108 Buddhist stotras · અધ્યાય 16

પદ્મસત્ત્વ મહાપદ્મ લોકેશ્વર મહેશ્વર ।
અવલોકિતેશ ધીરાગ્ર્ય વજ્રધર્મ નમો ઽસ્તુ તે ॥

ધર્મરાજ મહાશુદ્ધ સત્ત્વરાજ મહામતે ।
પદ્માત્મક મહાપદ્મ પદ્મનાથ નમો ઽસ્તુ તે ॥

પદ્મોદ્ભવ સુપદ્માભ પદ્મશુદ્ધ સુશોધક ।
વજ્રપદ્મ સુપદ્માઙ્ક પદ્મપદ્મ નમો ઽસ્તુ તે ॥

મહાવિશ્વ મહાલોક મહાકાય મહોપમ ।
મહાધીર મહાવીર મહાશૌરે નમો ઽસ્તુ તે ॥

સત્ત્વાશય મહાયાન મહાયોગ પિતામહ ।
શમ્ભુ શઙ્કર શુદ્ધાર્થ બુદ્ધપદ્મ નમો ઽસ્તુ તે ॥

ધર્મતત્ત્વાર્થ સદ્ધર્મ શુદ્ધદ્ધર્મં સુધર્મકૃત્ ।
મહાધર્મ સુધર્માગ્ર્ય ધર્મચક્ર નમો ઽસ્તુ તે ॥

બુદ્ધસત્ત્વ સુસત્ત્વાગ્ર્ય ધર્મસત્ત્વ સુસત્ત્વધૃક્ ।
સત્ત્વોત્તમ સુસત્ત્વજ્ઞ સત્ત્વસત્ત્વ નમો ઽસ્તુ તે ॥

અવલોકિતેશ નાથાગ્ર્ય મહાનાથ વિલોકિત ।
આલોકલોક લોકાર્થ લોકનાથ નમો ઽસ્તુ તે ॥

લોકાક્ષરાક્ષર મહા અક્ષરાગ્ર્યાક્ષરોપમ ।
અક્ષરાક્ષર સર્વાક્ષ ચક્રાક્ષર નમો ઽસ્તુ તે ॥

પદ્મહસ્ત મહાહસ્ત સમાશ્વાસક દાયક ।
બુદ્ધધર્મ મહાબુદ્ધ બુદ્ધાત્મક નમો ઽસ્તુ તે ॥

બુદ્ધરૂપ મહારૂપ વજ્રરૂપ સુરુપવિત્ ।
ધર્માલોક સુતેજાગ્ર્ય લોકાલોક નમો ઽસ્તુ તે ॥

પદ્મશ્રીનાથ નાથાગ્ર્ય ધર્મશ્રીનાથ નાથવાન્ ।
બ્રહ્યનાથ મહાબ્રહ્મ બ્રહ્મપુત્ર નમો ઽસ્તુ તે ॥

દીપ દીપાગ્ર્ય દીપોગ્ર દીપાલોક સુદીપક ।
દીપનાથ મહાદિપ બુદ્ધદીપ નમો ઽસ્તુ તે ॥

બુદ્ધાભિષિક્ત બુદ્ધાગ્ર્ય બુદ્ધપુત્ર મહાબુધ ।
બુદ્ધાભિષેકમુર્દ્ધાગ્ર્ય બુદ્ધબુદ્ધ નમો ઽસ્તુ તે ॥

બુદ્ધચક્ષો મહાચક્ષો ધર્મચક્ષો મહેક્ષણ ।
સમાધિજ્ઞાનસર્વસ્વ વજ્રનેત્ર નમો ઽસ્તુ તે ॥

એવં સર્વાત્મના ગૌણં નામ્નામષ્ટશતં તવ ।
ભાવયેત્ સ્તુનુયાદ્વાપિ લોકૈશ્વર્યમવાપ્નુયાત્ ॥