સ્કંદ પુરાણ · અધ્યાય 7.327

॥ ઈશ્વર ઉવાચ ॥ ॥
તતો મહોદયં ગચ્છેત્તસ્માદીશાનસંસ્થિતમ્

વિધિના તત્ર યઃ સ્નાતિ તર્પયેત્પિતૃદેવતાઃ ॥
પ્રતિગ્રહકૃતાદ્દોષાન્ન ભયં તસ્ય વિદ્યતે

મહોદયં મહાનન્દદાયકં ચ દ્વિજન્મનામ્ ॥
પ્રતિગ્રહપ્રસક્તાનાં વિષયાસક્તચેતસામ્ ॥
તેષામપિ દદેન્મુક્તિં તેન ખ્યાતં મહોદયમ્

તસ્ય વૈ રક્ષણાર્થાય મહાકાલસ્ય ચોત્તરે ॥
નિયુક્તાશ્ચ મહાદેવિ માતરસ્તત્ર સંસ્થિતાઃ ॥
તસ્મિન્સ્નાત્વા નરઃ પૂર્વં માતૄસ્તાશ્ચ પ્રપૂજયેત્

એવં દેવિ મયા ખ્યાતં મહોદયમહોદયમ્ ॥
સર્વપાપહરં નૃણામભિષેકાચ્ચ મુક્તિદમ્

અર્ધક્રોશે ચ તત્તીર્થં સમંતાત્પરિમંડલમ્ ॥
એતન્મધ્યં મહાસારં સદૈવ મુનિવલ્લભમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે મહોદયમાહાત્મ્યવર્ણનંનામ સપ્ત વિંશત્યુત્તરત્રિશતતમોઽધ્યાયઃ