વૈશેષિકસૂત્ર (અન્ય આવૃત્તિ) · અધ્યાય 9.1

ક્રિયાગુણવ્યપદેશાભાવાત્ પ્રાગસત્

સદસત્

અસતઃ ક્રિયાગુણવ્યપદેશાભાવાદર્થાન્તરમ્

સચ્ચાસત્

યચ્ચાન્યદસદતસ્તદસત્

અસદિતિ ભૂતપ્રત્યક્ષાભાવાત્ ભૂતસ્મૃતેર્વિરોધિપ્રત્યક્ષવત્

તથાભાવે ભાવપ્રત્યક્ષાચ્ચ

એતેનાઘટો ઽગૌરધર્મશ્ચ વ્યાખ્યાતાઃ

અભૂતં નાસ્તીત્યનર્થાન્તરમ્

નાસ્તિ ઘટો ગેહે ઇતિ સતો ઘટસ્ય ગેહસંસર્ગપ્રતિષેધઃ

આત્મન્યાત્મમનસોઃ સંયોગાદાત્મપ્રત્યક્ષમ્

તથા દ્રવ્યાન્તરેષુ પ્રત્યક્ષમ્

અસમાહિતાન્તઃ કરણા ઉપસંહૃતસમાધયસ્તેષાઞ્ચ

તત્સમવાયાત્કર્મગુણેષુ

આત્મસમવાયાદાત્મગુણેષુ