવન્દ્યાઃ ।
બ્રહ્માણ્યાદ્યાશ્ચ દેવ્યઃ સહરિસુખવરક્ષારનાસ્કન્દયુક્તાઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

વાગ્મત્યા મૂલપુચ્છપ્રભૃતય ઉપતીર્થાસ્તથા કેશચૈત્યાઃ શઙ્ખોચ્ચસ્થાશ્ચ જાતોચ્ચયગિરિલલિતશ્ચૈત્યભટ્ટારકો ઽસૌ ।
ફુલ્લોચ્ચો દ્રષ્ટદેવી તદનુ ભગવતીધ્યાનપ્રોચ્ચાદિસંસ્થાઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

મઞ્જુશ્રીપર્વતસ્થો ઽનુચરવિરચિતો મઞ્જુશોભાખ્યચૈત્યઃ શાન્તશ્રીનિર્મિતેષુ પ્રકૃતવસતયઃ પઞ્ચદેવાપુરેષુ ।
પુચ્છાગ્રશ્ચૈત્યવર્યો ઽભ્યકથદનુપમં યત્ર શાકેત્પુરાશં કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

આધારાખ્યો હૃદિસ્થઃ સગણફણિપતિર્વિધ્નરાજાન્તકશ્ચ નાગશ્ચાનન્દલોકે હરિહરિહરિવાહાખ્યત્રૈલોક્યવંશે ।
લોકેશાયાક્ષમત્વસ્તદનુ સફલયાશાભિલોકૈકનાથઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

હેવજ્રઃ સંવરો ઽસૌ સપરિજનગણશ્ચણ્ડવીરસ્ત્રિલોકી વીરો યોગામ્બરો ઽસૌ યમનિધનકરાદ્યા દશક્રોઢ(ધ)રાજાઃ ।
ગુહ્યા બાહ્યાશ્ચ સર્વે પરિમિતપ્રમુખા નામસંગીતિવ્યાખ્યા કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

શીર્ષે પ્રાગાત્ પયો ઽસૌ સહિતપરિજનશ્ચન્દ્રસાહોસિતાદ્રિઃ છિત્વા શોષે હ્રદે ઽસ્મિન્ પુરવરકમલો લોકવાસાઃ પરસ્ય ।
સ્વસ્થીભૂતામ્બુસંસ્થઃ સકલજિનવરં પ્રાભજન્મઞ્જુનાથઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥

સૌખાવત્યાશ્ચ વઙ્ગં તદનુ જનહિતે પોતલે પ્રાગમદ્ યઃ શાન્તો ઽવગ્રાહદોષે લલિતપુરવરં પ્રાવિશન્ દેવહૂતઃ ।
સ શ્રીમાન્ વજ્રપાણિઃ સજટધરહયગ્રીવપાર્ષદ્ગણેશઃ કલ્યાણં વઃ ક્રિયાસુઃ ક્વચિદપિ સરતાં તિષ્ઠતાં નૌમ્યહં તાઃ ॥