સ્મલ્લેર્ સુખાવતીવ્યૂહ · અધ્યાય 1

॥ નમઃ સર્વજ્ઞાય ॥
એવં મયા શ્રુતં । એકસ્મિન્ સમયે ભગવાઞ્ શ્રાવસ્ત્યાં વિહરતિ
સ્મ જેતવને ઽનાથપિંડદસ્યારામે મહતા ભિક્ષુસંઘેન સાર્ધમ્
અર્ધત્રયોદશભિર્
ભિક્ષુશતૈર્ અભિજ્ઞાનાભિજ્ઞાતૈઃ સ્થવિરૈર્ મહાશ્રાવકૈઃ સર્વૈર્ અર્હદ્ભિઃ ।
તદ્યથા સ્થવિરેણ ચ શારિપુત્રેણ મહામૌદ્ગલ્યાયનેન ચ મહાકાશ્યપેન
ચ મહાકપ્ફિણેન ચ મહાકાત્યાયનેન ચ મહાકૌષ્ઠિલેન
ચ રેવતેન ચ શુદ્ધિપંથકેન ચ નંદેન ચાનંદેન ચ રાહુલેન ચ
ગવાંપતિના ચ ભરદ્વાજેન ચ કાલોદયિના ચ વક્કુલેન ચાનિરુદ્ધેન
ચ । એતૈશ્ ચાન્યૈશ્ ચ સંબહુલૈર્ મહાશ્રાવકૈઃ સંબહુલૈશ્ ચ બોધિસત્ત્વૈર્
મહાસત્ત્વૈઃ । તદ્યથા મંજુશ્રિયા ચ કુમારભૂતેનાજિતેન ચ
બોધિસત્ત્વેન ગંધહસ્તિના ચ બોધિસત્ત્વેન નિત્યોદ્યુક્તેન ચ
બોધિસત્ત્વેનાનિક્ષિપ્તધુરેણ
ચ બોધિસત્ત્વેન । એતૈશ્ ચાન્યૈશ્ ચ સંબહુલૈર્ બોધિસત્ત્વૈર્
મહાસત્ત્વૈઃ । શક્રેણ ચ દેવાનામ્ ઇંદ્રેણ બ્રહ્મણા ચ સહાંપતિના ।
એતૈશ્ ચાન્યૈશ્ ચ સંબહુલૈર્ દેવપુત્રનયુતશતસહસ્રૈઃ

પ્--ઓ.93:જ્.196
તત્ર ખલુ ભગવાન્ આયુષ્મંતં શારિપુત્રમ્ આમંત્રયતિ સ્મ । અસ્તિ
શારિપુત્ર પશ્ચિમે દિગ્ભાગ ઇતો બુદ્ધક્ષેત્રં કોટિશતસહસ્રં બુદ્ધક્ષેત્રાણામ્
અતિક્રમ્ય સુખાવતી નામ લોકધાતુઃ । તત્રામિતાયુર્નામ તથાગતો
ઽર્હન્ સમ્યક્સંબુદ્ધ એતર્હિ તિષ્ઠતિ ધ્રિયતે યાપયતિ ધર્મં ચ
દેશયતિ । તત્ કિં મન્યસે શારિપુત્ર કેન કારણેન સા લોકધાતુઃ
સુખાવતીત્ય્ ઉચ્યતે । તત્ર ખલુ પુનઃ શારિપુત્ર સુખાવત્યાં લોકધાતૌ
નાસ્તિ સત્ત્વાનાં કાયદુઃખં ન ચિત્તદુઃખં અપ્રમાણાન્ય્ એવ સુખકારણાનિ ।
તેન કારણેન સા લોકધાતુઃ સુખાવતીત્ય્ ઉચ્યતે

પુનર્ અપરં શારિપુત્ર સુખાવતી લોકધાતુઃ સપ્તભિર્ વેદિકાભિઃ
સપ્તભિસ્ તાલપંક્તિભિઃ કિંકિણીજાલૈશ્ ચ સમલંકૃતા સમંતતો ઽનુપરિક્ષિપ્તા
ચિત્રા દર્શનીયા ચતુર્ણાં રત્નાનાં । તદ્યથા સુવર્ણસ્ય
રૂપ્યસ્ય વૈડૂર્યસ્ય સ્ફટિકસ્ય । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ
સમલંકૃતં તદ્બુદ્ધક્ષેત્રં

