तन्त्रालोक · अध्याय 34

उच्यते@थ स्वस्वरूपप्रवेशः क्रमसङ्गतः । 0ब्
यदेतद्बहुधा प्रोक्तमाणवं शिवताप्तये ।
तत्रान्तरन्तराविश्य विश्राम्येत्सविधे पदे ॥ 1

ततो@प्याणवसंत्यागाच्छाक्तीं भूमिमुपाश्रयेत् ।
ततो@पि शाम्भवीमेवं तारतम्यक्रमात्स्फुटम् ॥ 2

इत्थं क्रमोदितविबोधमहामरीचिसंपूरितप्रसरभैरवभावभागी ।
अन्ते@भ्युपायनिरपेक्षतयैव नित्यं स्वात्मानमाविशति गर्भितविश्वरूपम् ॥ 3

कथितो@यं स्वस्वरूपप्रवेशः परमेष्ठिना ।