વસુધારાધારણી (અન્ય આવૃત્તિ) · ભાગ 11

શ્રી વસુધારાધારણી ।
ઓમ્ નમઃ । શ્રી જિનશાસનાય ।
સંસારદ્વયદૈન્યસ્ય પ્રતિહન્તૃ દિનાવહે ।
વસુધારે સુધાધારે નમસ્તુભ્યં કૃપામહે ॥ 1 ॥
એવં મયા શ્રુતમેકસ્મિન્ સમયે ભગવાન્ કોશામ્બ્યાં મહાનગર્યાં કણ્ટકસંજ્ઞકે મહાવનવરે ઘોસિતારામે મહાભિક્ષુસંઘેન સાર્ધં પઞ્ચમાત્રૈર્ભિક્ષુશતૈસ્સંવરબહુલૈશ્ચ તપોધનૈર્બોધિસત્ત્વૈર્મહાસત્ત્વૈઃ સર્વશુદ્ધધર્મગુણસમનુગતૈઃ પરિવૃતઃ પુરસ્કૃતો ધર્મં દેશયતિ સ્મ ।
તેન પુનઃ ખલુ સમયેન કૌશામ્બ્યાં મહાનગર્યાં સુચન્દ્રો નામ ગૃહપતિઃ પ્રતિવસતિ સ્મ । ઉપશાન્તેન્દ્રિય ઉપશાન્તમાનસો બહુપોષ્યો બહુપુત્રો બહુદુહિતૃકો બહુભૃત્યપરિજનસમ્પન્નઃ શ્રાદ્ધો મહાશ્રાદ્ધઃ કલ્યાણાશયઃ [યેન] ભગવાંસ્તેનોપસંક્રાન્તઃ । ઉપસંક્રમ્ય ભગવતઃ પાદૌ શિરસાભિવન્દ્ય ભગવન્તં અનેકશતસહસ્રપ્રદક્ષણીકૃત્યૈકાન્તે ન્યષીદત્ । એકાન્તે નિષણ્ણશ્ચ સુચન્દ્રો ગૃહપતિર્લબ્ધાવસરો ભગવન્તમેતદવોચત્ ।
પૃચ્છેયમહં ભગવન્તં તથાગતં અર્હન્તં સમ્યક્સંબુદ્ધં કિઞ્ચિત્ પ્રદેશં સચેત્ મે ભગવાનવકાશં કુર્યાત્ પૃષ્ટપ્રશ્નવ્યાકરણાય । એવમુક્તે ભગવાન્ સુચન્દ્રં ગૃહપતિમેતદવોચત્ । પૃચ્છ ત્વં ગૃહપતે યદ્યદેવાકાંક્ષસિ, અહં તે યથાપ્રશ્નવ્યાકરણાય ચિત્તમારાધયિષ્યે । એવમુક્તે સુચન્દ્રો ગૃહપતિઃ સાધુ ભગવન્નિતિ કૃત્વા ભગવતઃ પ્રતિશ્રુત્ય ભગવન્તમેતદવોચત્ ।
કથં ભગવન્ કુલપુત્રો વા કુલદુહિતા વા દરિદ્રો ભૂત્વા અદરિદ્રો ભવતિ વ્યાધિતશ્ચ ભૂત્વા અવ્યાધિતો ભવતિ । અથ ખલુ ભગવાન્ જાનન્નેવ સુચન્દ્રં ગૃહપતિમેતદવોચત્ । કિમિતિ ત્વં [ગૃહપતે દરિદ્રતાયાઃ પરિપ્રશ્નં પૃચ્છસિ એવમુક્તે] ગૃહપતિર્ભગવન્તં એતદવોચત્ । દરિદ્રો ઽહં ભગવન્ દરિદ્રો ઽહં સુગત બહુપોષ્યો બહુપુત્રો બહુદુહિતૃકો બહુભૃત્યપરિજનસંપન્નશ્ચ । તદ્દર્શયતુ ભગવાંસ્તાદૃશં ધર્મપર્યાયં યેન દરિદ્રાઃ સત્ત્વાઃ અદરિદ્રાઃ ભવેયુઃ વ્યાધિતાશ્ચ સત્ત્વા અવ્યાધિતા ભવેયુઃ બહુધનધાન્યકોશકોષ્ટાગારસમ્પન્નાશ્ચ ભવેયુઃ પ્રિયા મનાપાશ્ચ મનોજ્ઞાઃ સંદર્શનીયાશ્ચ ભવેયુઃ દાનપતયો મહાદાનપતયશ્ચ અક્ષીણહિરણ્યસુવર્ણધનધાન્યરત્નકોશકોષ્ટાગારાશ્ચ ભવેયુઃ । મણિમુક્તાવૈડૂર્યવજ્રશઙ્ખશિલાપ્રવાલજાતરૂપરજતસમૃદ્ધાશ્ચ ભવેયુઃ । સુપ્રતિષ્ઠિતસુસમૃદ્ધગૃહપુત્રદારકુટુમ્બાશ્ચ ભવેયુઃ ।
