ग्रंथ पाठ

पैप्पलाद-संहिता · अध्याय 1.16

1.16.1

नक्तंजातास्य् ओषधे
रामे कृष्णे असिक्नि च ।
इदं रजनि रजय
किलासं पलितं च यत् ॥

1.16.2

किलासं च पलितं च
निर् इतो नाशया पृषत् ।
आ त्वा स्वो अश्नुतां वर्णः
परा श्वेतानि पातय ॥

1.16.3

असितं ते प्रलयनम्
आस्थानम् असितं तव ।
असिक्न्य् अस्य् ओषधे
निर् इतो नाशया पृषत् ॥

1.16.4

अस्थिजस्य किलासस्य
तनूजस्य च यत् त्वचि ।
दूषा कृतस्य ब्रह्मणा
लक्ष्म श्वेतम् अनीनशम् ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0