શ્રી સુબ્રહ્મણ્ય ભુજઙ્ગમ્ · અધ્યાય 1

સદા બાલરૂપાઽપિ વિઘ્નાદ્રિહન્ત્રી મહાદન્તિવક્ત્રાઽપિ પઞ્ચાસ્યમાન્યા । વિધીન્દ્રાદિમૃગ્યા ગણેશાભિધા મે વિધત્તાં શ્રિયં કાઽપિ કલ્યાણમૂર્તિઃ

ન જાનામિ શબ્દં ન જાનામિ ચાર્થં ન જાનામિ પદ્યં ન જાનામિ ગદ્યમ્ । ચિદેકા ષડાસ્ય હૃદિ દ્યોતતે મે મુખાન્નિઃસરન્તે ગિરશ્ચાપિ ચિત્રમ્

મયૂરાધિરૂઢં મહાવાક્યગૂઢં મનોહારિદેહં મહચ્ચિત્તગેહમ્ । મહીદેવદેવં મહાવેદભાવં મહાદેવબાલં ભજે લોકપાલમ્

યદા સંનિધાનં ગતા માનવા મે ભવામ્ભોધિપારં ગતાસ્તે તદૈવ । ઇતિ વ્યઞ્જયન્સિન્ધુતીરે ય આસ્તે તમીડે પવિત્રં પરાશક્તિપુત્રમ્

યથાબ્ધેસ્તરઙ્ગા લયં યન્તિ તુઙ્ગા- સ્તથૈવાપદઃ સન્નિધૌ સેવતાં મે । ઇતીવોર્મિપંક્તીર્નૃણાં દર્શયન્તં સદા ભાવયે હૃત્સરોજે ગુહં તમ્

ગિરૌ મન્નિવાસે નરા યેઽધિરૂઢા- સ્તદા પર્વતે રાજતે તેઽધિરૂઢાઃ । ઇતીવ બ્રુવન્ગન્ધશૈલાધિરૂઢઃ સ દેવો મુદે મે સદા ષણ્મુખોઽસ્તુ

મહામ્ભોધિતીરે મહાપાપચોરે મુનિન્દ્રાનુકૂલે સુગન્ધાખ્યશૈલે । ગુહાયાં વસન્તં સ્વભાસા લસન્તં જનાર્તિં હરન્તં શ્રયામો ગુહં તમ્

લસત્સ્વર્ણગેહે નૃણાં કામદોહે સુમસ્તોમસંછન્નમાણિક્યમઞ્ચે । સમુદ્યત્સહસ્રાર્કતુલ્યપ્રકાશં સદા ભાવયે કાર્તિકેયં સુરેશમ્

રણદ્ધંસકે મઞ્જુલેઽત્યન્તશોણે મનોહારિલાવણ્યપીયૂષપૂર્ણે । મનઃષટ્પદો મે ભવક્લેશતપ્તઃ સદા મોદતાં સ્કન્દ તે પાદપદ્મે

સુવર્ણાભદિવ્યામ્બરૈર્ભાસમાનાં ક્વણત્કિઙ્કિણીમેખલાશોભમાનામ્ । લસદ્ધેમપટ્ટેન વિદ્યોતમાનાં કટિં ભાવયે સ્કન્દ તે દીપ્યમાનામ્

પુલિન્દેશકન્યાઘનાભોગતુઙ્ગ- સ્તનાલિઙ્ગનાસક્તકાશ્મીરરાગમ્ । નમસ્યામહં તારકારે તવોરઃ સ્વભક્તાવને સર્વદા સાનુરાગમ્

વિધૌ ક્ળૃપ્તદણ્ડાન્ સ્વલીલાધૃતાણ્ડા- ન્નિરસ્તેભશુણ્ડાન્ દ્વિષત્કાલદણ્ડાન્ । હતેન્દ્રારિષણ્ડાઞ્જગત્રાણશૌણ્ડાન્ સદા તે પ્રચણ્ડાન્ શ્રયે બાહુદણ્ડાન્

સદા શારદાઃ ષણ્મૃગાઙ્કા યદિ સ્યુઃ સમુદ્યન્ત એવ સ્થિતાશ્ચેત્સમન્તાત્ । સદા પૂર્ણબિમ્બાઃ કલઙ્કૈશ્ચ હીના- સ્તદા ત્વન્મુખાનાં બ્રુવે સ્કન્દ સામ્યમ્

સ્ફુરન્મન્દહાસૈઃ સહંસાનિ ચઞ્ચ- ત્કટાક્ષાવલીભૃઙ્ગસંઘોજ્જ્વલાનિ । સુધાસ્યન્દિબિમ્બાધરણીશસૂનો તવાલોકયે ષણ્મુખામ્ભોરુહાણિ

ઇહાયાહિ વત્સેતિ વિશાલેષુ કર્ણાન્તદીર્ઘેષ્વજસ્રં દયાસ્યન્દિષુ દ્વાદશસ્વીક્ષણેષુ । મયીષત્કટાક્ષઃ સકૃત્પાતિતશ્ચે- દ્ભવેત્તે દયાશીલ કા નામ્ હાનિઃ

સુતાઙ્ગોદ્ભવો મેઽસિ જીવેતિ ષડ્ધા જપન્મન્ત્રમીશો મુદા જિઘ્રતે યાન્ । જગદ્ભારભૃદ્ભ્યો જગન્નાથ તેભ્યઃ કિરીટોજ્જ્વલેભ્યો નમો મસ્તકેભ્યઃ