એવમુક્તે ભગવાન્ સુચન્દ્રગૃહપતિમેતદવોચત્ । અસ્તિ ગૃહપતે તેષ્વપિ અસંખ્યેયેષુ કલ્પેષ્વતીતેષુ પ્રમાણેષુ યદાસીત્ તેન કાલેન તેન સમયેન ભગવાન્ વજ્રધરસાગરનિર્ઘોષો નામ તથાગતો ઽર્હન્ સમ્યક્સંબુદ્ધો લોક ઉત્પાત(દિ) વિદ્યાચરણસમ્પન્નો લોકવિદનુત્તરઃ પુરુષદમ્યસારથિઃ શાસ્તા દેવમનુષ્યાણાં ચ બુદ્ધો ભગવાન્ । તસ્ય તથાગતસ્યાન્તિકાન્મયા ગૃહપતે અયં વસુધારા નામ ધારિણી શ્રુતા શ્રુત્વા ચોપગૃહીતા ધારિતા વાચિતા પર્યવાપ્તા પ્રવર્ત્તિતા પ્રકીર્ત્તિતા અનુમોદિતા પરેભ્યશ્ચ વિસ્તરેણ સંપ્રકાશિતા અહમપ્યેતર્હિ ગૃહપતે તાં ધારિણીં ભાષિષ્યે યથા અસ્યા ધારિણ્યાઃ પ્રભાવેન કુલપુત્રં માનુષા ન વિહેઠયન્તિ અમાનુષાઃ ... યક્ષાઃ ... રાક્ષસાઃ ... પ્રેતાઃ ... પિશાચા ... ભૂતા ... કુમ્ભાણ્ડા ... ( વ્ધ્-જ્_39 ) સ્કન્દા ... અપસ્મારા ... ઉસ્તા ... પૂતના ... કટપૂતના ... યાતુધાના ન વિહેઠયન્તિ । મૂત્રાહારા રૂધિરાહારા વિષ્ટાહારા વસાહારા માંસાહારા શ્લેષ્માહારા પૂઆહારા સિંહાણકાહારા ખેલાહારા મેધાહારા મદ્યાહારા જાતાહારા જીવિતાહારા બલ્યાહારા માલ્યાહારા યાવદુચ્છિષ્ટાહારા ન વિહેઠયન્તિ । યસ્ય ચેયં ગૃહપતે ધારિણી શ્રાદ્ધસ્ય કુલપુત્રસ્ય વા કુલદુહિતુર્વા હૃદયગતા હસ્તગતા શ્રુતિમાત્રગતા પર્યવાપ્તા પ્રવર્ત્તિતા પ્રકીર્તિતા વિચિંતિતા ધારિતા વાચિતા લિખિતા અનુમોદિતા પરેભ્યશ્ચ સંપ્રકાશિતા ચ ભવિષ્યતિ તસ્ય કુલપુત્રસ્ય કુલદુહિતુર્વા દીર્ઘરાત્રં અર્થાય સુખાય હિતાય ક્ષેમાય સુભિક્ષાય યોગસંભારાય ભવિષ્યતિ । યશ્ચૈમાં વસુધારાધારિણીં તથાગતેભ્યો ઽર્હદ્ભ્યઃ સમ્યક્સંબુદ્ધેભ્યો મહતીં ઉદારાં પૂજાં કૃત્વા નમસ્કૃત્વા અર્ચયેત્ અર્ધરાત્રેશ્ચતુર્વારાન્ તસ્ય દેવતા આત્તમનસ્કાઃ પ્રમુદિતાઃ પ્રીતાઃ સૌમનસ્યજાતાસ્ત્વયમેવાગત્ય ધનધાન્યહિરણ્યસુવર્ણરત્નવૃષ્ટિં પાતયિષ્યન્તિ તાઃ પ્રીતાસ્તથાગતશાસને પ્રીતા બુદ્ધપ્રજ્ઞપ્ત્યા પ્રીતા સંઘપ્રજ્ઞપ્ત્યા પ્રીતા મમ ધર્મભાણકસ્યાશયેન ચ । નમો રત્નત્રયાય । ઓમ્ નમો ભગવતે વજ્રધરસાગરનિર્ઘોષાય તથાગતસ્યાર્હતે સમ્યક્સંબુદ્ધાય તદ્યથા ઓમ્ શ્રી સુરૂપે સુવદને ભદ્રે સુભદ્રે ભદ્રવતિ મંગલે સુમંગલે મંગલવતિ અર્ગલે અર્ગલવતિ ચન્દ્રે ચન્દ્રવતિ અલે અચલે અચપલે ઉદ્ઘાતિનિ ઉદ્ભેદિનિ ઉચ્છેદિનિ ઉદ્યોતિનિ શસ્યવતિ ધનવતિ ધાન્યવતિ ઉદ્યોતવતિ શ્રીમતિ પ્રભવતિ અમલે વિમલે નિર્મલે રુરુમે સુરૂપે સુરુપવિમલે અર્ચનસ્તે અતનસ્તે વિતનસ્તે અનુનસ્તે (?) અવનતહસ્તે વિશ્વકેશિ વિશ્વનિશિ વિશ્વનંશિ વિશ્વરૂપિણિ વિશ્વનખિ વિશ્વશિરે વિશુદ્ધશીલે વિગૂહનીયે વિશુદ્ધનીયે ઉત્તરે અનુત્તરે અંકુરે નંકુરે પ્રભંકુરે રરમે રિરિમે રુરુમે ખખમે ખિખિમે ખુખુમે ધધમે ધિધિમે ધુધુમે તતરે તતરે તુરે તુરે તર તર તારય તારય માંસર્વસત્ત્વાંશ્ચ વજ્રે વજ્રે વજ્રગર્ભે વજ્રોપમે વજ્રિણિ વજ્રવતિ ઉક્કે બુક્કે નુક્કે ધુક્કે કક્કે હક્કે ઢક્કે ટક્કે વરક્કે આવર્ત્તિનિ નિવર્ત્તિનિ નિવર્ષણિ પ્રવર્ષણિ વર્ધનિ પ્રવર્ધનિ નિષ્પાદનિ વજ્રધરસાગરનિર્ઘોષં તથાગતં અનુસ્મર અનુસ્મર સર્વતથાગતસત્યમનુસ્મર સંઘસત્યમનુસ્મર અનિહારિ અનિહારિ તપ તપ કુટ કુટ પૂર પૂર પૂરય પૂરય ભગવતિ વસુધારે મમ સપરિવારસ્ય સર્વેષાં સત્ત્વાનાં ચ ભર ભર ભરણિ ( વ્ધ્-જ્_40 ) શાન્તમતિ જયમતિ મહામતિ સુમંગલમતિ પિંગલમતિ સુભદ્રમતિ શુભમતિ ચન્દ્રમતિ આગચ્છાગચ્છ સમયમનુસ્મર સ્વાહા । સ્વભાવામનુસ્મર સ્વાહા । ધૃતિં .... । સર્વતથાગતાનાં વિનયં ... હૃદયં ... ઉપહૃદયં ... જયં ... વિજયં ... સર્વસત્વવિજયમનુસ્મર સ્વાહા ।
ઓમ્ શ્રીં વસુમુખીં સ્વાહા । ઓમ્ શ્રીં વસુશ્રી સ્વાહા । ઓમ્ શ્રીં વસુશ્રિયે સ્વાહા । ઓમ્ વસુમતિ સ્વાહા । ઓમ્ વસુમતિશ્રિયે સ્વાહા । ઓમ્ વસ્વે સ્વાહા । ઓમ્ વસુદે સ્વાહા । ઓમ્ વસુંધરિ સ્વાહા । ઓમ્ ધરિણિ ધારિણિ સ્વાહા । ઓમ્ સમયસૌમ્યે સમયંકરિ મહાસમયે સ્વાહા । ઓમ્ શ્રિયે સ્વાહા । ઓમ્ શ્રીકરિ સ્વાહા । ઓમ્ ધનકરિ સ્વાહા । ઓમ્ ધાન્યકરિ સ્વાહા ।