પુનર્ અપરં શારિપુત્ર સુખાવત્યાં લોકધાતૌ સપ્તરત્નમય્યઃ પુષ્કરિણ્યઃ ।
તદ્યથા સુવર્ણસ્ય રૂપ્યસ્ય વૈડૂર્યસ્ય સ્ફટિકસ્ય લોહિત-
મુક્તસ્યાશ્મગર્ભસ્ય મુસારગલ્વસ્ય સપ્તમસ્ય રત્નસ્ય । અષ્ટાંગોપેતવારિ-
પરિપૂર્ણાઃ સમતીર્થકાઃ કાકપેયા(1) સુવર્ણવાલુકાસંસ્તૃતાઃ ।
તાસુ ચ પુષ્કરિણીષુ સમંતાચ્ ચતુર્દિશં ચત્વારિ સોપાનાનિ ચિત્રાણિ
દર્શનીયાનિ ચતુર્ણાં રત્નાનાં । તદ્યથા સુવર્ણસ્ય રૂપ્યસ્ય વૈડૂર્યસ્ય
સ્ફટિકસ્ય । તાસાં ચ પુષ્કરિણીનાં સમંતાદ્ રત્નવૃક્ષા જાતાશ્ ચિત્રા
દર્શનીયા સપ્તાનાં રત્નાનાં । તદ્યથા સુવર્ણસ્ય રૂપ્યસ્ય વૈડૂર્યસ્ય
સ્ફટિકસ્ય લોહિતમુક્તસ્યાશ્મગર્ભસ્ય મુસારગલ્વસ્ય સપ્તમસ્ય
પ્--ઓ.94:જ્.198
રત્નસ્ય । તાસુ ચ પુષ્કરિણીષુ સંતિ પદ્માનિ જાતાનિ નીલાનિ
નીલવર્ણાનિ નીલનિર્ભાસાનિ નીલનિદર્શનાનિ । પીતાનિ
પીતવર્ણાનિ પીતનિર્ભાસાનિ પીતનિદર્શનાનિ । લોહિતાનિ
લોહિતવર્ણાનિ લોહિતનિર્ભાસાનિ લોહિતનિદર્શનાનિ । અવદાતાન્ય્
અવદાતવર્ણાન્ય્ અવદાતનિર્ભાસાન્ય્ અવદાતનિદર્શનાનિ । ચિત્રાનિ
ચિત્રવર્ણાનિ ચિત્રનિર્ભાસાનિ ચિત્રનિદર્શનાનિ શકટચક્ર-
પ્રમાણપરિણાહાનિ । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ સમલંકૃતં
તદ્બુદ્ધક્ષેત્રં

પુનર્ અપરં શારિપુત્ર તત્ર બુદ્ધક્ષેત્રે નિત્યપ્રવાદિતાનિ દિવ્યાનિ
તૂર્યાણિ સુવર્ણવર્ણા ચ મહાપૃથિવી રમણીયા । તત્ર ચ બુદ્ધક્ષેત્રે
ત્રિષ્કૃત્વો રાત્રૌ ત્રિષ્કૃત્વો દિવસસ્ય પુષ્પવર્ષં પ્રવર્ષતિ દિવ્યાનાં
માંદારવપુષ્પાણાં । તત્ર યે સત્ત્વા ઉપપન્નાસ્ ત એકેન પુરોભક્તેન
કોટિશતસહસ્રં બુદ્ધાનાં વંદંત્ય્ અન્યાંલ્ લોકધાતૂન્ ગત્વા । એકૈકં ચ
તથાગતં કોટિશતસહસ્રાભિઃ પુષ્પવૃષ્ટિભિર્ અભ્યવકીર્ય પુનર્ અપિ
તામ્ એવ લોકધાતુમ્ આગચ્છંતિ દિવાવિહારાય । એવંરૂપૈઃ શારિપુત્ર
બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રં

