अथर्ववेद · अध्याय 8.11

सोदक्रामत्सान्तरिक्षे चतुर्धा विक्रान्तातिष्ठत्

तां देवमनुष्या अब्रुवन्न् इयमेव तद्वेद यदुभय उपजीवेमेमामुप ह्वयामहा इति

तामुपाह्वयन्त

ऊर्ज एहि स्वध एहि सूनृत एहीरावत्येहीति

तस्या इन्द्रो वत्स आसीद्गायत्र्यभिधान्यभ्रमूधः

बृहच्च रथंतरं च द्वौ स्तनावास्तां यज्ञायज्ञियं च वामदेव्यं च द्वौ

ओषधीरेव रथंतरेण देवा अदुह्रन् व्यचो बृहता

अपो वामदेव्येन यज्ञं यज्ञायज्ञियेन

ओषधीरेवास्मै रथंतरं दुहे व्यचो बृहत्

अपो वामदेव्यं यज्ञं यज्ञायज्ञियं य वेद