મૂલમન્ત્ર । ઓમ્ શ્રિયે શ્રીકરિ સ્વાહા । ઓમ્ ધનકરિ ધાન્યકરિ રત્નવર્ષણિ સ્વાહા । સાધ્યમન્ત્ર । ઓમ્ વસુધારે સ્વાહા । હૃદયમ્ । લક્ષ્મ્યૈ સ્વાહા । ઓમ્ ઉપહૃદયમ્ । ઓમ્ લક્ષ્મી ભૂતલનિવાસિને સ્વાહા । સંયથા દં ઓમ્ યાનપાત્રાવહે સ્વાહા । મા દૂરગામિની અનુત્પન્નાનાં દ્રવ્યાણામુત્પાદિનિ ઉત્પન્નાનાં દ્રવ્યાણાં વૃદ્ધિંકરિ ત્રુટે લિટે લિટે લિ ઇત ઇત આગચ્છાગચ્છ ભગવતિ મા વિલમ્બં મનોરથં મે પરિપૂરય । દશભ્યો દિગ્ભ્યો યથોદકધારા પરિપૂરયન્તિ મહીં યથા તમાંસિ ભાસ્કરો રશ્મિના વિધ્યાપયતિ ચિરંતનાનિ યથા શશી શીતાંશુના નિષ્પાદયત્યૌષધીઃ ।
ઇન્દ્રો વૈવસ્વતશ્ચૈવ વરુણો ધનદો યથા ।
મનોનુગામિની સિદ્ધિં ચિન્તયન્તિ સદા નૃણામ્ ॥
તથેમાનિ યથાકામં ચિન્તિતં સતતં મમ ।
પ્રયત્નંતુ પ્રસિદ્ધ્યન્તુ સર્વમન્ત્રપદાનિ ચ ॥
તદ્યથા । સુટ સુટ ખટ ખટ ખિટિ ખિટિ ખુટુ ખુટુ મરુ મરુ મુંચ મુંચ મરુઞ્ચ મરુઞ્ચ તર્પ્પિણિ તર્પ્પિણિ તર્જનિ તર્જનિ દેહિ દેહિ દાપય દાપય ઉત્તિષ્ટ ઉત્તિષ્ટ હિરણ્યસુવર્ણં પ્રદાપય સ્વાહા । અન્નપાનાય સ્વાહા । વસુનિપાતાય સ્વાહા । ગૌઃ સ્વાહા સુરભે સ્વાહા । વસુ સ્વાહા । વસુપતયે સ્વાહા । ઇન્દ્રાય સ્વાહા । યમાય સ્વાહા । વરુણાય સ્વાહા । વૈશ્રવણાય સ્વાહા । દિગ્ભ્યો વિદિગ્ભ્યઃ સ્વાહા । ઉત્પાદયન્તુ મે કાંક્ષાવિરહં અનુમોદયન્તુ ઇમં મે મન્ત્રપદાઃ । ઓમ્ હ્રં હ્રીં એહ્યેહિ ભગવતિ દદ દાપય સ્વાહા । એતદ્ભગવત્યા આર્યવસુધારાયા હૃદયં મહાપાપકરિણો ઽપિ સિદ્ધ્યતિ પુરુષપ્રમાણાન્ સ્વભોગાન્ દદાતિ ઈપ્સિતં મનોરથં પરિપૂરયતિ કામદુહાન્ યાન્ કામાન્ કામયતિ તાંસ્તાનીપ્સિતાન્ પરિપૂરયતિ । મૂલવિદ્યા । નમો રત્નત્રયાય । નમો દેવિ ધનદદુહિતે વસુધારે ધનધારાં પાતય કુરુ 2 ધનેશ્વરી ધનદે રત્નદે હે હેમધનરત્નસાગરમહાનિધાને નિધાનકોટિશતસહસ્રપરિવૃતે એહ્યેહિ ભગવતિ પ્રવિશ્ય મત્પુરં મદ્ભવને મહાધનધાન્યધારાં પાતય કુરુ 