પુનર્ અપરં શારિપુત્ર તત્ર બુદ્ધક્ષેત્રે સંતિ હંસાઃ ક્રૈંચા મયૂરાશ્ ચ ।
તે ત્રિષ્કૃત્વો રાત્રૌ ત્રિષ્કૃત્વો દિવસસ્ય સંનિપત્ય સંગીતિં કુર્વંતિ
સ્મ સ્વકસ્વકાનિ ચ રુતાનિ પ્રવ્યાહરંતિ । તેષાં પ્રવ્યાહરતામ્
ઇંદ્રિયબલબોધ્યંગશબ્દો નિશ્ચરતિ । તત્ર તેષાં મનુષ્યાણાં તં શબ્દં
શ્રુત્વા બુદ્ધમનસિકાર ઉત્પદ્યતે ધર્મમનસિકાર ઉત્પદ્યતે સંઘમનસિકાર
ઉત્પદ્યતે ॥ તત્ કિં મન્યસે શારિપુત્ર તિર્યગ્યોનિગતાસ્ તે
પ્--ઓ.95:જ્.200
સત્ત્વાઃ । ન પુનર્ એવં દ્રષ્ટવ્યં । તત્ કસ્માદ્ ધેતોઃ । નામાપિ શારિપુત્ર
તત્ર બુદ્ધક્ષેત્રે નિરયાણાં નાસ્તિ તિર્યગ્યોનીનાં યમલોકસ્ય
નાસ્તિ । તે પુનઃ પક્ષિસંઘાસ્ તેનામિતાયુષા તથાગતેન નિર્મિતા
ધર્મશબ્દં નિશ્ચારયંતિ । એવંરૂપૈઃ શારિપુત્ર બુદ્ધક્ષેત્રગુણવ્યૂહૈઃ
સમલંકૃતં તદ્બુદ્ધક્ષેત્રં

પુનર્ અપરં શારિપુત્ર તત્ર બુદ્ધક્ષેત્રે તાસાં ચ તાલપંક્તીનાં તેષાં ચ
કિંકિણીજાલાનાં વાતેરિતાનાં વલ્ગુર્ મનોજ્ઞઃ શબ્દો નિશ્ચરતિ ।
તદ્યથાપિ નામ શારિપુત્ર કોટિશતસહસ્રાંગિકસ્ય દિવ્યસ્ય તૂર્યસ્ય
ચાર્યૈઃ(2) સંપ્રવાદિતસ્ય વલ્ગુર્ મનોજ્ઞઃ શબ્દો નિશ્ચરતિ એવમ્ એવ
શારિપુત્ર તાસાં ચ તાલપંક્તીનાં તેષાં ચ કિંકિણીજાલાનાં
વાતેરિતાનાં વલ્ગુર્ મનોજ્ઞઃ શબ્દો નિશ્ચરતિ । તત્ર તેષાં મનુષ્યાણાં
તં શબ્દં શ્રુત્વા બુદ્ધાનુસ્મૃતિઃ કાયે સંતિષ્ઠતિ ધર્માનુસ્મૃતિઃ કાયે
સંતિષ્ઠતિ સંઘાનુસ્મૃતિઃ કાયે સંતિષ્ઠતિ । એવંરૂપૈઃ શારિપુત્ર
બુદ્ધક્ષેત્રગુણવ્યૂહૈઃ સમલંકૃતં તદ્બુદ્ધક્ષેત્રં

તત્ કિં મન્યસે શારિપુત્ર કેન કારણેન સ તથાગતો ઽમિતાયુર્ નામોચ્યતે ।
તસ્ય ખલુ પુનઃ શારિપુત્ર તથાગતસ્ય તેષાં ચ મનુષ્યાણામ્(3)
અપરિમિતમ્ આયુઃપ્રમાણં । તેન કારણેન સ તથાગતો ઽમિતાયુર્ નામોચ્યતે ।
તસ્ય ચ શારિપુત્ર તથાગતસ્ય દશ કલ્પા અનુત્તરાં
સમ્યક્સંબોધિમ્ અભિસંબુદ્ધસ્ય

તત્ કિં મન્યસે શારિપુત્ર કેન કારણેન સ તથાગતો ઽમિતાભો
નામોચ્યતે । તસ્ય ખલુ પુનઃ શારિપુત્ર તથાગતસ્યાભાપ્રતિહતા
સર્વબુદ્ધક્ષેત્રેષુ । તેન કારણેન સ તથાગતો ઽમિતાભો નામોચ્યતે ॥
પ્--ઓ.96:જ્.202
તસ્ય ચ શારિપુત્ર તથાગતસ્યાપ્રમેયઃ શ્રાવકસંઘો યેષાં ન સુકરં
પ્રમાણમ્ આખ્યાતું શુદ્ધાનામ્ અર્હતાં । એવંરૂપૈઃ શારિપુત્ર
બુદ્ધક્ષેત્રગુણવ્યૂહૈઃ
સમલંકૃતં તદ્બુદ્ધક્ષેત્રં

