ग्रंथ पाठ

पैप्पलाद-संहिता · अध्याय 16.110

16.110.1

वशाया दुग्धं पीत्वा
साध्या वसवश् च ये ।
अमी ब्रध्नस्य विष्टपि
पयो अस्या उपासते ॥

16.110.2

सोमम् एनाम् एके दुह्रे
घृतम् एक उपासते ।
य एवं विदुषे वशां ददुस्
ते गतास् त्रिदिवं दिवः ॥

16.110.3

वशां दत्त्वा ब्राह्मणेभ्यः
सर्वांल् लोकान् सम् अश्नुते ।
ऋतं ह्य् अस्याम् आहितम्
अपि ब्रह्माथो तपः ॥

16.110.4

वशां देवा उप जीवन्ति
वशां मनुष्या उत ।
वशेदं सर्वम् अभवद्
यावत् सूर्यो विपश्यति ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0