वैशेषिकसूत्र (अन्य संस्करण) · अध्याय 3.1

प्रसिद्धा इन्द्रियार्थाः

इन्द्रियार्थाप्रसिद्धिरिन्द्रियार्थेभ्योर्ऽथान्तरस्य हेतुः

सो ऽनपदेशः

कारणाज्ञानात्

कार्येषु ज्ञानात्

अज्ञानाच्च

अन्यदेव हेतुरित्यनपदेशः

अर्थान्तरं ह्यर्थान्तरस्यानपदेशः

संयोगि समवाय्येकार्थसमवायि विरोधि च

कार्यं कार्यान्तरस्य

विरोध्यभूतं भूतस्य

भूतमभूतस्य

भूतो भूतस्य

प्रसिद्धिपूर्वकत्वादपदेशस्य

अप्रसिद्धो ऽनपदेशो ऽसन् सन्दिग्धश्चानपदेशः

यस्माद्विषाणी तस्मादश्वः

यस्माद्विषाणी तस्माद्गौरितिचानैकान्तिकस्योदाहरणम्

आत्मेन्द्रियार्थसन्निकर्षाद्यन्निष्पद्यते तदन्यत्

प्रवृत्तिनिवृत्ती च प्रत्यगात्मनि दृष्टे परत्र लिङ्गम्