પુનર્ અપરં શારિપુત્ર યે ઽમિતાયુષસ્ તથાગતસ્ય બુદ્ધક્ષેત્રે સત્ત્વા
ઉપપન્નાઃ શુદ્ધા બોધિસત્ત્વા અવિનિવર્તનીયા એકજાતિપ્રતિબદ્ધાસ્
તેષાં શારિપુત્ર બોધિસત્ત્વાનાં ન સુકરં પ્રમાણમ્ આખ્યાતુમ્
અન્યત્રાપ્રમેયાસંખ્યેયા
ઇતિ સંખ્યાં ગચ્છંતિ ॥ તત્ર ખલુ પુનઃ શારિપુત્ર
બુદ્ધક્ષેત્રે સત્ત્વૈઃ પ્રણિધાનં કર્તવ્યં । તત્ કસ્માદ્ ધેતોઃ । યત્ર હિ નામ
તથારૂપૈઃ સત્પુરુષૈઃ સહ સમવધાનં ભવતિ । નાવરમાત્રકેણ
શારિપુત્ર કુશલમૂલેનામિતાયુષસ્ તથાગતસ્ય બુદ્ધક્ષેત્રે સત્ત્વા ઉપપદ્યંતે ।
યઃ કશ્ચિચ્ છારિપુત્ર કુલપુત્રો વા કુલદુહિતા વા તસ્ય
ભગવતો ઽમિતાયુષસ્ તથાગતસ્ય નામધેયં શ્રોષ્યતિ શ્રુત્વા ચ મનસિકરિષ્યતિ
એકરાત્રં વા દ્વિરાત્રં વા ત્રિરાત્રં વા ચતૂરાત્રં વા
પંચરાત્રં વા ષડ્રાત્રં વા સપ્તરાત્રં વાવિક્ષિપ્તચિત્તો મનસિકરિષ્યતિ
યદા સ કુલપુત્રો વા કુલદુહિતા વા કાલં કરિષ્યતિ તસ્ય કાલં
કુર્વતઃ સો ઽમિતાયુસ્ તથાગતઃ શ્રાવકસંઘપરિવૃતો બોધિસત્ત્વગણપુરસ્કૃતઃ
પુરતઃ સ્થાસ્યતિ સો ઽવિપર્યસ્તચિત્તઃ કાલં કરિષ્યતિ ચ(4) ।
સ કાલં ક્ર્ત્વા તસ્યૈવામિતાયુષસ્ તથાગતસ્ય બુદ્ધક્ષેત્રે સુખાવત્યાં
લોકધાતાવ્ ઉપપત્સ્યતે । તસ્માત્ તર્હિ શારિપુત્ર ઇદમ્ અર્થવશમ્ સંપશ્યમાન
એવં વદામિ સત્કૃત્ય કુલપુત્રેણ વા કુલદુહિત્રા વા તત્ર બુદ્ધક્ષેત્રે
ચિત્તપ્રણિધાનં કર્તવ્યં

તદ્યથાપિ નામ શારિપુત્ર અહમ્ એતર્હિ તાં પરિકીર્તયામિ એવમ્ એવ
પ્--ઓ.97:જ્.204
શારિપુત્ર પૂર્વસ્યાં દિશ્ય્ અક્ષોભ્યો નામ તથાગતો મેરુધ્વજો નામ
તથાગતો મહામેરુર્ નામ તથાગતો મેરુપ્રભાસો નામ તથાગતો
મંજુધ્વજો નામ તથાગત એવંપ્રમુખાઃ શારિપુત્ર પૂર્વસ્યાં દિશિ
ગંગાનદીવાલુકોપમા બુદ્ધા ભગવંતઃ સ્વકસ્વકાનિ બુદ્ધક્ષેત્રાણિ
જિહ્વેંદ્રિયેણ સંચ્છાદયિત્વા નિર્વેઠનં કુર્વંતિ । પ્રતીયથ યૂયમ્ ઇદમ્
અચિંત્યગુણ-
પરિકીર્તનં સર્વબુદ્ધપરિગ્રહં નામ ધર્મપર્યાયં

