શિવપુરાણ · અધ્યાય 7.2.33

ઓં ઇતિ શ્રીશિવમહાપુરાણે સપ્તમ્યાં વાયવીયસંહિતાયામુત્તરખણ્ડે ઐહિકસિદ્ધિકર્મવર્ણનં નામ દ્વાત્રિંશો ઽધ્યાયઃ
છપ્તેર્ 33
ઉપમન્યુરુવાચ
અતઃ પરં પ્રવક્ષ્યામિ કેવલામુષ્મિકં વિધિમ્
નૈતેન સદૃશં કિંચિત્કર્માસ્તિ ભુવનત્રયે

પુણ્યાતિશયસંયુક્તઃ સર્વૈર્દેવૈરનુષ્ઠિતઃ
બ્રહ્મણા વિષ્ણુના ચૈવ રુદ્રેણ ચ વિશેષતઃ

ઇંદ્રાદિલોકપારૈશ્ચ સૂર્યાદ્યૈર્નવભિર્ગ્રહૈઃ
વિશ્વામિત્રવસિષ્ઠાદ્યૈર્બ્રહ્મવિદ્ભિર્મહર્ષિભિઃ

શ્વેતાગસ્ત્યદધીચાદ્યૈરસ્માભિશ્ચ શિવાશ્રિતૈઃ
નંદીશ્વરમહાકાલભૃંગીશાદ્યૈર્ગણેશ્વરૈઃ

પાતાલવાસિભિર્દૈત્યૈઃ શેષાદ્યૈશ્ચ મહોરગૈઃ
સિદ્ધૈર્યક્ષૈશ્ચ ગંધર્વૈ રક્ષોભૂતપિશાચકૈઃ

સ્વંસ્વં પદમનુપ્રાપ્તં સર્વૈરયમનુષ્ઠિતઃ
અનેન વિધિના સર્વે દેવા દેવત્વમાગતાઃ

બ્રહ્મા બ્રહ્મત્વમાપન્નો વિષ્ણુર્વિષ્ણુત્વમાગતઃ
રુદ્રો રુદ્રત્વમાપન્ન ઇંદ્રશ્ચેન્દ્રત્વમાગતઃ

ગણેશશ્ચ ગણેશત્વમનેન વિધિના ગતઃ
સિતચંદનતોયેન લિંગં સ્નાપ્ય શિવં શિવામ્
શ્વેતૈર્વિકસિતૈઃ પદ્મૈઃ સંપૂજ્ય પ્રણિપત્ય ચ

તત્ર પદ્માસનં રમ્યં કૃત્વા લક્ષણસંયુતમ્
વિભવે સતિ હેમાદ્યૈ રત્નાદ્યૈર્વા સ્વશક્તિતઃ

મધ્યે કેસરજાલાસ્ય સ્થાપ્ય લિંગં કનીયસમ્
અંગુષ્ઠપ્રતિમં રમ્યં સર્વગન્ધમયં શુભમ્

દક્ષિણે સ્થાપયિત્વા તુ બિલ્વપત્રૈઃ સમર્ચયેત્
અગુરું દક્ષિણે પાર્શ્વે પશ્ચિમે તુ મનઃશિલામ્

ઉત્તરે ચંદનં દદ્યાદ્ધરિતાલં તુ પૂર્વતઃ
સુગન્ધૈઃ કુસુમૈ રમ્યૈર્વિચિત્રૈશ્ચાપિ પૂજયેત્

ધૂપં કૃષ્ણાગુરું દદ્યાત્સર્વતશ્ચ સગુગ્ગુલમ્
વાસાંસિ ચાતિસૂક્ષ્માણિ વિકાશાનિ નિવેદયેત્

પાયસં ઘૃતસંમિશ્રં ઘૃતદીપાંશ્ચ દાપયેત્
સર્વં નિવેદ્ય મન્ત્રેણ તતો ગચ્છેત્પ્રદક્ષિણામ્

પ્રણમ્ય ભક્ત્યા દેવેશં સ્તુત્વા ચાન્તે ક્ષમાપયેત્
સર્વોપહારસંમિશ્રં તતો લિંગં નિવેદયેત્

શિવાય શિવમન્ત્રેણ દક્ષિણામૂર્તિમાશ્રિતઃ
એવં યો ઽર્ચયતે નિત્યં પઞ્ચગન્ધમયં શુભમ્

589અ
સર્વપાપવિનિર્મુક્તઃ શિવલોકે મહીયતે
એતદ્વ્રતોત્તમં ગુહ્યં શિવલિંગમહાવ્રતમ્

ભક્તસ્ય તે સમાખ્યાતં ન દેયં યસ્ય કસ્યચિત્
દેયં ચ શિવભક્તેભ્યઃ શિવેન કથિતં પુરા