ग्रंथ पाठ

पैप्पलाद-संहिता · अध्याय 1.111

1.111.1

न्यग् वातो वाति
न्यक् तपति सूर्यः ।
नीचीनम् अघ्न्या दुहे
न्यग् भवतु ते विषम् ॥

1.111.2

नि गावो गोष्ठे असदन्
नि वत्सा अधि तन्त्याम् ।
न्य् ऊर्मयो नदीनां
नि शुष्मा अरसानाम् ॥

1.111.3

अहीनाम् अहिकानां
सं हि शीर्षाण्य् अग्रभम् ।
ह्रदं सहस्रबाहुः परेत्य
व्य् अनिजम् अहेर् विषम् ॥

1.111.4

तुराणाम् अतुराणां
विशाम् उरुक्षिताम् उत ।
कृणोमि तुभ्यं भेषजम्
आहेयम् अरसं विषम् ॥

मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0