स्कन्द पुराण · अध्याय 7.311

॥ ईश्वर उवाच ॥ ॥
ततो गच्छेन्महादेवि गोपालस्वामिनं हरिम् ॥
चण्डीशात्पूर्वदिग्भागे धनुषां विंशतौ स्थितम्

सर्वपापोपशमनं दारिद्र्यौघविनाशनम्॥
तं दृष्ट्वा पूजयित्वा च माघे मासि विशेषतः ॥
पूजा जागरणं कृत्वा तत्र गच्छेत्परं पदम्

इति श्रीस्कांदे महापुराण एकाशीतिसाहस्र्यां संहितायां सप्तमे प्रभासखण्डे प्रथमे प्रभासक्षेत्रमाहात्म्ये गोपाल स्वामिहरिमाहात्म्यवर्णनंनामैकादशोत्तरत्रिशततमोऽध्यायः