परमार्थसार (टीका सहित) · अध्याय 2
इह शिवाद्वयशासने देहादिप्रमातृताप्राधान्यस्वसंकल्पसमुत्थशङ्कातङ्कालस्यसंशयादिरूपविघ्नौघप्रसरप्रध्वंसपूर्विकां शास्त्रनिष्पत्तिं मन्यमानः परिमितप्रमातृताधस्पदीकारेण चिदानन्दैकघनस्वात्मदेवतासमावेशशालिनीं समस्तशास्त्रार्थसंक्षेपगर्भां प्रथमतस्तावत्परमेश्वरप्रवणतां परामृशति ।
परं परस्थं गहनादनादिमेकं निविष्टं बहुधा गुहासु ।
सर्वालयं सर्वचराचरस्थं त्वामेव शंभुं शरणं प्रपद्ये
मूल पाठ: Paramārthasāra with Yogarāja's Paramārthasārasaṃgrahavivṛti commentary · Edition: Srinagar : Research Dept. Jammu and Kashmir State 1916 (The Kashmir Series of Texts and Studies edition, 7). The text of this edition has been revised after nine manuscripts [see L. Bansat-Boudon - K. D. Tripathi, An Introduction to Tantric Philosophy: The Paramārthasāra of Abhinavagupta with the Commentary of Yogarāja. Translated by Lyne Bansat-Boudon and Kamaleshadatta Tripathi. Introduction, no · Data entry Lyne Bansat-Boudon Yves Codet Judit Törzsök · GRETIL (Göttingen) · CC BY-NC-SA 4.0