ग्रंथ पाठ

पैप्पलाद-संहिता · अध्याय 1.67

1.67.1

देवी देव्यां जातासि
पृथिव्याम् अध्य् ओषधे ।
तां त्वा नितत्नि केशेभ्यो
दृंहणाय खनामसि ॥

1.67.2

इन्द्रस् त्वाखनत् प्रथमो
वरुणस्य दुहितृभ्यः ।
दृंह जाताञ् जनयाजातान्
ये जातास् तान् उ वर्षीयसस् कृधि ॥

1.67.3

यस् ते केशो ऽवततः
समूलो यश् च वृह्यते ।
सर्वं तं विश्वभेषज्या-
-अभि षिञ्चामि वीरुधा ॥

1.67.4

अभीशुना मेयो ऽस्तु
वियामेनानुमेयः ।
केशो नड इव वर्धतां
शीर्ष्णस् ते असितस् परि ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0