अथर्ववेद · अध्याय 15.17

योऽस्य प्रथमो व्यानः सेयं भूमिः

योऽस्य द्वितीयो व्यानस्तदन्तरिक्षम्

योऽस्य तृतीयो व्यानः सा द्यौः

योऽस्य चतुर्थो व्यानस्तानि नक्षत्राणि

योऽस्य पञ्चमो व्यानस्त ऋतवः

योऽस्य षष्ठो व्यानस्त आर्तवाः

योऽस्य सप्तमो व्यानः स संवत्सरः

समानमर्थं परि यन्ति देवाः संवत्सरं वा एतदृतवोऽनुपरियन्ति व्रात्यं च

यदादित्यमभिसंविशन्त्यमावास्यां चैव तत्पौर्णमासीं च

एकं तदेषाममृतत्वमित्याहुतिरेव