2 ઓમ્ હ્રં ત્રટ કૈલાસવાસિનીયે સ્વાહા । મહાવિદ્યા । ઓમ્ વસુધારે મહાવૃષ્ટિનિપાતિનિ વસુ સ્વાહા । મૂલહૃદયં । ઓમ્ વસુધારે સર્વાર્થસાધિની સાધય 2 ઉદ્ધર 2 રક્ષ 2 । સર્વાર્થનિધયન્ત્રં વવ ટત વવ ટણ્ટ ડણ્ડ સ્વાહા । પરમહૃદયં । ઓમ્ નમો ભગવત્યૈ આર્યલેવડિકે યથા જીવસંરક્ષણિ ફલહસ્તે દિવ્યરૂપે ધનદે વરદે શુદ્ધે વિશુદ્ધે શિવકરિ શાન્તિકરિ ભયનાશિનિ ભયદૂષણિ સર્વદુષ્ટાન્ ભઞ્જય 2 મોહય 2 જમ્ભય 2 સ્તમ્ભય 2 મમ શાન્તિં પુષ્ટિં વશ્યં રક્ષાં ચ કુરુ 2 સ્વાહા । લેવડિકા ધારિણીયં ।
ઇયં સા ગૃહપતે ઇમાનિ વસુધારાધારિણીમન્ત્રપદાનિ સર્વતથાગતાનાં અર્હતાં સમ્યક્સંબુદ્ધાનાં પૂજાં કૃત્વા ષણ્માસાન્નાવર્તયેત્ તતઃ સિદ્ધા ભવતિ યસ્મિંશ્ચ સ્થાને ઇયં મહાવિદ્યા વાચ્યતે સા દિક્ પૂજ્યમાના ( વ્ધ્-જ્_42 ) ભવતિ પૌષ્ટિકકાર્યં સ્વગૃહે પરગૃહે વા ભગવતસ્તથાગતસ્યાર્યાવલોકિતેશ્વરસ્ય ચ મન્ત્રદેવતાયાશ્ચાગ્રતઃ સર્વબુદ્ધબોધિસત્ત્વેભ્યો નમસ્કૃત્વા શુભે સ્થાને કોશે કોષ્ટાગારે વા ચન્દનેન ચતુરસ્રમણ્ડલં કૃત્વા ત્રીન્ વારાન્ આવર્તયન્ તતો ગૃહપતે કુલપુત્રસ્ય વા કુલદુહિતુર્વા મહાપુરુષમાત્રયા વસુધારયા ગૃહં પરિપૂરયતિ સર્વધનધાન્યહિરણ્યસુવર્ણરત્નૈઃ સર્વોપકરણૈશ્ચ સર્વોપદ્રવાંશ્ચ નાશયતિ । તેન હિ ત્વં ગૃહપતે ઉદ્ગૃગૃહીષ્વેમાં વસુધારા નામ ધારિણીં ધારય વાચય દેશય ઉદ્ગ્રાહય પર્યવાપ્નુહિ પ્રવર્તય અનુમોદય પરેભ્યશ્ચ વિસ્તરેણ સંપ્રકાશય તદ્ ભવિષ્યતિ દીર્ઘરાત્રં અર્થાય હિતાય સુભિક્ષાય ક્ષેમાય યોગસમ્ભારાય ચેતિ ।
સાધુ ભગવન્નિતિ સુચન્દ્રો ગૃહપતિઃ ભગવતો ઽન્તિકાદિમાં વસુધારાં નામ ધારિણીં શ્રુત્વા હૃષ્ટઃ તુષ્ટ ઉદગ્ર આત્તમનાઃ પ્રમુદિતઃ પ્રીતિસૌમનસ્યજાતો ભગવતશ્ચરણયોર્નિપત્ય કૃતકરપુટો ભૂત્વા ભગવન્તમેતદવોચત્ । ઉદ્ગૃહીતા મે ભગવન્ ઇયં વસુધારા નામ ધારિણી પ્રકીર્તિતા ધારિતા વાચિતા પર્યવાપ્તા અનુમોદિતા મનસાનુપરિચિંતિતા ચ પરેભ્યશ્ચ વિસ્તરેણ ઇદાનીં સમ્પ્રકાશયિષ્યામીતિ ।