એવં દક્ષિણસ્યાં દિશિ ચંદ્રસૂર્યપ્રદીપો નામ તથાગતો યશઃપ્રભો
નામ તથાગતો મહાર્ચિસ્કંધો નામ તથાગતો મેરુપ્રદીપો નામ
તથાગતો ઽનંતવીર્યો નામ તથાગત એવંપ્રમુખાઃ શારિપુત્ર દક્ષિણસ્યાં
દિશિ ગંગાનદીવાલુકોપમા બુદ્ધા ભગવંતઃ સ્વકસ્વકાનિ
બુદ્ધક્ષેત્રાણિ જિહ્વેંદ્રિયેણ સંચ્છાદયિત્વા નિર્વેઠનં કુર્વંતિ । પ્રતીયથ
યૂયમ્ ઇદમ્ અચિંત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયં

એવં પશ્ચિમાયાં દિશ્ય્ અમિતાયુર્ નામ તથાગતો ઽમિતસ્કંધો નામ
તથાગતો ઽમિતધ્વજો નામ તથાગતો મહાપ્રભો નામ તથાગતો
મહારત્નકેતુર્ નામ તથાગતઃ શુદ્ધરશ્મિપ્રભો નામ તથાગત એવંપ્રમુખાઃ
શારિપુત્ર પશ્ચિમાયાં દિશિ ગંગાનદીવાલુકોપમા બુદ્ધા
ભગવંતઃ સ્વકસ્વકાનિ બુદ્ધક્ષેત્રાણિ જિહ્વેંદ્રિયેણ સંચ્છાદયિત્વા
નિર્વેઠનં કુર્વંતિ । પ્રતીયથ યૂયમ્ ઇદમ્ અચિંત્યગુણપરિકીર્તનં
સર્વબુદ્ધપરિગ્રહં
નામ ધર્મપર્યાયં

એવમ્ ઉત્તરાયાં દિશિ મહાર્ચિસ્કંધો નામ તથાગતો વૈશ્વાનરનિર્ઘોષો
નામ તથાગતો દુંદુભિસ્વરનિર્ઘોષો નામ તથાગતો
પ્--ઓ.98:જ્.206
દુષ્પ્રધર્ષો નામ તથાગત આદિત્યસંભવો નામ તથાગતો જલેનિપ્રભો
નામ તથાગતઃ પ્રભાકરો નામ તથાગત એવંપ્રમુખા(5) શારિપુત્રોત્તરાયાં
દિશિ ગંગાનદીવાલુકોપમા બુદ્ધા ભગવંતઃ સ્વકસ્વકાનિ
બુદ્ધક્ષેત્રાણિ જિહ્વેંદ્રિયેણ સંચ્છાદયિત્વા નિર્વેઠનં કુર્વંતિ ।
પ્રતીયથ યૂયમ્ ઇદમ્ અચિંત્યગુણપરિકીર્તનં સર્વબુદ્ધપરિગ્રહં નામ
ધર્મપર્યાયં

એવમ્ અધસ્તાયાં દિશિ સિંહો નામ તથાગતો યશો નામ તથાગતો
યશઃપ્રભાસો નામ તથાગતો ધર્મો નમ તથાગતો ધર્મધરો
નામ તથાગતો ધર્મધ્વજો નામ તથાગત એવંપ્રમુખાઃ શારિપુત્રાધસ્તાયાં
દિશિ ગંગાનદીવાલુકોપમા બુદ્ધા ભગવંતઃ સ્વકસ્વકાનિ
બુદ્ધક્ષેત્રાણિ જિહ્વેંદ્રિયેણ સંચ્છાદયિત્વા નિર્વેઠનં કુર્વંતિ ।
પ્રતીયથ યૂયમ્ ઇદમ્ અચિંત્યગુણપરિકીર્તનં સર્વબુદ્ધપરિગ્રહં નામ
ધર્મપર્યાયં

એવમ્ ઉપરિષ્ઠાયાં દિશિ બ્રહ્મઘોષો નામ તથાગતો નક્ષત્રરાજો
નામ તથાગત ઇંદ્રકેતુધ્વજરાજો નામ તથાગતો ગંધોત્તમો નમ
તથાગતો ગંધપ્રભાસો નામ તથાગતો મહાર્ચિસ્કંધો નામ તથાગતો
રત્નકુસુમસંપુષ્પિતગાત્રો નામ તથાગતઃ સાલેંદ્રરાજો નામ
તથાગતો રત્નોત્પલશ્રીર્ નામ તથાગતઃ સર્વાર્થદર્શો નામ તથાગતઃ
સુમેરુકલ્પો નામ તથાગત એવંપ્રમુખાઃ શારિપુત્રોપરિષ્ઠાયાં દિશિ
ગંગાનદીવાલુકોપમા બુદ્ધા ભગવંતઃ સ્વકસ્વકાનિ બુદ્ધક્ષેત્રાણિ
જિહ્વેંદ્રિયેણ સંચ્છાદયિત્વા નિર્વેઠનં કુર્વંતિ । પ્રતીયથ યૂયમ્ ઇદમ્
અચિંત્યગુણપરિકીર્તનં સર્વબુદ્ધપરિગ્રહં નામ ધર્મપર્યાયં

