શ્રીગુર્વષ્ટકમ્ · અધ્યાય 1

શરીરં સુરૂપં તથા વા કલત્રમ્
યશશ્ચારુ ચિત્રં ધનં મેરુ તુલ્યમ્ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

કલત્રં ધનં પુત્ર પૌત્રાદિસર્વમ્
ગૃહે બાન્ધવાઃ સર્વમેતદ્ધિ જાતમ્ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

ષડઙ્ગાદિવેદો મુખે શાસ્ત્રવિદ્યા,
કવિત્વાદિ ગદ્યં સુપદ્યં કરોતિ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

વિદેશેષુ માન્યઃ સ્વદેશેષુ ધન્યઃ,
સદાચારવૃત્તેષુ મત્તો ન ચાન્યઃ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

ક્ષમામણ્ડલે ભૂપભૂપાલબૃન્દૈઃ,
સદા સેવિતં યસ્ય પાદારવિન્દમ્ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

યશો મે ગતં દિક્ષુ દાનપ્રતાપાત્,
જગદ્વસ્તુ સર્વં કરે યત્પ્રસાદાત્ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

ન ભોગે ન યોગે ન વા વાજિરાજૌ,
ન કન્તામુખે નૈવ વિત્તેષુ ચિત્તમ્ ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

અરણ્યે ન વા સ્વસ્ય ગેહે ન કાર્યે,
ન દેહે મનો વર્તતે મે ત્વનર્ધ્યે ।
મનશ્ચેન્ન લગ્નં ગુરોરઙ્ઘ્રિપદ્મે,
તતઃ કિં તતઃ કિં તતઃ કિં તતઃ કિમ્

ગુરોરષ્ટકં યઃ પઠેત્પુણ્યદેહી,
યતિર્ભૂપતિર્બ્રહ્મચારી ચ ગેહી ।
લભેદ્વાચ્છિતાર્થં પદં બ્રહ્મસંજ્ઞં,
ગુરોરુક્તવાક્યે મનો યસ્ય લગ્નમ્