સ્ફુરદ્રત્નકેયૂરહારાભિરામ- શ્ચલત્કુણ્ડલશ્રીલસદ્ગણ્ડભાગઃ । કટૌ પીતવાસઃ કરે ચારુશક્તિઃ પુરસ્તાન્મમાસ્તાં પુરારેસ્તનૂજઃ

હસ્તાન્પ્રસાર્યા- હ્વયત્યાદરાચ્છઙ્કરે માતુરઙ્કાત્ । સમુત્પત્ય તાતં શ્રયન્તં કુમારં હરાશ્લિષ્ટગાત્રં ભજે બાલમૂર્તિમ્

કુમારેશસૂનો ગુહ સ્કન્દ સેના- પતે શક્તિપાણે મયૂરાધિરૂઢ । પુલિન્દાત્મજાકાન્ત ભક્તાર્તિહારિન્ પ્રભો તારકારે સદા રક્ષ માં ત્વમ્

પ્રશાન્તેન્દ્રિયે નષ્ટસંજ્ઞે વિચેષ્ટે કફોદ્ગારિવક્ત્રે ભયોત્કમ્પિગાત્રે । પ્રયાણોન્મુખે મય્યનાથે તદાનીં દ્રુતં મે દયાલો ભવાગ્રે ગુહ ત્વમ્

કૃતાન્તસ્ય દૂતેષુ ચણ્ડેષુ કોપા- દ્દહ ચ્છિન્દ્ધિ ભિન્દ્ધીતિ માં તર્જયત્સુ । મયૂરં સમારુહ્ય મા ભૈરિતિ ત્વં પુરઃ શક્તિપાણિર્મમાયાહિ શીઘ્રમ્

પ્રણમ્યાસકૃત્પાદયોસ્તે પતિત્વા પ્રસાદ્ય પ્રભો પ્રાર્થયેઽનેકવારમ્ । ન વક્તું ક્ષમોઽહં તદાનીં કૃપાબ્ધે ન કાર્યાન્તકાલે મનાગપ્યુપેક્ષા

સહસ્રાણ્ડભોક્તા ત્વયા શૂરનામા હતસ્તારકઃ સિંહવક્ત્રશ્ચ દૈત્યઃ । મમાન્તર્હૃદિસ્થં મનઃક્લેશમેકં ન હંસિ પ્રભો કિં કરોમિ ક્વ યામિ

અહં સર્વદા દુખભારાવસન્નો ભવાન્દીનબન્ધુસ્ત્વદન્યં ન યાચે । ભવદ્ભક્તિરોધં સદા ક્ળૃપ્તબાધં મમાધિં દ્રુતં નાશયોમાસુત ત્વમ્

અપસ્મારકુષ્ટક્ષયાર્શઃ પ્રમેહ- જ્વરોન્માદગુલ્માદિરોગા મહાન્તઃ । પિશાચાશ્ચ સર્વે ભવત્પત્રભૂતિં વિલોક્ય ક્ષણાત્તારકારે દ્રવન્તે

દૃશિ સ્કન્દમૂર્તિઃ શ્રુતૌ સ્કન્દકીર્તિ- ર્મુખે મે પવિત્રં સદા તચ્ચરિત્રમ્ । કરે તસ્ય કૃત્યં વપુસ્તસ્ય ભૃત્યં ગુહે સન્તુ લીના મમાશેષભાવાઃ

મુનીનામુતાહો નૃણાં ભક્તિભાજા- મભીષ્ટપ્રદાઃ સન્તિ સર્વત્ર દેવાઃ । નૃણામન્ત્યજાનામપિ સ્વાર્થદાને ગુહાદ્દેવમન્યં ન જાને ન જાને

કલત્રં સુતા બન્ધુવર્ગઃ પશુર્વા નરો વાથ નારિ ગૃહે યે મદિયાઃ । યજન્તો નમન્તઃ સ્તુવન્તો ભવન્તં સ્મરન્તશ્ચ તે સન્તુ સર્વે કુમાર

મૃગાઃ પક્ષિણો દંશકા યે ચ દુષ્ટા- સ્તથા વ્યાધયો બાધકા યે મદઙ્ગે । ભવચ્છક્તિતીક્ષ્ણાગ્રભિન્નાઃ સુદૂરે વિનશ્યન્તુ તે ચૂર્ણિતક્રૌઞ્જશૈલ

જનિત્રી પિતા ચ સ્વપુત્રાપરાધં સહેતે ન કિં દેવસેનાધિનાથ । અહં ચાતિબાલો ભવાન્ લોકતાતઃ ક્ષમસ્વાપરાધં સમસ્તં મહેશ

નમઃ કેકિને શક્તયે ચાપિ તુભ્યં નમશ્છાગ તુભ્યં નમઃ કુક્કુટાય । નમઃ સિન્ધવે સિન્ધુદેશાય તુભ્યં પુનઃ સ્કન્દમૂર્તે નમસ્તે નમોઽસ્તુ

જયાનન્દભૂમઞ્જયાપારધામ- ઞ્જયામોઘકીર્તે જયાનન્દમૂર્તે । જયાનન્દસિન્ધો જયાશેષબન્ધો જય ત્વં સદા મુક્તિદાનેશસૂનો

ભુજઙ્ગાખ્યવૃત્તેન ક્ળૃપ્તં સ્તવં યઃ પઠેદ્ભક્તિયુક્તો ગુહં સંપ્રણમ્ય । સ પુત્રાન્કલત્રં ધનં દીર્ઘમાયુ- ર્લભેત્સ્કન્દસાયુજ્યમન્તે નરઃ સઃ

॥ ઇતિ શ્રીમચ્છ્કરભગવતઃ કૃતૌ શ્રીસુબ્રહ્મણ્યભુજઙ્ગં સંપૂર્ણમ્॥