શ્રીમદાઞ્જનેયાષ્ટોત્તરશતનામસ્તોત્રમ્ કાલિકારહસ્યતઃ · અધ્યાય 1

॥ શ્રીમદાઞ્જનેયાષ્ટોત્તરશતનામસ્તોત્રમ્ કાલિકારહસ્યતઃ ॥
આઞ્જનેયો મહાવીરો હનુમાન્મારુતાત્મજઃ ।
તત્વજ્ઞાનપ્રદઃ સીતાદેવીમુદ્રાપ્રદાયકઃ

અશોકવનિકાચ્છેત્તા સર્વમાયાવિભઞ્જનઃ ।
સર્વબન્ધવિમોક્તા ચ રક્ષોવિધ્વંસકારકઃ

પરવિદ્યાપરીહારઃ પરશૌર્યવિનાશનઃ ।
પરમન્ત્રનિરાકર્તા પરયન્ત્રપ્રભેદકઃ

સર્વગ્રહવિનાશી ચ ભીમસેનસહાયકૃત્ ।
સર્વદુઃખહરઃ સર્વલોકચારી મનોજવઃ

પારિજાતદ્રુમૂલસ્થઃ સર્વમન્ત્રસ્વરૂપવાન્ ।
સર્વતન્ત્રસ્વરૂપી ચ સર્વયન્ત્રાત્મકસ્તથા

કપીશ્વરો મહાકાયઃ સર્વરોગહરઃ પ્રભુઃ ।
બલસિદ્ધિકરઃ સર્વવિદ્યાસમ્પત્પ્રદાયકઃ

કપિસેનાનાયકશ્ચ ભવિષ્યચ્ચતુરાનનઃ ।
કુમારબ્રહ્મચારી ચ રત્નકુણ્ડલદીપ્તિમાન્

સઞ્ચલદ્વાલસન્નદ્ધલમ્બમાનશિખોજ્જ્વલઃ ।
ગન્ધર્વવિદ્યાતત્ત્વજ્ઞો મહાબલપરાક્રમઃ

કારાગૃહવિમોક્તા ચ શૃઙ્ખલાબન્ધમોચકઃ ।
સાગરોત્તારકઃ પ્રાજ્ઞો રામદૂતઃ પ્રતાપવાન્

વાનરઃ કેસરિસુતઃ સીતાશોકનિવારકઃ ।
અઞ્જનાગર્ભસમ્ભૂતો બાલાર્કસદૃશાનનઃ

વિભીષણપ્રિયકરો દશગ્રીવકુલાન્તકઃ ।
લક્ષ્મણપ્રાણદાતા ચ વજ્રકાયો મહાદ્યુતિઃ

ચિરઞ્જીવી રામભક્તો દૈત્યકાર્યવિઘાતકઃ ।
અક્ષહન્તા કાઞ્ચનાભઃ પઞ્ચવક્ત્રો મહાતપાઃ

લઙ્કિણીભઞ્જનઃ શ્રીમાન્ સિંહિકાપ્રાણભઞ્જનઃ ।
ગન્ધમાદનશૈલસ્થો લઙ્કાપુરવિદાહકઃ

સુગ્રીવસચિવો ધીરઃ શૂરો દૈત્યકુલાન્તકઃ ।
સુરાર્ચિતો મહાતેજા રામચૂડામણિપ્રદઃ

કામરૂપી પિઙ્ગલાક્ષો વાર્ધિમૈનાકપૂજિતઃ ।
કબલીકૃતમાર્તણ્ડમણ્ડલો વિજિતેન્દિર્યઃ

રામસુગ્રીવસન્ધાતા મહારાવણમર્દનઃ ।
સ્ફટિકાભો વાગધીશો નવવ્યાકૃતિપણ્ડિતઃ

ચતુર્બાહુર્દીનબન્ધુર્મહાત્મા ભક્તવત્સલઃ ।
સઞ્જીવનનગાહર્તા શુચિર્વાગ્મી દૃઢવ્રતઃ

કાલનેમિપ્રમથનો હરિમર્કટમર્કટઃ ।
દાન્તઃ શાન્તઃ પ્રસન્નાત્મા શતકણ્ઠમદાપહૃત્

યોગી રામકથાલોલઃ સીતાન્વેષણપણ્ડિતઃ ।
વજ્રદંષ્ટ્રો વજ્રનખો રુદ્રવીર્યસમુદ્ભવઃ

ઇન્દ્રજિત્પ્રહિતામોઘબ્રહ્માસ્ત્રવિનિવારકઃ ।
પાર્થધ્વજાગ્રસંવાસી શરપઞ્જરભેદકઃ

દશબાહુલોર્કપૂજ્યો જામ્બવત્પ્રીતિ વર્ધનઃ ।
સીતાસમેત શ્રીરામભદ્રપૂજાધુરન્ધરઃ

ઇત્યેવં શ્રીહનુમતો નામ્નામષ્ટોત્તરં શતમ્ ॥
યઃ પઠેચ્છૃણુયાન્નિત્યં સર્વાન્કામાનવાપ્નુયાત્

॥ ઇતિ શ્રીમદાઞ્જનેયાષ્ટોત્તરશતનામસ્તોત્રં સમ્પૂર્ણમ્ ॥