અથ તત્ક્ષણમાત્રેણ સુચન્દ્રો નામ ગૃહપતિ[ઃ] પરિપૂર્ણકોશકોષ્ટાગારો બભૂવ । અથ ખલુ સુચન્દ્રો ગૃહપતિઃ ભગવન્તં અનેકશતસહસ્રકૃત્વઃ પ્રદક્ષિણીકૃત્ય ભગવતઃ પાદૌ શિરસાભિવન્દ્ય ભગવન્તં અનેકશઃ પુનઃ પુનરવલોક્ય ભગવતો ઽન્તિકાત્ પ્રક્રાન્તઃ ।
અથ ખલુ ભગવાનાયુષ્મન્તં આનન્દં આમન્ત્રયતે સ્મ । ગચ્છ ત્વં આનંદ સુચન્દ્રસ્ય ગૃહપતેરગારં ગત્વા ચ પરિપૂર્ણં પશ્ય સર્વધનધાન્યહિરણ્યરત્નસુવર્ણૈઃ સર્વોપકરણૈર્મહાકોશકોષ્ટાગારાણિ ચ પરિપૂર્ણાનિ ।
અથ ખલ્વાયુષ્માન્ આનંદો ભગવતઃ પ્રતિશ્રુત્ય યેન કોશામ્બીમહાનગરી યેન સુચન્દ્રસ્ય ગૃહપતેરગારં તેનોપસંક્રાન્તઃ । ઉપસંક્રમ્યાભ્યન્તરં પ્રવિશ્યાદ્રાક્ષીત્ તત્ પરિપૂર્ણં સર્વધનધાન્યહિરણ્યસુવર્ણૈઃ સર્વોપકરણૈશ્ચ ( વ્ધ્-જ્_43 ) મહાકોશકોષ્ટાગારાણિ ચ પરિપૂર્ણાનિ । દૃષ્ટ્વા ચ વિસ્મિતો હૃષ્ટઃ સન્તુષ્ટઃ ઉદગ્ર આત્તમના પ્રમુદિતઃ પ્રીતિસૌમનસ્યજાતો યેન ભગવાંસ્તેન ઉપસંક્રાન્તઃ । ઉપસંક્રમ્ય ભગવતઃ પાદૌ શિરસાભિવંદ્ય ભગવન્તમેતદવોચત્ । કો ભગવન્ હેતુઃ કઃ પ્રત્યયો ઽસ્ય યેન સુચન્દ્રો ગૃહપતિર્મહાધનો મહાભોગો મહાકોશકોષ્ટાગારઃ સર્વધનધાન્યસમૃદ્ધઃ સંવૃત્તઃ । ભગવાનાહ । શ્રાદ્ધાનંદ સુચન્દ્રગૃહપતિઃ પરમશ્રાદ્ધઃ કલ્યાણાશયઃ । ઉદ્ગૃહીતા ચ તેનેયં વસુધારા નામ ધારિણી ધારિતા વાચિતા દેશિતા ગ્રાહિતા પર્યવાપ્તા પ્રકીર્તિતા અનુમોદિતા ઇદાનીં પરેભ્યશ્ચ સંપ્રકાશયિષ્યતિ ।
તેન ચાનંદ ત્વમપ્યુદ્ગૃહીષ્વેમાં વસુધારા નામ ધારિણીં ધારય વાચય દેશય ગ્રાહય પર્યવાપ્નુહિ પ્રવર્ત્તય પ્રકીર્તય અનુમોદય પરેભ્યશ્ચ વિસ્તરેણ સંપ્રકાશય । યસ્યેયં કુલપુત્રસ્ય વા કુલદુહિતુર્વા હસ્તગતા ગૃહગતા પુસ્તકગતા ભવિષ્યતિ ન તસ્ય રોગદુર્ભિક્ષમરકકાંતારાદયો ભવિષ્યન્તિ ક્રમેણ વિભવાસ્તસ્ય પ્રવર્ધિષ્યન્તિ તદ્ ભવિષ્યતિ બહુજનહિતાય બહુજનસુખાય લોકાનુકમ્પાયૈ મહતો જનકાયસ્યાર્થાય સુખાય દેવાનાં ચ મનુષ્યાણાં ચ ।

