સુખાવતીવ્યૂહ, સંક્ષિપ્તમાતૃકા · શ્લોક 1-20

રેfએરેન્ચે સ્ય્સ્તેમ્ (અદ્દેદ્):
સુખ્સ્_ = સુખાવતીવ્યૂહ: સંક્ષિપ્તમાતૃકા_સેચ્તિઓન્
વૈદ્ય ન્ = પગિનતિઓન્ ઓf પ્.લ્. વૈદ્યઽસ્ એદિતિઓન્ (અદ્દેદ્ બ્ય્ ક્લૌસ્ wઇલ્લે)
નોતે: wહેરે અ પગે બ્રેઅક્ ઓચ્ચુર્સ્ wઇથિન્ અ wઓર્દ્, થે પગિનતિઓન્ મર્ક્ હસ્ બેએન્
સ્હિfતેદ્ તો થે એન્દ્ ઓf થે wઓર્દ્ ઇન્ ઓર્દેર્ નોત્ તો ઇન્તેર્fએરે wઇથ્ wઓર્દ્ સેઅર્છ્.
(#વૈદ્ય 254#)
#સુખાવતીવ્યૂહઃ ।# (સંક્ષિપ્તમાતૃકા ।)
॥ નમઃ સર્વજ્ઞાય ॥
એવં મયા શ્રુતમ્ । એકસ્મિન્ સમયે ભગવાન્ શ્રાવસ્ત્યાં વિહરતિ સ્મ જેતવને ઽનાથપિણ્ડદસ્યારામે મહતા ભિક્ષુસંઘેન સાર્ધમર્ધત્રયોદશભિર્ભિક્ષુશતૈરભિજ્ઞાતાભિજ્ઞાતૈઃ સ્થવિરૈર્મહાશ્રાવકૈઃ સર્વૈરર્હદ્ભિઃ । તદ્યથા - સ્થવિરેણ ચ શારિપુત્રેણ, મહામૌદ્ગલ્યાયનેન ચ મહાકાશ્યપેન ચ મહાકપ્ફિણેન ચ મહાકાત્યાયનેન ચ મહાકૌષ્ઠિલેન ચ રેવતેન ચ શુદ્ધિપન્થકેન ચ નન્દેન ચ આનન્દેન ચ રાહુલેન ચ ગવાંપતિના ચ ભરદ્વાજેન ચ કાલોદયિના ચ વક્કુલેન ચ અનિરુદ્ધેન ચ । એતૈશ્ચાન્યૈશ્ચ સંબહુલૈર્મહાશ્રાવકૈઃ । સંબહુલૈશ્ચ બોધિસત્ત્વૈર્મહાસત્ત્વૈઃ । તદ્યથા મઞ્જુશ્રિયા ચ કુમારભૂતેન, અજિતેન ચ બોધિસત્ત્વેન, ગન્ધહસ્તિના ચ બોધિસત્ત્વેન, નિત્યોદ્યુક્તેન ચ બોધિસત્ત્વેન, અનિક્ષિપ્તધુરેણ ચ બોધિસત્ત્વેન । એતૈશ્ચાન્યૈશ્ચ સંબહુલૈર્બોધિસત્ત્વૈર્મહાસત્ત્વૈઃ । શક્રેણ ચ દેવાનામિન્દ્રેણ, બ્રહ્મણા ચ સહાંપતિના । એતૈશ્વાન્યૈશ્ચ સંબહુલૈર્દેવપુત્રનયુતશતસહસ્રૈઃ

તત્ર ખલુ ભગવાનાયુષ્મન્તં શારિપુત્રમામન્ત્રયતિ સ્મ - અસ્તિ શારિપુત્ર પશ્ચિમે દિગ્ભાગે ઇતો બુદ્ધક્ષેત્રં કોટિશતસહસ્રં બુદ્ધાક્ષેત્રાણામતિક્રમ્ય સુખાવતી નામ લોકધાતુઃ । તત્ર અમિતાયુર્નામ તથાગતો ઽર્હન્ સમ્યક્સંબુદ્ધ એતર્હિ તિષ્ઠતિ ધ્રિયતે યાપયતિ, ધર્મં ચ દેશયતિ તત્કિં મન્યસે શારિપુત્ર કેન કારણેન સા લોકધાતુઃ સુખાવતીત્યુચ્યતે? તત્ર ખલુ પુનઃ શારિપુત્ર સુખાવત્યાં લોકધાતૌ નાસ્તિ સત્ત્વાનાં કાયદુઃખં ન ચિત્તદુઃખમ્ । અપ્રમાણાન્યેવ સુખકારણાનિ । તેન કારણેન સા લોકધાતુઃ સુખાવતીત્યુચ્યતે

પુનરપરં શારિપુત્ર સુખાવતી લોકધાતુઃ સપ્તભિર્વેદિકાભિઃ સપ્તભિસ્તાલપઙ્ક્તિભિઃ કિઙ્કિણીજાલૈશ્ચ સમલંકૃતા સમન્તતો ઽનુપતિક્ષિપ્તા ચિત્રા દર્શનીયા ચતુર્ણાં રત્નાનામ્ । તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રમ્

પુનરપરં શારિપુત્ર સુખાવત્યાં લોકધાતૌ સપ્તરત્નમય્યઃ પુષ્કરિણ્યઃ - તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય લોહિતમુક્તસ્ય અશ્મગર્ભસ્ય મુસારગલ્વસ્ય સપ્તમસ્ય રત્નસ્ય । અષ્ટાઙ્ગોપેતવારિપરિપૂર્ણાઃ સમતીર્થકાઃ કાકપેયા સુવર્ણવાલુકાસંસ્તૃતાઃ । તાસુ ચ પુષ્કરિણીષુ સમન્તાચ્ચતુર્દિશં ચત્વારિ સોપાનાનિ ચિત્રાણિ દર્શનીયાનિ ચતુર્ણાં રત્નાનામ્ - તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય । તાસાં ચ પુષ્કરિણીનાં સમન્તાદ્રત્નવૃક્ષા જાતાશ્ચિત્રા દર્શનીયાઃ સપ્તાનાં રત્નાનામ્ - તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય લોહિતમુક્તસ્યાશ્મગર્ભસ્ય મુસારગલ્વસ્ય સપ્તમસ્ય રત્નસ્ય । તાસુ ચ પુષ્કરિણીષુ સન્તિ પદ્માનિ જાતાનિ નીલાનિ નીલવર્ણાનિ નીલનિર્ભાસાનિ નીલનિદર્શનાનિ । પીતાનિ પીતવર્ણાનિ પીતનિર્ભાસાનિ પીતનિદર્શનાનિ । લોહિતાનિ લોહિતવર્ણાનિ લોહિતનિર્ભાસાનિ લોહિતનિદર્શનાનિ । (#સુખ્સ્, વૈદ્ય 255#) અવદાતાનિ અવદાતવર્ણાનિ અવદાતનિર્ભાસાનિ અવદાતનિદર્શનાનિ । ચિત્રાણિ ચિત્રવર્ણાનિ ચિત્રનિર્ભાસાનિ ચિત્રનિદર્શનાનિ શકટચક્રપ્રમાણપરિણાહાનિ । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રમ્

પુનરપરં શારિપુત્ર તત્ર બુદ્ધક્ષેત્રે નિત્યપ્રવાદિતાનિ દિવ્યાનિ તૂર્યાણિ । સુવર્ણવર્ણા ચ મહાપૃથિવી રમણીયા । તત્ર ચ બુદ્ધક્ષેત્રે ત્રિષ્કૃત્વો રાત્રૌ ત્રિષ્કૃત્વો દિવસસ્ય પુષ્પવર્ષં પ્રવર્ષતિ દિવ્યાનાં માન્દારવપુષ્પાણામ્ । તત્ર યે સત્ત્વા ઉપપન્નાસ્તે એકેન પુરોભક્તેન કોટિશતસહસ્રં બુદ્ધાનાં વન્દન્તિ અન્યાંલ્લોકધાતૂન્ ગત્વા । એકૈકં ચ તથાગતં કોટિશતસહસ્રાભિઃ પુષ્પવૃષ્ટિભિરભ્યવકીર્ય પુનરપિ તામેવ લોકધાતુમાગચ્છન્તિ દિવાવિહારાય । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રમ્

પુનરપરં શારિપુત્ર તત્ર બુદ્ધક્ષેત્રે સન્તિ હંસાઃ ક્રૌઞ્ચા મયૂરાશ્ચ । તે ત્રિષ્કૃત્વો રાત્રો ત્રિષ્કૃત્વો દિવસસ્ય સંનિપત્ય સંગીતિં કુર્વન્તિ સ્મ, સ્વકસ્વકાનિ ચ રુતાનિ પ્રવ્યાહરન્તિ । તેષાં પ્રવ્યાહરતામિન્દ્રિયબલબોધ્યઙ્ગશબ્દો નિશ્ચરતિ । તત્ર તેષાં મનુષ્યાણાં તં શબ્દં શ્રુત્વા બુદ્ધમનસિકાર ઉત્પદ્યતે, ધર્મમનસિકાર ઉત્પદ્યતે, સંઘમનસિકાર ઉત્પદ્યતે । તત્કિં મન્યસે શારિપુત્ર તિર્યગ્યોનિગતાસ્તે સત્ત્વાઃ? ન પુનરેવં દ્રષ્ટ્વ્યમ્ । તત્કસ્માદ્ધેતોઃ? નામાપિ શારિપુત્ર તત્ર બુદ્ધક્ષેત્રે નિરયાણાં નાસ્તિ, તિર્યગ્યોનીનાં યમલોકસ્ય નાસ્તિ । તે પુનઃ પક્ષિસંઘાસ્તેનામિતાયુષા તથાગતેન નિર્મિતા ધર્મશબ્દં નિશ્ચારયન્તિ । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રમ્

