ग्रंथ पाठ

पैप्पलाद-संहिता · अध्याय 1.42

1.42.1

याः सेना अभीत्वरीर्
आव्याधिनीर् उगणा उत ।
य स्तेनो यश् च तस्करस्
तांस् ते अग्ने ऽपि दधाम्य् आसनि ॥

1.42.2

जम्भैर् मलिम्लून् अग्ने
दंष्ट्राभ्यां तस्कारान् उत ।
हनूभ्यां स्तेनान् मघवन्
तांस् त्वं खाद सुखादितान् ॥

1.42.3

ये ग्रामेषु मलिम्लुच
स्तेनासस् तस्करा वने ।
ये कक्षेष्व् अघायवस्
तांस् ते ऽग्ने ऽपि दधाम्य् आसनि ॥

1.42.4

यो अस्मभ्यम् अरातीयाद्
यश् च नो द्वेषद् इज् जनः ।
आमादः क्रव्यादो रिपूंस्
तान् अग्ने सं दहा त्वम् ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0