विष्णुस्मृति · अध्याय 3

यत्र श्यामो लोहिताक्षो दण्डश् चरति निर्भयः
प्रजास् तत्र विवर्धन्ते नेता चेत् साधु पश्यति ॥

स्वराष्ट्रो न्यायदण्डः स्याद् भृशदण्डश् च शत्रुषु
सुहृत्स्व् अजिह्मः स्निग्धेषु ब्राह्मणेषु क्षमान्वितः ॥

एवंवृत्तस्य नृपतेः शिलोञ्छेनापि जीवतः
विस्तीर्यते यशो लोके तैलबिन्दुर् इवाम्भसि ॥

प्रजासुखे सुखी राजा तद्दुःखे यश् च दुःखितः
स कीर्तियुक्तो लोके ऽस्मिन् प्रेत्य स्वर्गे महीयते ॥