પુનરપરં શારિપુત્ર તત્ર બુદ્ધક્ષેત્રે તાસાં ચ તાલપઙ્ક્તીનાં તેષાં ચ કિઙ્કિણીજાલાનાં વાતેરિતાનાં વલ્ગુર્મનોજ્ઞઃ શબ્દો નિશ્ચરતિ - તદ્યથાપિ નામ શારિપુત્ર કોટિશતસહસ્રાઙ્ગિકસ્ય દિવ્યસ્ય તૂર્યસ્ય ચાર્યૈઃ સંપ્રવાદિતસ્ય વલ્ગુર્મનોજ્ઞઃ શબ્દો નિશ્ચરતિ, એવમેવ શારિપુત્ર તાસાં ચ તાલપઙ્ક્તીનાં તેષાં ચ કિઙ્કિણીજાલાનાં વાતેરિતાનાં વલ્ગુર્મનોજ્ઞઃ શબ્દો નિશ્ચરતિ । તત્ર તેષાં મનુષ્યાણાં તં શબ્દં શ્રુત્વા બુદ્ધાનુસ્મૃતિઃ કાયે સંતિષ્ઠતિ, ધર્માનુસ્મૃતિઃ કાયે સંતિષ્ઠતિ, સંઘાનુસ્મૃતિઃ કાયે સંતિષ્ઠતિ । એવરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રમ્

તત્કિં મન્યસે શારિપુત્ર કેન કારણેન સ તથાગતો ઽમિતાયુર્નામોચ્યતે? તસ્ય ખલુ પુનઃ શારિપુત્ર તથાગતસ્ય તેષાં ચ મનુષ્યાણામપરિમિતમાયુઃપ્રમાણમ્ । તેન કારણેન સ તથાગતો ઽમિતાયુર્નામોચ્યતે । તસ્ય ચ શારિપુત્ર તથાગતસ્ય દશ કલ્પા અનુત્તરાં સમ્યક્સંબોધિમભિસંબુદ્ધસ્ય

તત્કિં મન્યસે શારિપુત્ર કેન કારણેન સ તથાગતો ઽમિતાભો નામોચ્યતે? તસ્ય ખલુ પુનઃ શારિપુત્ર તથાગતસ્યાભા અપ્રતિહતા સર્વબુદ્ધક્ષેત્રેષુ । તેન કારણેન સ તથાગતો ઽમિતાભો નામોચ્યતે । તસ્ય ચ શારિપુત્ર તથાગતસ્યાપ્રમેયઃ શ્રાવકસંઘો યેષાં ન સુકરઃ પ્રમાણમાખ્યાતુઃ શુદ્ધાનામર્હતામ્ । એવઃરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલઃકૃતઃ તદ્બુદ્ધક્ષેત્રમ્

