સ્કંદ પુરાણ · અધ્યાય 5.162

શ્રીમાર્કણ્ડેય ઉવાચ -
ગોપેશ્વરં તતો ગચ્છેત્સર્પક્ષેત્રાદનન્તરમ્ ।
યત્ર સ્નાનેન ચૈકેન મુચ્યન્તે પાતકૈર્નરાઃ

તત્ર તીર્થે તુ યઃ સ્નાત્વા કુરુતે પ્રાણસંક્ષયમ્ ।
સ ગચ્છેદ્યદિ યુક્તોઽપિ પાપેન શિવમન્દિરમ્

તત્ર તીર્થે તુ યઃ સ્નાત્વા પૂજયેદ્દેવમીશ્વરમ્ ।
મુચ્યતે સર્વપાપૈશ્ચ રુદ્રલોકં સ ગચ્છતિ

ક્રીડિત્વા ચ યથાકામં રુદ્રલોકે મહાતપાઃ ।
ઇહ માનુષ્યતાં પ્રાપ્ય રાજા ભવતિ ધાર્મિકઃ

હસ્ત્યશ્વરથસમ્પન્નો દાસીદાસસમન્વિતઃ ।
પૂજ્યમાનો નરેન્દ્રૈશ્ચ જીવેદ્વર્ષશતં સુખી

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ગોપેશ્વરતીર્થમાહાત્મ્યવર્ણનં નામ દ્વિષષ્ટ્યુત્તરશતતમોઽધ્યાયઃ ॥