પ્--ઓ.99:જ્.208
તત્ કિં મન્યસે શારિપુત્ર કેન કારણેનાયં ધર્મપર્યાયઃ સર્વબુદ્ધપરિગ્રહો
નામોચ્યતે । યે કેચિચ્ છારિપુત્ર કુલપુત્રા વા કુલદુહિતરો
વાસ્ય ધર્મપર્યાયસ્ય નામધેયં શ્રોષ્યંતિ તેષાં ચ બુદ્ધાનાં ભગવતાં
નામધેયં ધારયિષ્યંતિ સર્વે તે બુદ્ધપરિગૃહીતા ભવિષ્યંત્ય્ અવિનિવર્તનીયાશ્
ચ ભવિષ્યંત્ય્ અનુત્તરાયાં સમ્યક્સંબોધૌ(6) । તસ્માત્ તર્હિ શારિપુત્ર
શ્રદ્દધાધ્વં પ્રતીયથ માકાંક્ષયથ મમ ચ તેષાં ચ બુદ્ધાનાં ભગવતાં
।
યે કેચિચ્ છારિપુત્ર કુલપુત્રા વા કુલદુહિતરો વા તસ્ય
ભગવતો ઽમિતાયુષસ્ તથાગતસ્ય બુદ્ધક્ષેત્રે ચિત્તપ્રણિધાનં કરિષ્યંતિ
કૃતં વા કુર્વંતિ વા સર્વે તે ઽવિનિવર્તનીયા ભવિષ્યંત્ય્ અનુત્તરાયાં
સમ્યક્સંબોધૌ(6) તત્ર ચ બુદ્ધક્ષેત્ર ઉપપત્સ્યંત્ય્ ઉપપન્ના વોપપદ્યંતિ વા
।
તસ્માત્ તર્હિ શારિપુત્ર શ્રાદ્ધૈઃ કુલપુત્રૈઃ કુલદુહિતૃભિશ્ ચ તત્ર બુદ્ધક્ષેત્રે
ચિત્તપ્રણિધિર્ ઉત્પાદયિતવ્યઃ

તદ્યથાપિ નામ શારિપુત્રાહમ્ એતર્હિ તેષાં બુદ્ધાનાં ભગવતામ્
એવમચિંત્યગુણાન્
પરિકીર્તયામિ એવમ્ એવ શારિપુત્ર મમાપિ તે બુદ્ધા
ભગવંત એવમચિંત્યગુણાન્ પરિકીર્તયંતિ । સુદુષ્કરં ભગવતા શાક્યમુનિના
શાક્યાધિરાજેન કૃતં । સહાયાં લોકધાતાવ્ અનુત્તરાં
સમ્યક્સંબોધિમ્ અભિસંબુધ્ય સર્વલોકવિપ્રત્યયનીયો ધર્મો દેશિતઃ
કલ્પકષાયે સત્ત્વકષાયે દૃષ્ટિકષાય આયુષ્કષાયે ક્લેશકષાયે

તન્ મમાપિ શારિપુત્ર પરમદુષ્કરં યન્ મયા સહાયાં લોકધાતાવ્
અનુત્તરાં સમ્યક્સંબોધિમ્ અભિસંબુધ્ય સર્વલોકવિપ્રત્યયનીયો ધર્મો
દેશિતઃ સત્ત્વકષાયે દૃષ્ટિકષાયે ક્લેશકષાય આયુષ્કષાયે કલ્પકષાયે

પ્--ઓ.100:જ્.210
ઇદમ્ અવોચદ્ ભગવાન્ આત્તમનાઃ ।(7) આયુષ્માઞ્ શારિપુત્રસ્ તે ચ ભિક્ષવસ્
તે ચ બોધિસત્ત્વાઃ સદેવમાનુષાસુરગંધર્વશ્ ચ લોકો ભગવતો
ભાસિતમ્ અભ્યનંદન્