પુનરપરં શારિપુત્ર યે અમિતાયુષસ્તથાગતસ્ય બુદ્ધક્ષેત્રે સત્ત્વા ઉપપન્નાઃ શુદ્ધા બોધિસત્ત્વા અવિનિવર્તનીયા એકજાતિપ્રતિબદ્ધાસ્તેષાં શારિપુત્ર બોધિસત્ત્વાનાં ન સુકરં પ્રમાણ#મા#ખ્યાતુમન્યત્રાપ્રમેયાસંખ્યેયા (#સુખ્સ્, વૈદ્ય 256#) ઇતિ ગચ્છન્તિ । તત્ર ખલુ પુનઃ શારિપુત્ર બુદ્ધક્ષેત્રે સત્ત્વૈઃ પ્રણિધાનં કર્તવ્યમ્ । તત્કસ્માદ્ધેતોઃ? યત્ર હિ નામ તથારૂપૈઃ સત્પુરુષૈઃ સહ સમવધાનં ભવતિ । નાવરમાત્રકેણ શારિપુત્ર કુશલમૂલેન અમિતાયુષસ્તથાગતસ્ય બુદ્ધક્ષેત્રે સત્ત્વા ઉપપદ્યન્તે । યઃ કશ્ચિચ્છારિપુત્ર કુલપુત્રો વા કુલદુહિતા વા તસ્ય ભગવતો ઽમિતાયુષસ્તથાગતસ્ય નામધેયં શ્રોષ્યતિ, શ્રુત્વા ચ મનસિકરિષ્યતિ, એકરાત્રં વા દ્વિરાત્રં વા ત્રિરાત્રં વા ચતૂરાત્રં વા પઞ્ચરાત્રં વા ષડ્રાત્રં વા સપ્તરાત્રં વાવિક્ષિપ્તચિત્તો મનસિકરિષ્યતિ, યદા સ કુલપુત્રો વા કુલદુહિતા વા કાલં કરિષ્યતિ, તસ્ય કાલં કુર્વતઃ સો ઽમિતાયુસ્તથાગતઃ શ્રાવકસંઘપરિવૃતો બોધિસત્ત્વગુણપુરસ્કૃતઃ પુરતઃ સ્થાસ્યતિ । સો ઽવિપર્યસ્તચિત્તઃ કાલં કરિષ્યતિ ચ । સ કાલં કૃત્વા તસ્યૈવામિતાયુષસ્તથાગતસ્ય બુદ્ધક્ષેત્રે સુખાવત્યાં લોકધાતાવુપપત્સ્યતે । તસ્માત્તર્હિ શારિપુત્ર ઇદમર્થવશં સંપશ્યમાન એવ વદામિ - સત્કૃત્ય કુલપુત્રેણ વા કુલદુહિત્રા વા તત્ર બુદ્ધક્ષેત્રે ચિત્તપ્રણિધાનં કર્તવ્યમ્

તદ્યથાપિ નામ શારિપુત્ર અહમેતર્હિ તાં પરિકીર્તયામિ, એવમેવ શારિપુત્ર પૂર્વસ્યાં દિશિ અક્ષોભ્યો નામ તથાગતો મેરુધ્વજો નામ તથાગતો મહામેરુર્નામ તથાગતો મેરુપ્રભાસો નામ તથાગતો મઞ્જુધ્વજો નામ તથાગતઃ । એવંપ્રમુખાઃ શારિપુત્ર પૂર્વસ્યાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

એવં દક્ષિણસ્યાં દિશિ ચન્દ્રસૂર્યપ્રદીપો નામ તથાગતો યશઃપ્રભો નામ તથાગતો મહાર્ચિઃસ્કન્ધો નામ તથાગતો મેરુપ્રદીપો નામ તથાગતો ઽનન્તવીર્યો નામ તથાગતઃ । એવંપ્રમુખાઃ શારિપુત્ર દક્ષિણસ્યાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

એવં પશ્ચિમાયાં દિશિ અમિતાયુર્નામ તથાગતો ઽમિતસ્કન્ધો નામ તથાગતો ઽમિતધ્વજો નામ તથાગતો મહાપ્રભો નામ તથાગતો મહારત્નકેતુર્નામ તથાગતઃ શુદ્ધરશ્મિપ્રભો નામ તથાગતઃ । એવંપ્રમુખાઃ શારિપુત્ર પશ્ચિમાયાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

એવમુત્તરાયાં દિશિ મહાર્ચિઃસ્કન્ધો નામ તથાગતો વૈશ્વાનરનિર્ઘોષો નામ તથાગતો દુન્દુભિસ્વરનિર્ઘોષો નામ તથાગતો દુષ્પ્રધર્ષો નામ તથાગતઃ આદિત્યસંભવો નામ તથાગતો જલેનિપ્રભો નામ તથાગતઃ પ્રભાકરો નામ તથાગતઃ । એવંપ્રમુખાઃ શારિપુત્ર ઉત્તરાયાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

(#સુખ્સ્, વૈદ્ય 257#) એવમધસ્તાયાં દિશિ સિંહો નામ તથાગતો યશો નામ તથાગતો યશઃપ્રભાસો નામ તથાગતો ધર્મો નામ તથાગતો ધર્મધરો નામ તથાગતો ધર્મધ્વજો નામ તથાગતઃ । એવંપ્રમુખાઃ શારિપુત્ર અધસ્તાયાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂઇયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