નાહં આનંદ તં ધર્મે સમનુપશ્યામિ સદેવકે લોકે સમારકે સબ્રહ્મકે સશ્રમણબ્રાહ્મણિકાયાં પ્રજાયાં સદેવમાનુષાસુરાયાં ચ ઇમાં વસુધારા નામ ધારિણીં મહાવિદ્યાં અન્યથા કરિષ્યતિ અતિક્રમિષ્યતિ વા નૈતત્સ્થાનં વિદ્યતે । તત્ કસ્ય હેતોઃ । અભેદ્યા હ્યેતે આનંદ વસુધારાધારિણીમન્ત્રા ન વૈતે ક્ષીણકુશલમૂલાનાં સત્ત્વાનાં શ્રુતિપથ[મપ્યા]ગમિષ્યન્તિ કઃ પુનર્વાદો પુસ્તકગતામપિ કૃત્વા ગૃહે ( વ્ધ્-જ્_44 ) ધારયિષ્યન્તિ । તત્ કસ્ય હેતોઃ । સર્વતથાગતાનાં હ્યેતદ્ વાક્યં સર્વતથાગતૈરેષા ધારિણી ભાષિતા અધિષ્ઠિતા સ્વમુદ્રિકયા મુદ્રિતા પ્રભાવિતા પ્રકાશિતા પ્રકીર્તિતા અનુમોદિતા પ્રશસ્તા સંવર્તિતા વિવૃતોત્તાનીકૃતા આરોચિતા સ્વાખ્યાતા સુનિર્દિષ્ટા ચ સર્વસત્ત્વાનાં દરિદ્રાણાં નાનાવ્યાધિપરિપીડિતાનાં સર્વદુષ્ટભયોપદ્રવાણાં ચાર્થાયેતિ ।
આનન્દ આહ । ઉદ્ગૃહીતા મે ભગવન્નિયં વસુધારા નામ ધારિણી ધારિતા વાચિતા ગ્રાહિતા દેશિતા પ્રવર્ત્તિતા પ્રકીર્તિતા અનુમોદિતા મનસા સુપરિચિંતિતા ।
અથ ખલ્વાયુષ્માન્ આનંદ ઉત્થાયાસનાદેકાંસમુત્તરાસંગં કૃત્વા દક્ષિણજાનુમણ્ડલં પૃથિવ્યાં પ્રતિષ્ઠાપ્ય યેન ભગવાંસ્તેનાંજલિં પ્રણમ્ય તસ્યાં વેલાયાં કૃતકરપુટો ભૂત્વા ઇદમુદાનયતિ સ્મ ।
અચિંતિયો ભગવાન્ બુદ્ધો બુદ્ધધર્મો ઽપ્યચિંતય ।
અચિંતયો હિ ઽત્ર સત્તાનાં વિપાકશ્ચાપ્યચિંતય ॥
શાસ્ત્રાય નેહિ સર્વજ્ઞ જરામરણપારગ ।
ધર્મરાજ ફલપ્રાપ્તા બુદ્ધવીરં નમો ઽસ્તુ તે ॥
અથ ખલ્વાયુષ્માન્ આનંદો હૃષ્ટ તુષ્ટ આત્તમના પ્રમુદિતા પ્રીતિસૌમનસ્યજાતો ભગવન્તમેતદવોચત્ । કો નામ ભગવન્ ધર્મપર્યાયઃ કશ્ચેમાં ધારયામિ । ભગવાનાહ । તેન હિ ત્વમાનંદ સુચન્દ્રગૃહપતિપરિપૃચ્છેત્યપિ ધારય સર્વધનધાન્યમિત્યપિ ધારય સર્વતથાગતપ્રશરતો વસુધારાધારિણીકલ્પં ઇત્યપિ ધારય ।
ઇદમવોચદ્ ભગવન્નાત્તમના આયુષ્માન્ આનંદસ્તે ચ ભિક્ષવસ્તે ચ બોધિસત્વા સા સર્વાવતી પર્ષદ્ સદેવમાનુષાસુરગન્ધર્વાશ્ચ લોકો ભગવતો ભાષિતમભ્યનંદન્નિતિ ।
ઇત્યાર્યવસુધારાધારિણી સમાપ્તા ॥ છ ॥ છ ॥ છ ॥ સંવત્ 1695 વર્ષે અશ્વન વદિ 7 ભૃગુવાસરે ॥ છ ॥ છ ॥ છ ॥ સાહશ્રી પમનીયાસુત સાહશ્રી ઇન્દ્રજી સુંદર પઠનાર્થે પરોપકારાર્થમ્ ॥ શુભં ભવતુ લેખકપાટકયોઃ ॥ ॥ શ્રી ॥