अथर्ववेद · अध्याय 15.10

तद्यस्यैवं विद्वान् व्रात्यो राज्ञोऽतिथिर्गृहान् आगच्छेत्

श्रेयांसमेनमात्मनो मानयेत्तथा क्षत्राय ना वृश्चते तथा राष्ट्राय ना वृश्चते ॥
अतो वै ब्रह्म च क्षत्रं चोदतिष्ठतां ते अब्रूतां कं प्र विशावेति

बृहस्पतिमेव ब्रह्म प्रविशत्विन्द्रं क्षत्रं तथा वा इति

अतो वै बृहस्पतिमेव ब्रह्म प्राविशदिन्द्रं क्षत्रम्

इयं वा उ पृथिवी बृहस्पतिर्द्यौरेवेन्द्रः

अयं वा उ अग्निर्ब्रह्मासावादित्यः क्षत्रम्

ऐनं ब्रह्म गच्छति ब्रह्मवर्चसी भवति

यः पृथिवीं बृहस्पतिमग्निं ब्रह्म वेद

ऐनमिन्द्रियं गच्छतीन्द्रियवान् भवति

य आदित्यं क्षत्रं दिवमिन्द्रं वेद