पादार्थधर्मसंग्रह · अध्याय 8.12.2.2
यथा.प्रसिद्धसमयस्यासन्दिग्धलिङ्गदर्शनप्रसिद्ध्यनुस्मरणाभ्याम्.अतीन्द्रिये.ऽर्थे.भवत्य्.अनुमानम्.एवम्.शब्दादिभ्यो.ऽपीति.।
श्रुतिस्मृतिलक्षणो.ऽप्य्.आम्नायोवक्तृप्रामाण्यापेक्षः.तद्वचनाद्.आम्नायप्रामाण्यम्.लिङ्गाच्.चानित्यो.बुद्धिपूर्वा.वाक्यकृतिर्.वेदे.बुद्धिपूर्वो.ददातिर्.इत्य्.उक्तत्वात्.॥
यद्.विशेषदर्शनात्.संशयविरोध्य्.उत्पद्यते.स.प्रत्यक्षनिर्णयः.।
यथा.स्थाणुपुरुषयोर्.ऊर्ध्वतामात्रसादृश्यालोचनाद्.विशेषेष्व्.अप्रत्यक्षेषूभयविशेषानुस्मरणात्.किम्.अयम्.स्थाणुपुरुषो.वेति.संशयोत्पत्तौ.शिरह्पाण्यादिदर्शनात्.पुरुष.एवायम्.इत्य्.अवधारणज्ञानम्.प्रत्यक्षनिर्णयः.।
विषाणमात्रदर्शनाद्.गौर्.गवयो.वेति.संशयोत्पत्तौ.सास्नामात्रदर्शनाद्.गौरु.एवायम्.इत्य्.अवधारणज्ञानम्.अनुमाननिर्णय.इति.॥
मूल पाठ: Pādārthadharmasaṃgraha commentary on Kaṇāda's Vaiśeṣikasūtra · Edition: The Prasastapadabhasya with Commentary Nyayakandali of Sridhara. Ed. by V. P. Dvivedin. Sri Garbi Dass Oriental Ser., 13, Delhi: Sri Satguru Publications. [Reprint of the edition Benares 1895, Vizianagram Sanskrit Series ; 6] · Data entry Muneo Tokunaga Muroya · GRETIL (Göttingen) · CC BY-NC-SA 4.0