ત્રિસ્કન્ધસૂત્ર · ભાગ 11

આર્યત્રિસ્કન્ધ સૂત્રમ્
તત્રેયં(આપત્તિ) દેશના -
અહમેવંનામા બુદ્ધં શરણં ગચ્છામિ । ધર્મ શરણં ગચ્છામિ । સંઘં શરણં ગચ્છામિ ।
નમઃ (ભગવતે) શાક્યમુનયે તથાગતાયાર્હતે સમ્યક્સંબુદ્ધાય । નમો વજ્ર(સાર)પ્રમર્દિને । નમો રત્નાર્ચિષે । નમો નાગેશ્વરરાજાય । નમો વીરસેનાય । નમો વીરનન્દિને । નમો રત્નાગ્નયે । નમો રત્નચન્દ્રપ્રભાય । નમો ઽમોઘદર્શિને । નમો રત્નચન્દ્રાય । નમો નિર્મલાય । નમઃ શૂરદત્તાય । નમો બ્રહ્મણે । નમો બ્રહ્મદત્તાય । નમો વરૂણાય । નમો વરુણદેવાય । નમો ભદ્રશ્રિયે । નમશ્ચન્દનશ્રિયે । નમો ઽનન્તૌજસે । નમઃ પ્રભાસશ્રિયે । નમો ઽશોકશ્રિયે । નમો નારાયણાય । નમઃ કુસુમશ્રિયે । નમો બ્રહ્મજ્યોતિર્વિક્રીડિતાભિજ્ઞાય તથાગતાય । નમઃ પદ્મજ્યોતિર્વિક્રીડિતાભિજ્ઞાય તથાગતાય । નમો ઘનશ્રિયે । નમઃ સ્મૃતિશ્રિયે । નમઃ સુપરિકીર્તિતનામધેયશ્રિયે । નમ ઇન્દ્રકેતુધ્વજરાજાય । નમઃ સુવિક્રાન્તશ્રિયે । નમઃ સુવિજિતસંગ્રામાય ।
નમો વિક્રાન્તગામિને । નમઃ સમન્તાવભાસવ્યૂહશ્રિયે । નમો રત્નપદ્મવિક્રામિણે । નમો રત્નપદ્મસુપ્રતિષ્ઠિતશૈલેન્દ્રરાજાય તથાગતાયાર્હતે સમ્યક્સંબુદ્ધાય ।
એવંપ્રમુખા યાવન્તઃ દશદિક્ષુ સર્વલોકધાતુષુ તથાગતાઅર્હન્તઃ સમ્યક્સંબુદ્ધાસ્તિષ્ઠન્તિ ધ્રિયન્તે યાપયન્તિ, તે માં સમન્વાહરન્તુ બુદ્ધા ભગવન્તઃ । યન્મયા અસ્યાં જાતૌ અન્યાસુ વા જાતિષુ અનવરાગ્રે જાતિસંસારે સંસરતા પાપકં કર્મ કૃતં સ્યાત્કારિતં વા ક્રિયમાણં વા અનુમોદિતં ભવેત્, સ્તૌપિકં વા સાંઘિકં વા દ્રવ્યમપહૃતં સ્યાત્, હારિતં વા હ્રિયમાણં વા અનુમોદિતં ભવેત્ । પન્ચાનન્તર્યાણિ કૃતાનિ સ્યુઃ કારિતાનિ વા ક્રિયમાણાનિ વા અનુમોદિતાનિ ભવેયુઃ । દશાકુશલાન્ કર્મપથાન્ સમાદાય વર્તિતં સ્યાત્, પરે વા સમાદાપિતાઃ સ્યુર્વર્તમાના વા અનુમોદિતા ભવેયુર્યેન કર્માવરણેનાવૃતો ઽહં નિરયં વા ગચ્છેયં તિર્યગ્યોનિં વા યમવિષયં વા ગચ્છેયં પ્રત્યન્તજનપદેષુ મ્લેચ્છેષુ વા પ્રત્યાજાયેયં દીર્ઘાયુષ્કેષુ દેવેષૂપપદ્યેયમિન્દ્રિયવિકલતાં વાધિગચ્છેયંમિથ્યાદૃષ્ટિં વોપગૃહ્ણીયાં બુદ્ધોત્પાદં વા વિરાગયેયમ્, તત્સર્વંકર્માવરણં તેષાં બુદ્ધાનાં ભગવતાં જ્ઞાનભૂતાનાં ચક્ષુર્ભૂતાનાં સાક્ષિભૂતાનાં પ્રમાણભૂતાનાં જાનતાં પશ્યતમગ્રતઃ પ્રતિદેશયામિ, આવિષ્કરોમિ ન પ્રતિચ્છાદયામિ, આયત્યાં સંવરમાપદ્યે ।
સમન્વાહરન્તુ માં તે બુદ્ધા ભગવન્તો યન્મયા અસ્યાં જાતાવન્યાસુ વા જાતિષ્વનવરાગ્રે વા જાતિસંસારે સંસરતા દાનં દત્તં ભવેદન્તશસ્તિર્યગ્યોનિગતાયાપ્યાલોપઃ, શીલં વા રક્ષિતં ભવેદ્ યચ્ચ મે બ્રહ્મચર્યવાસકુશલમૂલમ્, યચ્ચ મે સત્ત્વપરિપાકકુશલમૂલમ્, યચ્ચ મે બોધિચિત્તકુશલમ્, યચ્ચ મે ઽનુત્તરજ્ઞાનકુશલમૂલમ્, તત્સર્વમૈકધ્યં પિણ્ડયિત્વા તુલયિત્વા અભિસંક્ષિપ્ય અનુત્તરાયાં સમ્યક્સંબોધૌ ઉત્તરોત્તરયા (ગુરુગુરૂણા) પરિણામનયા, યથા પરિણામિતમતીતૈર્બુદ્ધૈર્ભગવભ્દિર્યથા પરિણામયિષ્યન્ત્યનાગતા બુદ્ધા ભગવન્તઃ, યથા પરિણામયન્તિ એતર્હિ દશસુ દિક્ષુ પ્રત્યુત્પન્ના બુદ્ધા ભગવન્તઃ તથા હમપિ પરિણામયામિ ।
સર્વ પાપં પ્રતિદેશયામિ । સર્વં પુણ્યમનુમોદયામિ । સર્વાન્ બુદ્ધાનધ્યેષ્યામિ । ભવતુ મે જ્ઞાનમનુત્તરમ્ ॥
યે ચાભ્યતીતાસ્તથપિ ચ યે અનાગતા યે ચાપિ તિષ્ઠન્તિ નરોત્તમા જિનાઃ । અનન્તવર્ણાન્ ગુણસાગરોપમાનુપૈમિ સર્વાન્ શરણં કૃતાઞ્જલિઃ ॥
॥ સમાપ્તમ્ ॥
(આર્યત્રિસ્કન્ધમહાયાનસૂત્રં સમાપ્તમ્)