विष्णुस्मृति · अध्याय 81

यावद् ऊष्मा भवत्य् अन्ने यावद् अश्नन्ति वाग्यताः
तावद् अश्नन्ति पितरो यावन् नोक्ता हविर् गुणाः ॥

सार्ववर्णिकम् अन्नाद्यं संनीयाप्लाव्य वारिणा
समुत्सृजेद् भुक्तवताम् अग्रतो विकिरन् भुवि ॥

असंस्कृतप्रमीतानां त्यागिनां कुलयोषिताम्
उच्छिष्टं भागधेयं स्याद् दर्भेषु विकिरश् च यः ॥

उच्छेषणं भूमिगतम् अजिह्मस्याशठस्य च
दासवर्गस्य तत् पित्र्ये भागधेयं प्रचक्षते ॥