स्कन्द पुराण · अध्याय 7.42

॥ पुलस्त्य उवाच ॥
ततो गच्छेन्नृपश्रेष्ठ लिंगं पापहरं परम्॥
उद्दालकेन मुनिना स्थापितं लोकविश्रुतम्

तस्मिन्स्पृष्टेऽथ वा दृष्टे पूजिते च विशेषतः ॥
सर्वरोग विनिर्मुक्तो गार्हस्थ्यं प्राप्नुयान्नरः

सर्वपापविनिर्मुक्तः शिवलोके महीयते

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखंडे तृतीयेऽर्बुदखण्ड उद्दालकेश्वरमाहात्म्यवर्णनंनाम द्विचत्वारिंशोऽध्यायः