ब्रह्मसूत्र (अन्य संस्करण) · अध्याय 4.3

अर्चिरादिना तत्प्रथितेः

वायुम् अब्दाद् अविशेषविशेषाभ्याम्

तडितो ऽधि वरुणः संबन्धात्

आतिवाहिकास् तल्लिङ्गात्

उभयव्यामोहात् तत् सिद्धेः

वैद्युतेनैव ततस् तच्छ्रुतेः

कार्यं बादरिरस्य गत्युपपत्तेः

विशेषितत्वाच् च

सामीप्यात् तु तद्व्यपदेशः

कार्यात्यये तदध्यक्षेण सहातः परम् अभिधानात्

स्मृतेश् च

परं जैमिनिर् मुख्यत्वात्

दर्शनाच् च

न च कार्ये प्रतिपत्त्यभिसंधिः

अप्रतीकालम्बनान् नयतीति बादरायण उभयथा च दोषात् तत्क्रतुश् च

विशेषं च दर्शयति