યોગયાત્રા · અધ્યાય 25

શસ્તો નીડસ્ તુ વૈશાખે પદપે નિરુપદ્રવે।
દેશોત્થાનં તુ વલ્મીકચૈત્યધાન્યગૃહાદિષુ॥

કાકાનાં શ્રાવણે દ્વિત્રિચતુઃશાવાઃ શુભાવહાઃ।
ગૈરિકશ્વેતચિત્રાશ્ ચ વર્ણાશ્ ચૌરાગ્નિમૃત્યુદાઃ॥

અણ્ડાવકિરણે ધ્વાંક્ષા દુર્ભિક્ષમરકાવ્ ઉભૌ।
શાવાનાં વિકલત્વે વા નિઃશાવત્વે કૃતાથવા॥

હરેદ્ ઉપનયેદ્ વાપિ યદ્ દ્રવ્યં વાયસો ઽગ્રતઃ।
તન્ નાશલબ્ધૌ વિજ્ઞેયૌ હેમપીતે વિનિર્દિશેત્॥

રક્તદ્રવ્યં પ્રદગ્ધં વા ન્યસન્ ગેહે ઽગ્નિદઃ સ્મૃતઃ।
તૃણભસ્માસ્થિકેશાંશ્ ચ શયને સ્વામિમૃત્યુદઃ॥

પુરસૈન્યોપરિ વ્યોમ્નિ વ્યાકુલૈર્ અનિલાદ્ ભયમ્।
સવ્યમણ્ડલગૈઃ સ્વાર્થમ્ અપસવ્યૈઃ પરોદ્ભવમ્॥

અકાર્યસહિતૈર્ ભેદો રોધશ્ ચક્રાકૃતિસ્થિતૈઃ।
વર્ગતશ્ ચાભિઘાતઃ સ્યાદ્ રિપુવૃદ્ધિશ્ ચ નિર્ભયૈઃ॥

ઉપાનચ્છત્રયાનાઙ્ગશસ્ત્રચ્છાયાવકુટ્ટને।
મૃત્યું તત્સ્વામિનો બ્રૂયાત્ પૂજા સ્યાત્ તત્પ્રપૂજને॥

કાષ્ઠરજ્જ્વસ્થિનિઃસારકેશકણ્ટકભૃદ્ રુવન્।
વ્યાલાહિવ્યાધિશસ્ત્રાગ્નિતસ્કરેભ્યો ભયઙ્કરઃ॥

યુદ્ધં સેનાઙ્ગસંસ્થેષુ મોષકૃત્ સ્વાવલેખને।
ચરન્ નિશિ વિનાશાય દુર્ભિક્ષં ધાન્યમોષકૃત્॥

વામપાર્શ્વસ્થિતઃ શ્રેષ્ઠો દક્ષિણાદ્ વાપિ વામગઃ।
ધ્વાંક્ષઃ પાર્શ્વદ્વયેનાપિ શસ્તો યાત્રાનુલોમગઃ॥

યાતુઃ કર્ણસમો ધ્વાંક્ષઃ ક્ષેમ્યો નાર્થપ્રસાદકઃ।
વામાદક્ષિણગો નેષ્ટો વા સમાનઃ પ્રતીપગઃ॥

વિરુવન્ ચાગ્રતઃ પક્ષે ધૂન્વન્ ધ્વાંક્ષો ભયપ્રદઃ।
પ્રત્યુરસ્ય્ ઉપસર્પન્ ચ સંસ્પર્શન્ ચ તથા ભવેત્॥

એકપાદો ચલત્પક્ષઃ કાકો ઽવસ્કન્દખેટકઃ।
વધબન્ધકરો વાશન્ ખરસૂકરપૃષ્ઠગઃ॥

પઙ્કદિગ્ધશરીરસ્ય વરાહસ્યોપરિસ્થિતઃ।
વાયસઃ શસ્યતે યાતુસ્ તૂષ્ણીભૂતો રુવન્ન્ અપિ॥

ક્ષીરવૃક્ષાજમહિષીગોસ્થિતો ગોરસપ્રદઃ।
અન્નદઃ પર્ણવિચ્છેદી પાનદો જલકુટ્ટનાત્॥એ16