એવમુપરિષ્ઠાયાં દિશિ બ્રહ્મઘોષો નામ તથાગતો નક્ષત્રરાજો નામ તથાગત ઇન્દ્રકેતુધ્વજરાજો નામ તથાગતો ગન્ધોત્તમો નામ તથાગતો ગન્ધપ્રભાસો નામ તથાગતો મહાર્ચિસ્કન્ધો નામ તથાગતો રત્નકુસુમસંપુષ્પિતગાત્રો નામ તથાગતઃ સાલેન્દ્રરાજો નામ તથાગતો રત્નોત્પલશ્રીર્નામ તથાગતઃ સર્વાર્થદર્શી નામ તથાગતઃ સુમેરુકલ્પો નામ તથાગતઃ । એવંપ્રમુખાઃ શારિપુત્ર ઉપરિષ્ઠાયાં દિશિ ગઙ્ગાનદીવાલુકોપમા બુદ્ધા ભગવન્તઃ સ્વકસ્વકાનિ બુદ્ધક્ષેત્રાણિ જિહ્વેન્દ્રિયેણ સંછાદયિત્વા નિર્વેઠનં કુર્વન્તિ । પ્રતીયથ યૂયમિદમચિન્ત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયમ્

તત્કિં મન્યસે શારિપુત્ર કેન કારણેનાયં ધર્મપર્યાયઃ સર્વબુદ્ધપરિગ્રહો નામોચ્યતે? યે કેચિચ્છારિપુત્ર કુલપુત્ર વા કુલદુહિતરો વા અસ્ય ધર્મપર્યાયસ્ય નામધેયં શ્રોષ્યન્તિ, તેષાં વ બુદ્ધાનાં ભગવતાં નામધેયં ધારયિષ્યન્તિ, સર્વે તે બુદ્ધપરિગૃહીતા ભવિષ્યન્તિ, અવિનિવર્તનીયાશ્ચ ભવિષ્યન્તિ અનુત્તરાયાં સમ્યક્સમ્બોધૌ । તસ્માત્તર્હિ શારિપુત્ર શ્રદ્દધાધ્વં પ્રતીયથ મા કાઙ્ક્ષયથ મમ ચ તેષાં ચ બુદ્ધાનાં ભગવતામ્ । યે કેચિચ્છારિપુત્ર કુલપુત્રા વા કુલદુહિતરો વા તસ્ય ભગવતો ઽમિતાયુષસ્તથાગતસ્ય બુદ્ધક્ષેત્રે ચિત્તપ્રણિધાનં કરિષ્યન્તિ, કૃતં વા કુર્વન્તિ વા, સર્વે તે ઽવિનિવર્તનીયા ભવિષ્યન્ત્યનુત્તરાયાં સમ્યક્સંબોધૌ । તત્ર ચ બુદ્ધક્ષેત્ર ઉપપત્સ્યન્તિ, ઉપપન્ના વા ઉપપદ્યન્તિ વા । તસ્માત્તર્હિ શારિપુત્ર શ્રાદ્ધૈઃ કુલપુત્રૈઃ કુલદુહિતૃભિશ્ચ તત્ર બુદ્ધક્ષેત્રે ચિત્તપ્રણિધિરુત્પાદયિતવ્યઃ

તદ્યથાપિ નામ શારિપુત્ર અહમેતર્હિ તેષાં બુદ્ધાનાં ભગવતામેવમચિન્ત્યગુણાન્ પરિકીર્તયામિ, એવમેવ શારિપુત્ર મમાપિ તે બુદ્ધા ભગવન્ત એવમચિન્ત્યગુણાન્ પરિકીર્તયન્તિ । સુદુષ્કરં ભગવતાં શાક્યમુનિના શાક્યાધિરાજેન કૃતમ્ । સહાયાં લોકધાતાવનુત્તરાં સમ્યક્સંબોધિમભિસંબુધ્ય સર્વલોકવિપ્રત્યયનીયો ધર્મો દેશિતઃ કલ્પકષાયે સત્ત્વકષાયે દૃષ્ટિકષાય આયુષ્કષાયે ક્લેશકષાયે

તન્મમાપિ શારિપુત્ર પરમદુષ્કરં યન્મયા સહાયાં લોકધાતાવનુત્તરાં સમ્યક્સંબોધિમભિસંબુધ્ય સર્વલોકવિપ્રત્યયનીયો ધર્મો દેશિતઃ સત્ત્વકષાયે દૃષ્ટિકષાયે ક્લેશકષાય આયુષ્કષાયે કલ્પકષાયે

ઇદમવોચદ્ભગવાનાત્તમનાઃ । આયુષ્માન્ શારિપુત્રસ્તે ચ ભિક્ષવસ્તે ચ બોધિસત્ત્વાઃ સદેવમાનુષાસુરગન્ધર્વશ્ચ લોકો ભગવતો ભાષિતમભ્યનન્દન્