સ્કંદ પુરાણ · અધ્યાય 5.107

શ્રીમાર્કણ્ડેય ઉવાચ -
તતો ગચ્છેત રાજેન્દ્ર ભણ્ડારીતીર્થમુત્તમમ્ ।
દરિદ્રચ્છેદકરણં યુગાન્યેકોનવિંશતિઃ

ધનદેન તપસ્તપ્ત્વા પ્રસન્ને પદ્મસમ્ભવે ।
તત્રૈવ સ્વલ્પદાનેન પ્રાપ્તં વિત્તસ્ય રક્ષણમ્

તત્ર ગત્વા તુ યો ભક્ત્યા સ્નાત્વા વિત્તં પ્રયચ્છતિ ।
તસ્ય વિત્તપરિચ્છેદો ન કદાચિદ્ભવિષ્યતિ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ભણ્ડારીતીર્થમાહાત્મ્યવર્ણનં નામ સપ્તોત્તરશતતમોઽધ્યાયઃ ॥